• ಫಾಲ್ಯಾ ಥಾವ್ನ್ ಸಕಾಳಿಂ 8.10 ಮಿನುಟಾಂಚೆರ್ ಆರಾಧನ್, ಕಾಕುಳ್ತಿಚೊ ತೇರ್ಸ್ ಆನಿ 8.30 ವೊರಾರ್ ಮೀಸಾ ಬಲಿದಾನ್, ಮರ್ಯೆಕ್ ನೊವೆನ್ ಆನಿ ಫುಲಾಂ ಅರ್ಪುಂಚಿ. ವ್ಹಡಾ ಸಂಖ್ಯಾನ್ ಭುರ್ಗ್ಯಾಂನಿ ತಶೆಂ ವ್ಹಡಾಂನಿ ಅರಾಧನಾಕ್, ಮೀಸಾ ಬಲಿದಾನಾಕ್ ಆನಿ ನೊವೆನಾಕ್ ಹಾಜರ್ ಜಾಂವ್ಕ್ ವಿನಂತಿ. ನೊವೆನಾಂ ದಿಸಾಂನಿ ಭುರ್ಗ್ಯಾಂಕ್ ತಶೆಂ ವ್ಹಡಾಂಕ್ ಗೊಡ್ಶೆಂ ವಾಂಟ್ತಾವ್.‌ ಗೊಡ್ಶೆಂ ವಾಂಟುಂಕ್ ಆನಿ ಮೊಂತಿಫೆಸ್ತಾಚಾ ಸಂಭ್ರಮಾಕ್ ಖರ್ಚ್ ಆಸಾ ದೆಕುನ್ ತುಮ್ಚೆಂ ಬರೆಂ ಮನ್ ದಾಖವ್ನ್ ಸ್ಪೋನ್ಸಾರ್, ಮುಡ್ಡೊಮ್ ಆನಿ ಉದಾರ್ ಮನಾಚಿ ಕುಮಕ್ ದೀಂವ್ಕ್ ವಿನಂತಿ.
• ಯೆತೆತ್ಯಾ ಮಂಗ್ಳಾರಾ ಸಪ್ತೆಂಬರ್ 1 ತಾರಿಕೆರ್ ಮೊಂತಿಫೆಸ್ತಾಕ್ ಆತ್ಮಿಕ್ ತಯಾರಾಯ್ ಜಾವ್ನ್ ಸಕಾಳಿಂ 9.00 ವೊರಾಂ ಥಾವ್ನ್ 12.00 ವೊರಾ೦ ಪರ್ಯಾ೦ತ್ ಕುಮ್ಸಾರಾಂ ದವರ್ಲ್ಯಾಂತ್‌ ಕುಮ್ಸಾರಾಕ್‌ ಸಯ್ರೆ ಯಾಜಕ್ ಆಸ್ತೆಲೆ. ಸುಟಾವೆ ಕುಮ್ಸಾರ್‌ ಜಾವ್ನ್ ಮರಿ ಮಾಯೆಚಾ ಜಲ್ಮಾ ಫೆಸ್ತಾಕ್ ತಯಾರಾಯ್ ಕರುಂಕ್ ಉಲೊ ದಿತಾ.
• ಯೆತಾತ್ಯಾ ಬುದ್ವಾರಾ ಸಪ್ತೆಂಬರ್ 2 ತಾರೀಕ್ ಬುದ್ವಾರಾ ಸಕಾಳಿಂ 9.00 ವೊರಾಂ ಥಾವ್ನ್ ಪಿಡೇಸ್ತ್ ಪ್ರಾಯ್ವಂತಾಂಕ್‌  ಆಮಿ ದೋಗ್‌ಯೀ ಯಾಜಕ್ ಕುಮ್ಗಾರ್ ಹಾಡ್ನ್ ಯೆತಾಂವ್. ಕೊಣಾಕ್ ಕುಮ್ಗಾರ್ ಜಾಯ್ ತಾಂಚಿ ನಾಂವಾಂ ಸೋಮಾರಾ 31 ತಾರಿಕೆ ಭಿತರ್ ದಫ್ತರಾಕ್ ದಿಂವ್ಚಿಂ.
• ಸಪ್ತೆಂಬರ್ 4 ತಾರಿಕೆರ್ ಸಾಂಜೆರ್ 4.00 ವೊರಾರ್ ಎವ್ಕರಿಸ್ತಾಂಚಾ ವಿಶೇಸ್ ಮಣಿಯಾರ್ಯಾಂಚೆಂ ಮೀಟಿಂಗ್ ಆಸಾ. ಸರ್ವ್ ಸಾಂದ್ಯಾಂನಿ ಹಾಜರ್ ಜಾಂವ್ಚೆಂ.
• ಯೆತಾತ್ಯಾ ಆಯ್ತಾರಾ ಮಿಸಾ ವೆಳಾರ್ ಶಿಕ್ಷಕಾಂಚೊ ದೀಸ್ ಆಚರಣ್ ಕರ್ನ್ ಸರ್ವ್ ಶಿಕ್ಷಕಾಂ ಖಾತಿರ್ ಮಾಗ್ತಾಂವ್. ಮೀಸಾ ಉಪ್ರಾಂತ್ ಫಿರ್ಗಜ್ ಸಭಾ ಸಲಾಂತ್ ಸರ್ವ್ ಶಿಕ್ಷಕಾಂಕ್ ಉಲ್ಲಾಸುಂಚೆಂ ಕಾರ್ಯೆಂ ಆಸ್ತೆಲೆಂ. ಮಿಸಾ ವೆಳಾರ್ ಸ್ತ್ರೀಯಾಂ ಕುಶಿನ್ ಶಿಕ್ಷಕಿಂನಿ ಬಸ್ಚೆಂ ಆನಿ ಭುರ್ಗ್ಯಾಂನಿ ದಾದ್ಲ್ಯಾಂನಿ ಬಸ್ಚ್ಯಾ ಬಾಂಕಾಂನಿ ಬಸ್ಚೆಂ.
• ಯೆತಾತ್ಯಾ ಆಯ್ತಾರಾ ಸಪ್ತೆಂಬರ್ 6 ದನ್ಪರಾ 1.30 ವೊರಾರ್ ವಾರಾಡ್ಯಾ ಹಂತಾರ್ ಕಥೋಲಿಕ್ ಸಭಾ ಒಮ್ಜೂರ್ ಘಟಕ್ ಸುರ್‌ಸರ್‌ಗಮ್ ಅಂತ್ಯಾಕ್ಷರಿ ಸ್ಪರ್ಧೊ ಮಾಂಡುನ್ ಹಾಡ್ತಾ. ಆಮ್ಚೆ ಫಿರ್ಗಜೆಚೊ ಪಂಗಡ್ ಹಾಂತುಂ ವಾಂಟೊ ಘೆತಾ. ದೆಕುನ್ ತಾಂಕಾಂ ಪ್ರೋತ್ಸಾಹ್ ದಿಂವ್ಚ್ಯಾಕ್ ತುಮಿ ವ್ಹಡಾ ಸಂಖ್ಯಾನ್ ಹಾಜರ್ ಜಾಂವ್ಕ್ ಉಲೊ ದಿತಾಂ.
• ಸಪ್ತೆಂಬರ್ 12 ತಾರಿಕೆರ್ ಸನ್ವಾರಾ ಸಾಂಜೆಚಾ ಮೀಸಾ ಉಪ್ರಾಂತ್ ಮ್ಹಳ್ಯಾರ್ 5.30 ವೊರಾಂ ಥಾವ್ನ್ 7.30 ವೊರಾ೦ ಪರ್ಯಾ೦ತ್ ‘ಕುರ್ಪೆಚಿ ಸಾಂಜ್’ ಮಾಗ್ಣ್ಯಾ ಸಾಂಜ್ ಆಸಾ ಕೆಲ್ಯಾ. ಹ್ಯಾ ವೆಳಾರ್ ಭುರ್ಗ್ಯಾಂಕ್, ಯುವಜಣಾಂಕ್ ತಾಂಚಾ ಶಿಕ್ಪಾಕ್ ತಶೆಂ ಬರ್ಯಾ ಫುಡಾರಾಕ್ ತಯಾರಾಯ್ ಕರ್ಚ್ಯಾಕ್ ಆನಿ ತಾಂಚಾ ಆವಯ್ ಬಾಪಯ್ ಖಾತಿರ್ ವಿಶೇಸ್ ಮಾಗ್ಣೆಂ ಕಂತಾರಾಂ, ಆರಾಧನ್ ಆನಿ ತೆಲಾವ್ಣಿ ಆಸ್ತೆಲಿಂ. ದೆಕುನ್ ಯೆಂವ್ಚ್ಯಾ ಆಯ್ತಾರಾ ಆರಾಧನ್ ಆಸ್ಚೆಂ ನಾ. ದೆಕುನ್ ಪುರ್ಸತ್ ಕರ್ನ್ ಹ್ಯಾ ಮಾಗ್ಣ್ಯಾ ಸಂಭ್ರಮಾಂತ್ ವಾಂಟೊ ಘೆಂವ್ಕ್ ವಿನಂತಿ ಕರ್ತಾಂವ್.
• ಸಪ್ತೆಂಬರ್ 20 ತಾರಿಕೆರ್ ಆಯ್ತಾರಾ ಸಕಾಳಿಂ ಮೀಸಾ ಉಪ್ರಾಂತ್ ವೈ.ಸಿ.ಎಸ್. ಭುರ್ಗ್ಯಾಂಕ್ ಮ್ಹಳ್ಯಾರ್ ಪಯ್ಲ್ಯಾ ಆನಿ ದುಸ್ರ್ಯಾ ವರ್ಸಾಚಾ ಪಿಯುಸಿ ಭುರ್ಗ್ಯಾಂಕ್ ಆನಿ ತಾಂಚಾ ವ್ಹಡಿಲಾಂಕ್, ಆವಯ್ ಬಾಪಾಯ್ ಸಾಂಗಾತಾ ಇಗರ್ಜೆಂತ್ ಮೀಟಿಂಗ್ ದವರ್ಲಾಂ. ಭುರ್ಗ್ಯಾಂನಿ ತಶೆಂ ತಾಂಚಾ ವ್ಹಡಿಲಾಂನಿ ಚುಕಾನಾಸ್ತಾನಾ ಮೀಟಿಂಗಾಕ್ ಹಾಜರ್ ಜಾಂವ್ಚೆಂ.
• ಅಕ್ಟೋಬರ್ 12, 13 ಆನಿ 14 ತಾರಿಕೆರ್ ಮ್ಹಳ್ಯಾರ್ ಸೊಮಾರ್ ಮಂಗ್ಳಾರ್  ಆನಿ  ಬುದ್ವಾರಾ ದಸರಾ ರಜೆಂತ್ ತೀನ್ ದೀಸ್ 10ವ್ಯಾ ಕ್ಲಾಸಿಚಾ ಭುರ್ಗ್ಯಾಂಕ್ ಬಂಟ್ವಾಳ್ ಮೊಡಂಕಾಪ್ ಇಗರ್ಜೆ ಹೊಲಾಂತ್ ಜೀವನ್ ಜ್ಯೋತಿ ಶಿಬಿರ್ ದವರ್ಲಾ. ತಶೆಂಚ್ ಅಕ್ಟೋಬರ್ 12 ತಾರಿಕೆರ್ 7ವ್ಯಾ ಕ್ಲಾಸಿಚಾ ಭುರ್ಗ್ಯಾಂಕ್, 13 ತಾರಿಕೆರ್ 8ವ್ಯಾ ಕ್ಲಾಸಿಚಾ ಭುರ್ಗ್ಯಾಂಕ್ ಆನಿ 14 ತಾರಿಕೆರ್ 9ವ್ಯಾ ಕ್ಲಾಸಿಚಾ ಭುರ್ಗ್ಯಾಂಕ್ ಜೀವನ್ ದಿಶಾ ಶಿಬಿರ್ ದವರ್ಲಾ. ಭುರ್ಗ್ಯಾಂಕ್ ಹೆಂ ಶಿಬಿರ್ ಭೋವ್ ಗರ್ಜೆಚೆಂ ಆನಿ ಕಡ್ಡಾಯೆಚೆಂ ದೆಕುನ್ ಭುರ್ಗ್ಯಾಂನಿ ಚುಕಾನಾಸ್ತಾನಾ ಹಾಜರ್ ಜಾಂವ್ಕ್ ವಡಿಲಾಂನಿ ಗಮನ್ ದೀಂವ್ಕ್ ಉಲೊ ದಿತಾ.

05/09/2026- ಸನ್ವಾರಾ ಸಾಂಜೆರ್‌ 4:30-ಬಾಡೂರ್‌ ಕಾನಾ-ಸಾಂತ್‌ ಲೊರೆನ್ಸ್ ವಾಡೊ
06/09/2026-ಆಯ್ತಾರಾ ಸಾಕಾಳಿಂ 7:30- ಪಾದೆಮಾರ್‌ -ಮದರ್‌ ತೆರೆಜಾ ವಾಡೊ-ವಾಡ್ಯಾ ಫೆಸ್ತಾಚಿ ಲಿತುರ್ಜಿ
06/09/2026-ಆಯ್ತಾರಾ ಸಾಕಾಳಿಂ 10:00- ಕಥೊಲಿಕ್‌ ಸಭಾ

• ಹ್ಯಾ ಹಪ್ತ್ಯಾಂತ್ ಫೆಸ್ತಾಂ ಬ್ರೇಸ್ತಾರಾ 3 ತಾರಿಕೆರ್ ಭಾಗೆವಂತ್ ಗ್ರೆಗೊರ್ ವರ್ತೊ ಹಾಚೆಂ ಸ್ಮರಣ್, ಸನ್ವಾರಾ 5 ತಾರಿಕೆರ್ ಕೊಲ್ಕತಾಚಿ ಭಾಗೆವಂತ್ ಮದರ್ ತೆರೆಜಾ ಹಿಚೆಂ ಸ್ಮರಣ್.