• ಮೊಂತಿ ಫೆಸ್ತಾಂ ವಿಶ್ಯಾಂತ್ – ಅಗೋಸ್ತ್ 30 ತಾರಿಕೆರ್ ಆಯ್ತಾರಾ ನೊವೆನ್ ಆರಂಭ್ ಜಾತಾ. ಪೊರ್ವಾ ಆಯ್ತಾರಾ ಸಕಾಳಿಂ 7.30 ವರಾಂಚೆ ಮೀಸ್ ಜಾಲ್ಲೆಂಚ್ ಸುಮಾರ್ 8.30 ವೊರಾರ್ ಭುರ್ಗ್ಯಾಂನಿ ಫುಲಾಂ ಹಾಡ್ನ್‌ ಇಗರ್ಜೆ ಭಿತರ್ ಯೆಂವ್ಚೆಂ. ಬಾಳೊಕ್ ಮರ್ಯೆಕ್ ನೊವೆನ್ ಆನಿ ಉಪ್ರಾಂತ್ ಫುಲಾಂ ಅರ್ಪುಂಚಿ, ಉಪ್ರಾಂತ್ ಭುರ್ಗ್ಯಾಂನಿ ದೊತೊರ್ನೆಚಾ ಕ್ಲಾಸಿಕ್ ವೆಚೆಂ ಆನಿ 10.00 ವೊರಾರ್ ಭುರ್ಗ್ಯಾಂಕ್ ಮೀಸ್. ಸೊಮಾರಾ 31 ತಾರಿಕೆ ಥಾವ್ನ್ ಸಕಾಳಿಂ 8.10 ಮಿನುಟಾಂನಿ ಆರಾಧನ್, 8.30 ವೊರಾರ್ ಮಿಸಾ ಬಲಿದಾನ್, ಬಾಳೊಕ್ ಮರ್ಯೆಕ್ ನೊವೆನ್ ಆನಿ ಫುಲಾಂ ಅರ್ಪುಚಿಂ. ಫುಲಾಂ ಹಾಡ್ಲೆಲ್ಯಾ ಭುರ್ಗ್ಯಾಂಕ್ ತಶೆಂ ವ್ಹಡಾಂಕ್ ಹರ್ಯೆಕಾ ದಿಸಾ ಗೊಡ್ಶೆಂ ವಾಂಟುಂಕ್ ಆಸಾ, ಮೊಂತಿ ಫೆಸ್ತಾಚಾ ಮೀಸಾ ಸಂಭ್ರಮಾ ಉಪ್ರಾಂತ್ ಹಾರ್ಯೇಕ್ಲ್ಯಾಕ್‌ ಬ್ರೇಕ್‌ ಫಾಸ್ಟಾಚಿ ಮಾಂಡವಳ್ ಕರ್ತೆಲ್ಯಾಂವ್. ಆಲ್ತಾರಿಕ್ ತಶೆಂ ಗ್ರೊಟ್ಟ್ಯಾಕ್‌ ಫುಲಾಂ ಡೆಕೊರೇಶನ್ ಕರುಂಕ್ ಆಸಾ. ಹ್ಯಾ ಸರ್ವ್ ಕಾರ್ಯಾಕ್ ಖರ್ಚ್ ಆಸಾ ದೆಕುನ್ ತುಮ್ಚ್ಯಾ ಉದಾರ್ ಮನಾಚಿ ಕಾಣಿಕ್, ಸ್ಪೋನ್ಸರ್ ರಾವೊನ್ ಆನಿ ಮುಡ್ಡೋಮ್ ದೀವ್ನ್ ಸಹಕಾರ್ ದೀಂವ್ಕ್ ವಿನಂತಿ, ಸ್ಪೋನ್ಸರ್ ತಶೆಂ ಮುಡ್ಡೋಮ್ ರಾವ್ಲೆಲ್ಯಾಂಕ್ ಫೆಸ್ತಾ ದಿಸಾಂ ಮಾನಾಚ್ಯೊ ವಾತಿ ದೀವ್ನ್ ಗೌರವ್ ದಿತೆಲ್ಯಾಂವ್.
• ಸಪ್ಟೆಂಬರ್ 1 ತಾರಿಕ್ ಮಂಗ್ಳಾರಾ ಮೊಂತಿಫೆಸ್ತಾಕ್ ಆತ್ಮಿಕ್ ತಯಾರಾಯ್ ಜಾವ್ನ್ ಸಕಾಳಿಂ 9.00 ವೊರಾಂ ಥಾವ್ನ್ 12.00 ವೊರಾಂ ಪರ್ಯಾಂತ್ ಕುಮ್ಸಾರಾಂ ದವರ್ಲ್ಯಾಂತ್, ಕುಮ್ಸಾರಾಂಕ್ ಸಯ್ರೆ ಯಾಜಕ್ ಆಸ್ತೆಲೆಂ. ವ್ಹಡಾ ಸಂಖ್ಯಾನ್ ಯೇವ್ನ್ ಕುಮ್ಸಾರ್ ಜಾವ್ನ್ ಮರಿ ಮಾಯೆಚಾ ಜಲ್ಮಾ ಫೆಸ್ತಾಕ್ ತಯಾರಾಯ್ ಕರುಂಕ್ ಉಲೊ ದಿತಾ.
• ತಶೆಂಚ್ ಸಪ್ಟೆಂಬರ್ 2 ತಾರೀಕ್ ಬುದ್ವಾರಾ ಸಕಾಳಿಂ 9.00 ವೊರಾಂ ಥಾವ್ನ್ ಪಿಡೇಸ್ತ್ ಪ್ರಾಯ್ವಂತಾಂಕ್ ಆಮಿ ದೋಗ್‌ಯೀ ಯಾಜಕ್ ಕುಮ್ಗಾರ್‌ ಹಾಡ್ನ್ ಯೆತಾಂವ್. ಕೊಣಾಚಾ ಘರಾ ಕುಮ್ಗಾರ್ ಹಾಡಿಜಾಯ್ ಮ್ಹಣ್ ಅಗೋಸ್ತ್ 29 ತಾರೀಕ್ ಸನ್ವಾರಾ ಭಿತರ್ ಗುರ್ಕಾರಾ ಮುಖಾಂತ್ರ್ ದಫ್ತರಾಂಕ್ ತಿಳ್ಸುಂಕ್ ವಿನಂತಿ.
• ಆಮ್ಚ್ಯಾ ಫಿರ್ಗಜೆಂತ್ಲ್ಯಾ 10ವಿ, ಪಿ.ಯು.ಸಿ., ಡಿಗ್ರಿ ಫೈನಲ್ ಪರೀಕ್ಷೆಂತ್ ಡಿಸ್ಟಿಕ್ಷನ್ ಕಾಡ್ಲೆಲ್ಯಾ ವಿದ್ಯಾರ್ಥಿಂಕ್ ಒಮ್ಜೂರ್ಚಿ ಪಾನಾಂ ತರ್ಫೆನ್ ಸಪ್ಟೆಂಬರ್ 8 ತಾರಿಕೆರ್ ಮೊಂತಿ ಫೆಸ್ತಾ ದಿಸಾ ನಗ್ದಿ ರುಪಾನ್ ಬಹುಮಾನ್ ದೀವ್ನ್ ಮಾನ್ ಕರ್ತೆಲ್ಯಾಂವ್ ಎದೊಳ್ ಕೊಣೆಂ ಮಾರ್ಕ್ ಕಾರ್ಡಾಚಿ ಫೋಟೊ ಕೋಪಿ ದೀನಾಲ್ಲ್ಯಾಂನಿ ಅಗೋಸ್ತಾಚಾ 26 ತಾರಿಕೆ ಭಿತರ್ ಫಿರ್ಗಜ್ ಧಪ್ತರಾಕ್ ಪಾವಿತ್ ಕರುಂಕ್ ವಿನಂತಿ.
• ಕ್ರೀಜ್ಮಾಚಾ ಭುರ್ಗ್ಯಾಂಕ್ ದೊತೊರ್ನ್ ಶಿಕಯಿಲ್ಲ್ಯಾ ಶಿಕ್ಷಕಿಂಕ್ ಸಪ್ಟೆಂಬರ್ 8 ತಾರಿಕೆರ್ ಫೆಸ್ತಾಚಾ ಮೀಸಾ ಉಪ್ರಾಂತ್ ಉಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಕರ್ತೆಲ್ಯಾಂವ್.
• ಅದ್ಲ್ಯಾ ವರ್ಸಾಂ 8 ಥಾವ್ನ್ ಧಾವ್ಯಾ ಕ್ಲಾಸಿ ಪರ್ಯಾಂತ್ಲ್ಯಾ ಭುರ್ಗ್ಯಾಂಕ್ ಪೆರಾಂಚಿ ಝಡಾಂ ದಿಲ್ಲಿ. ತಾಚೊ ಪೋಸ್ ಕರ್ನ್ ತಾಚಿ ಫೋಟೊ ಕಾಡ್ನ್ ಧಾಡ್ಲ್ಲಾ ಭುರ್ಗ್ಯಾಂ ಪಯ್ಕಿ ವಿಜೇತ್ ಜಾಲ್ಲ್ಯಾಂಕ್ ಮೊಂತಿ ಫೆಸ್ತಾ ದಿಸಾಂ ಬಹುಮಾನ್‌ ದೀವ್ನ್ ಅಭಿನಂದನ್ ಪಾಠಯ್ತಲ್ಯಾಂವ್.
• ಸಪ್ಟೆಂಬರ್ 13 ತಾರಿಕೆರ್ ಆಯ್ತಾರಾ ಹರ್ಯೇಕಾ ವಾಡ್ಯಾಂತ್ ಮೊಂತಿಫೆಸ್ತಾಚೆಂ ಆಚರಣ್ ಆಸ್ತೆಲೆಂ.

29/08/2026- ಸನ್ವಾರಾ ಸಾಂಜೆರ್‌ 4:30-ಮಯ್ಯಾಡಿ ದುಸ್ರೊ-ಸಾಂತ್‌ ಫ್ರಾನ್ಸಿಸ್‌ ಸಾವೆರ್‌ ವಾಡೊ
30/08/2026-ಆಯ್ತಾರಾ ಸಾಕಾಳಿಂ 7:30- ಪಡು-ಮರಿಯೆಚೆ ಖತಾವಿಣ್‌ ಕಾಳಿಜ್‌ ವಾಡೊ
30/08/2026-ಆಯ್ತಾರಾ ಸಾಕಾಳಿಂ 10:00- 4 ಕ್ಲಾಸ್

• ಹ್ಯಾ ಹಪ್ತ್ಯಾಂತ್‌ ಫೆಸ್ತಾಂ ಸೊಮಾರಾ 24 ತಾರಿಕೆರ್ ಸಾಂತ್ ಬಾರ್ತೊಲೊಮೆನ್ ಅಪೋಸ್ತಲಾಚೆಂ ಫೆಸ್ತ್. ಬ್ರೇಸ್ತಾರಾ 27 ತಾರಿಕೆರ್ ಭಾಗೆವಂತ್ ಮೊನಿಕಾಚೆಂ ಸ್ಮರಣ್, ಸುಕ್ರಾರಾ 28 ತಾರಿಕೆರ್ ಭಾಗೆವಂತ್ ಅಗೊಸ್ತಿನಾಚೆಂ ಸ್ಮರಣ್ ಆನಿ ಸನ್ವಾರಾ 29 ತಾರಿಕೆರ್ ಸಾಂ. ಜುವಾಂವ್ ಬಾವ್ತಿಸ್ತಾಚೆಂ ಮಾಡ್ತಿ‌ರ್‌ಪಣಾಚೆಂ ಸ್ಮರಣ್.