• ಪೊರ್ವಾ೦ ಮಂಗ್ಳಾರಾ ಮೊಂತಿ ಫೆಸ್ತಾಚೊ ಸಂಭ್ರಮ್. ತುಮಿ 7.20 ಮಿನುಟಾಂ ಭಿತರ್ ಗ್ರೊಟ್ಟ್ಯಾ ಲಾಗಿಂ ಯೆಂವ್ಚೆಂ. ಉಪ್ರಾಂತ್ 7.30 ವೊರಾರ್ ಗ್ರೊಟ್ಟ್ಯಾ ಮುಖಾರ್ ನವೆಂ ಬೆಂಜಾರ್, ಮರ್ಯೆಕ್ ಫುಲಾಂ ಅರ್ಪುಂಚಿ ಆನಿ ಉಪ್ರಾಂತ್ ಪುರ್ಶಾಂವ್ ಆನಿ ಸಂಭ್ರಮಿಕ್ ಮಿಸಾ ಬಲಿದಾನ್.
• SIR (Special Intensive Revision)ಮುಖಾಂತ್ರ್‌ ದಾಖಲ್‌ ಕೆಲ್ಲಿಂ ನಾಂವಾಂ ವೋಟರ್ ಲಿಸ್ಟರ್ ಆಯ್ಲ್ಯಾಂತ್. ಪೂಣ್ ಕೊಣಾಚಿಂ ನಾಂವಾಂ ಯೇಂವ್ಕ್ ನಾಂತ್ ತಸಲ್ಯಾಂಕ್ ನೋಟಿಸಾಂ ಆಯ್ಲ್ಯಾಂತ್ ಆನಿ ಹೆರಾಂಕ್ ದಾಡ್‌ಲ್ಲಿಂ ನೋಟಿಸಾಂ ಮೆಳೊಂಕ್ ನಾಂತ್. ಹ್ಯಾ ವಿಶಿಂ ಮುಖ್ಲೆಂ ಮೇಟ್ ಕಶೆಂ ಮ್ಹಣ್ ನಿರ್ಣಯ್ ಕರ್ಚ್ಯಾಕ್ ಆನಿ ಮಾಹೆತ್ ಜೊಡ್ಚ್ಯಾಕ್ ಯೆತಾತ್ಯಾ ಬುದ್ವಾರಾ 9 ತಾರಿಕೆರ್ ಸಾಂಜೆರ್ 6.00 ವೊರಾರ್ ಇಗರ್ಜೆಚ್ಯಾ ಮಿನಿ ಹೊಲಾಂತ್ ಸರ್ವ್ ವಾಡ್ಯಾಚಾ ಗುರ್ಕಾರಾಂನಿ, ಕಥೊಲಿಕ್ ಸಭೆಚಾ ಹುದ್ದೆದಾರಾಂನಿ, ಸಂಫ್ ಸಂಸ್ಥ್ಯಾಚಾ ಅಧ್ಯಕ್ಷಾಂನಿ, ಆಯೋಗ್ ಸಂಯೋಜಕ್ ಆನಿ ನೀತ್ ಆನಿ ಶಾಂತಿ ಆಯೋಗಾಚ್ಯಾ ಸಾಂದ್ಯಾಂನಿ ಚುಕಾನಾಸ್ತಾನಾ ಮೀಟಿಂಗಾಕ್ ಹಾಜರ್ ಜಾಂವ್ಚೆಂ.
• ಸಪ್ಟೆಂಬರ್ 12 ತಾರಿಕೆರ್ ಸನ್ವಾರಾ ಸಾಂಜೆಚಾ ಮೀಸಾ ಉಪ್ರಾಂತ್ ಮ್ಹಳ್ಯಾರ್ 5.30 ವೊರಾಂ ಥಾವ್ನ್ 7.30 ವೊರಾಂ ಪರ್ಯಾಂತ್ ‘ಕುರ್ಪೆಚಿ ಸಾಂಜ್’ ಮಾಗ್ಣ್ಯಾ ಸಂಭ್ರಮ್ ಆಸಾ ಕೆಲಾ. ಹ್ಯಾ ವೆಳಾರ್ ಭುರ್ಗ್ಯಾಂಕ್, ಯುವಜಣಾಂಕ್ ತಾಂಚಾ ಶಿಕ್ಪಾಕ್ ತಶೆಂ ಫುಡಾರಾಕ್ ತಯಾರಾಯ್ ಕರ್ಚ್ಯಾಕ್ ಆನಿ ತಾಂಚಾ ಆವಯ್ ಬಾಪಯ್ ಖಾತಿರ್ ವಿಶೇಸ್ ಮಾಗ್ಣೆಂ,ಕಂತಾರಾಂ, ಆರಾಧನ್ ಆನಿ ತಲಾವ್ಣಿ ಆಸ್ತೆಲಿಂ. ದೆಕುನ್ ಪುರ್ಸತ್ ಕರ್ನ್‌ ಹ್ಯಾ ಮಾಗ್ಣ್ಯಾ ಸಂಭ್ರಮಾಂತ್ ವಾಂಟೊ ಘೆಂವ್ಕ್‌ ವಿನಂತಿ ಕರ್ತಾಂವ್.
• ಕಥೊಲಿಕ್ ಸಭಾ ಬಂಟ್ವಾಳ್ ವಾರಾಡೊ 2026 ವರ್ಸಾ ಧಾವಿ ಆನಿ ಪಿಯುಸಿ ಅಂತಿಮ್ ಪರೀಕ್ಷೆಂತ್ 90% ಆನಿ ಚಡಿತ್ ಅಂಕ್ ಜೊಡ್‌ಲ್ಲ್ಯಾ ಭುರ್ಗ್ಯಾಂಕ್ ಪ್ರತಿಭಾ ಪುರಸ್ಕಾರ್ ದಿತಾ. ಹಾಕಾ ಸಂಬಂಧ್ ಜಾಲ್ಲ್ಯಾ ಭುರ್ಗ್ಯಾಂನಿ ತಾಂಚಿ ಮಾರ್ಕ್ಸ್ ಕಾರ್ಡಾಚಿ ಪ್ರತಿ ಆನಿ ತಸ್ವೀ‌ರ್ ಕಥೊಲಿಕ್ ಸಭಾ ಕಾರ್ಯದರ್ಶಿ ಶ್ರೀಮತಿ ಆನಿತಾ ಲೋಬೊ ಹಿಕಾ ಸಪ್ಟೆಂಬರ್ 12 ತಾರಿಕೆ ಭಿತರ್ ದೀಂವ್ಕ್ ವಿನಂತಿ.
• ಕರ್ನಾಟಕ್ ಕ್ರೈಸ್ತ ಸಮುದಾಯ ಅಭಿವೃದ್ಧಿ ನಿಗಮ ಥಾವ್ನ್ ಕ್ರಿಸ್ತಾಂವಾಂಕ್ ಮೆಳ್ಚ್ಯಾ ಸವ್ಲತಾಯೆ ವಿಶಿಂ ಮಾಹೆತ್ ದಿತೆಲೆ. ಹೆಂ ಕಾರ್ಯೆಂ ಸಪ್ಟೆಂಬರ್ 27 ತಾರಿಕೆರ್ ದನ್ಪರಾ 3.00 ವೊರಾರ್ ಮೊಡಂಕಾಪ್ ಇಸ್ಕೊಲಾಂತ್ ಮಾಂಡುನ್ ಹಾಡ್ಲಾಂ. ಹಾಚೊ ಬರೊ ಉಪಯೋಗ್ ಕರುಂಕ್ ತುಮ್ಮಾಂ ಉಲೊ ದಿತಾ.
• ಕಥೊಲಿಕ್ ಸಭಾ, ಒಮ್ಜೂರ್‌ ಘಟಕ್ ಮಾಂಡುನ್ ಹಾಡ್ತಾ ಭಾಷಣ್ ಸ್ಪರ್ಧೊ 2026. ಲ್ಟಾನ್ ಭುರ್ಗ್ಯಾಂ ಥಾವ್ನ್ ವ್ಹಡಾ ಪರ್ಯಾಂತ್ ಸರ್ವಾಂಕ್ ಆವ್ಕಾಸ್ ಆಸಾ. ವಿವಿದ್ ವಿಭಾಗ್ ಆಸಾತ್. ಸ್ಪರ್ಧ್ಯಾಚೆಂ ವಿಷಯ್ ನೋಟಿಸ್ ಬೋರ್ಡಾರ್ ಪಳೆಂವ್ಚೆಂ ಸರ್ವಾಂನಿ ಪಾತ್ರ್ ಘೆಂವ್ಚ್ಯಾಕ್‌ ಉಲೊ ದಿತಾ. ಹೊ ಸ್ಪರ್ಧೊ ಅಕ್ಟೋಬರ್ ಮಹಿನ್ಯಾಂತ್ ಆಸ್ತೆಲೊ, ತಾರೀಕ್ ಮುಕಾರ್ ತಿಳ್ಸಿತೆಲ್ಯಾಂವ್.
  ಮೊಂತಿ ಫೆಸ್ತಾಕ್ ತಯಾರಾಯ್ ಹ್ಯಾ ಪರಿಂ ಆಸಾ:
• ಆಲ್ತಾರ್ ಫುಲಾಂನಿ ಸೊಬಂವ್ಕ್ ಕೊವೆಂತಾಚಾ ಧಾರ್ಮಿಕ್ ಭಯ್ಣಿಂಕ್, ಫೆಸ್ತಾಕ್ ಕಂತಾರಾಂಚಿ ಜವಾಬ್ದಾರಿ ಗಾಯನ್ ಪಂಗ್ಡಾಕ್, ನವೆಂ ನಿತಳ್ ಕರುಂಕ್ ಸ್ತ್ರೀ ಸಂಘಟನಾಚೆಂ ಸಾಂದೆ, ಇಗರ್ಜ್ ಡೆಕೊರೇಟ್ ಕರುಂಕ್ ಐ.ಸಿ.ವೈ.ಎಮ್ ಸಾಂದ್ಯಾಂಕ್. ಫೆಸ್ತಾಚಿ ಲಿತುರ್ಜಿ ಭುರ್ಗ್ಯಾಂಕ್.
• ಆದ್ಲ್ಯಾ ಗೊವ್ಳಿಕ್ ಪರಿಷದೆಚಾ ಜಮಾತೆರ್ ನಿರ್ಣಯ್ ಕೆಲ್ಲ್ಯಾ ಪರ್ಮಾಣೆ ಮೊಂತಿ ಫೆಸ್ತಾ ದಿಸಾ ಮಿಸಾ ವೆಳಾರ್ ಗುರ್ಕಾರಾಂನಿ, ಗೊವ್ಳಿಕ್ ಪರಿಷದೆಚಾ ಸಾಂದ್ಯಾಂನಿ ಆನಿ ಹೆರಾಂನಿ ಕಾಣಿಕ್ ಹಾಡ್ಚಿ ಆನಿ ಹಿ ಕಾಣಿಕ್ ಮಿಸಾ ಉಪ್ರಾಂತ್ ಏಲಂ ಕರ್ಚಿ ಆನಿ ತಾಚೊ ಐವಜ್ ದುಬ್ಳ್ಯಾಂಕ್ ಕುಮೊಕ್ ಕರುಂಕ್ ಎಸ್.ವಿ.ಪಿ.ಕ್ ದಿತೆಲ್ಯಾಂವ್. ಯೆತೆತ್ಯಾ ಆಯ್ತಾರಾ ಸಪ್ಟೆಂಬರ್ 13 ತಾರಿಕೆರ್ ಸರ್ವ್ ವಾಡ್ಯಾಂನಿ ಮೊಂತಿ ಫೆಸ್ತ್ ಸಂಭ್ರಮ್ ಆಸಾ. ಹೆಂ ಮೊಂತಿಫೆಸ್ತ್ ಆಚರಣ್ ಕರುಂಕ್ ಮುಖೆಲ್ಪಣ್ ವಾಡ್ಯಾಚೆ ಗುರ್ಕಾರ್, ಪ್ರತಿನಿಧಿ ಆನಿ ಸಕ್ಕಡ್ ವಾಡ್ಯಾಗಾರಾಂನಿ ವಾಂಟೊ ಉಲೊ ದಿತಾ.
• ತೇವ್‌ ಕಾಡ್‌ ವಾಡ್ಯಾಚೊ ನವೊ ಗುರ್ಕಾರ್‌ ಜಾವ್ನ್‌ ಮಾನೆಸ್ತ್‌ ಡೊನಾಲ್ಡ್‌ ಕೊರೆಯಾ ವಿಂಚುನ್‌ ಆಯ್ಲಾ.ಹಾಕಾ ಅಭಿನಂದನ್‌ ಪಾಠಯ್ತಾ ಆನಿ ಸರ್ವ್‌ ಬರೆಂ ಮಾಗ್ತಾಂ

12/09/2026- ಸನ್ವಾರಾ ಸಾಂಜೆರ್‌ 4:30-ಅರ್ಕುಳ ಪಯ್ಲೊ-ಸಾಂತ್‌ ಆನ್ನಾ ವಾಡೊ
13/09/2026-ಆಯ್ತಾರಾ ಸಾಕಾಳಿಂ 7:30- ಮೇರಮಜಲ್‌ ಪಯ್ಲೊ -ಭಾಗೆವಂತ್‌ ಕುಟಾಮ್‌ ವಾಡೊ
13/09/2026-ಆಯ್ತಾರಾ ಸಾಕಾಳಿಂ 10:00- ವೈ.ಸಿ.ಎಸ್