• ಆಜ್ ಪವಿತ್ರ್ ತ್ರಿಂದಾದಿಚೆಂ ಫೆಸ್ತ್‌. ದೇವ್ ಎಕ್ಲೊಚ್ ಪೂಣ್ ತಾಚೆ ಥಂಯ್ ತೇಗ್ ಜಣ್, ಬಾಪ್ ಆನಿ ಪೂತ್ ಆನಿ ಪವಿತ್ರ್ ಅತ್ಮೊ ತುಮ್ಮಾಂ ಆಶೀರ್ವಾದಾಂನಿ ಭರೊಂದಿ ಮ್ಹಣ್ ಮಾಗ್ತಾಂವ್.
• ಸೊಮಾರಾ ಥಾವ್ನ್ ಭುರ್ಗ್ಯಾಂಕ್ ಶೈಕ್ಷಣಿಕ್ ವರಸ್ ಮ್ಹಳ್ಯಾರ್ ಶಿಕ್ಪಾಚೆಂ ವರಸ್ ಆರಂಭ್ ಜಾತಾ. ಸರ್ವ್ ಭುರ್ಗ್ಯಾಂಚೆರ್ ದೆವಾಚಿಂ ಆಶೀರ್ವಾದ್ ಮಾಗ್ತಾಂ. ದೇವ್ ತಾಂಕಾಂ ಸಾಂಬಾಳುಂದಿ, ಬರಿ ಭಲಾಯ್ಕಿ ಲಾಬೊಂವ್ದಿ ಆನಿ ಬರೊ ಫುಡಾರ್ ತಾಂಕಾಂ ಫಾವೊ ಕರುಂದಿ ತಶೆಂಚ್ ತಾಂಚ್ಯಾ ಶಿಕ್ಷಕ್ ವೃಂದಾಕ್ ಕುಡಿಚಿ ಭಲಾಯ್ಕಿ ಆನಿ ಮತಿಚಿ ಜಾಣ್ವಾಯ್ ಲಾಬೊಂವ್ದಿ ಮ್ಹಣ್ ಮಾಗ್ತಾಂವ್.
• ಆಮ್ಚೆ ನರ್ಸರಿ / Play School ಶಾಳಾಂತ್ ಭುರ್ಗ್ಯಾಂಕ್ ದಾಖಲ್ ಕರುಂಕ್ ಉಲೊ ದಿತಾಂ.
• ಜೂನಾಚಾ 14 ತಾರಿಕೆರ್ ಆಯ್ತಾರಾ ಆಮ್ಚ್ಯೆ ಫಿರ್ಗಜೆಚಾ 61 ಭುರ್ಗ್ಯಾಂಕ್ ಮಂಗ್ಳುರ್‌ಚೊ ಭಿಸ್ಪ್ ಸಾಯ್ಬ್ ಕ್ರಿಜ್ಮಾಚೊ ಸಾಕ್ರಾಮೆಂತ್ ದಿತೊಲೊ. ತ್ಯಾ ಆಯ್ತಾರಾ ಸಕಾಳಿಂ 7.30 ವೊರಾಂ ಥಾವ್ನ್ ಭುರ್ಗ್ಯಾಂಕ್ ದೊತೊರ್ನ್ ಆನಿ 8.00 ವೊರಾರ್ ಮೀಸಾ ಬಲಿದಾನ್ ಏಕ್‌ಚ್ ಮೀಸ್. ಕ್ರೀಜ್ಮಾಚಾ ಭುರ್ಗ್ಯಾಂನಿ ಸಕಾಳಿಂ 7.20 ಮಿನುಟಾಂ ಭಿತರ್ ಇಗರ್ಜೆಂತ್ ಆಸ್ಚೆಂ. ಭುರ್ಗ್ಯಾ೦ ಲಾಗಿಂ ಏಕೇಕ್ envelop/ ಕವರ್ ದಿತೆಲ್ಯಾಂವ್ ತಾಂತುಂ ಭುರ್ಗ್ಯಾಂನಿ ದಿಂವ್ಚಿಂ ಕಾಣಿಕ್ ಸೆಮಿನರಿಸ್ತಾಂಚಾ ತರ್ಭೆತೆಕ್ ಸೆಮಿನರಿಕ್ ಧಾಡ್ನ್ ದಿತೆಲ್ಯಾಂವ್. ಮೀಸಾವೆಳಾರ್ ಕ್ರೀಜ್ಮ್‌ ಮ್ಹೆಳ್ಚ್ಯಾಭುರ್ಗ್ಯಾಂಚಾ ವ್ಹಡಿಲಾಂನಿ ಕಾಣಿಕ್‌ ಹಾಡುಂಕ್ ವಿನಂತಿ. ಮೀಸಾ ಉಪ್ರಾಂತ್ ಸರ್ವಾಂಕ್ ಬ್ರೇಕ್‌ ಫಾಸ್ಟ್ ಆಸ್ತಲೊ. ದೆಕುನ್ ವ್ಹಡಾ ಸಂಖ್ಯಾನ್ ಕ್ರೀಜ್ಮಾಚಾ ಸಾಕ್ರಾಮೆಂತಾಚಾ ಮಿಸಾ ಬಲಿದಾನಾಂತ್ ವಾಂಟೊ ಘೆವ್ನ್‌ ಭುರ್ಗ್ಯಾಂ ಖಾತಿ‌ರ್ ಮಾಗೊಂಕ್ ಉಲೊ ದಿತಾಂ.
• ಹ್ಯಾ ಕ್ರೀಜ್ಮಾಚಾ ಸಾಕ್ರಾಮೆಂತಾಕ್ ತಯಾರಾಯ್ ಜಾವ್ನ್ ಭುರ್ಗ್ಯಾಂಕ್ ಜೂನಾಚಾ 8 ತಾರಿಕ್ ಸೊಮಾರಾ ಥಾವ್ನ್ 12 ತಾರಿಕ್ ಸುಕ್ರಾರಾ ಪರ್ಯಾಂತ್ ಸಾಂಜೆರ್ 5.30 ವೊರಾಂ ಥಾವ್ನ್ 6.30 ವೊರಾಂ  ಪರ್ಯಾಂತ್‌  ದೊತೊರ್ನ್, ಕುಮ್ಸಾರ್, ಕಂತಾರಾಂ ಆನಿ ಹೆರ್ ಮಾಂಡವಳ್ ಕರುಂಕ್ ಆಸಾ. ದೆಕುನ್ ಭುರ್ಗ್ಯಾಂನಿ ಚುಕನಾಸ್ತಾನಾ ಹ್ಯಾ ದಿಸಾಂನಿ ಹಾಜರ್ ಜಾಂವ್ಚೆಂ.
• ಆಜ್ ಕ್ರೀಜ್ಮಾಚಾ ಭುರ್ಗ್ಯಾಂಕ್ ಇಗರ್ಜೆಂತ್‌ಚ್ ದೊತೊರ್ನ್ ಆಸ್ತೆಲಿ. ಮೀಸ್ ಜಾಲ್ಲೆಂಚ್ ಭುರ್ಗ್ಯಾಂನಿ ಇಗರ್ಜೆಂತ್‌ ರಾಂವ್ಚೆಂ. ಕ್ರೀಜ್ಮಾಚಾ ಭುರ್ಗ್ಯಾಂಕ್ ಜೂನಾಚಾ 7 ತಾರಿಕೆರ್ ಆಯ್ತಾರಾ ಕ್ರೀಜ್ಮಾಚಿ ಪರೀಕ್ಷಾ ಆಸ್ತೆಲಿಂ. ಬರಂವ್ಕ್ ಪೇಪರ್ ಆನಿ ಪೆನ್ನ್ ಹಾಡುಂಕ್ ವಿನಂತಿ. ಕ್ರೀಜ್ಮಾಚಾ ದೊತೊರ್ನೆಚಾ ಪರೀಕ್ಷೆಕ್‌ ಹಾಜರ್ ಜಾಲ್ಲ್ಯಾಂಕ್ ಮಾತ್ರ್ ಆಮಿ ಕ್ರೀಜ್ಮಾಚೊ ಸಾಕ್ರಾಮೆಂತ್ ದಿತೆಲ್ಯಾಂವ್.
• ಗೆಲೆತ್ಯಾ ಆಯ್ತಾರಾ ದೋಸ್ತಿ ಕಲಾಕಾರಾಚೆಂ ದಶಮಾನೊತ್ಸವ್ ಕಾರ್ಯೆಂ ಬರೆಂ ಜಾಲಾ ಮ್ಹಣ್ ಸಬಾರಾಂನಿ ಅಭಿಪ್ರಾಯ್ ಉಚರ್ಲ್ಯಾ. ದೆಕುನ್ ಹ್ಯಾ ಕಾರ್ಯಾಚಾ ಕಾರ್ಬಾರ್ಯಾಂಕ್‌  ಆಮ್ಚಿ ಶಾಭಾಸ್ಕಿ ಪಾಟಯ್ತಾನಾ, ಕಾರ್ಯಾಂತ್ ವಾಂಟೊ ‌ ಘೆವ್ನ್‌ ಪ್ರೋತ್ಸಾಹ್ ದಿಲ್ಲ್ಯಾ ಸರ್ವ್ ಫಿರ್ಗಜ್ಗಾರಾಂಕ್ ಕಾರ್ಯಾಚಾ ಕಾರ್ಬಾರ್ಯಾಂನಿ ದೇವ್ ಬರೆಂ ಕರುಂ ಮ್ಹಳಾಂ.
  ಹ್ಯಾ ಕಾರ್ಯಾವೆಳಾರ್ ವಿವಿಧ್ ತಾಲೆಂತಾಚಿ ವಿಶಿಷ್ಟ್ ಸಾಧನ್ ಕೆಲ್ಲ್ಯಾಂಕ್ ಸನ್ಮಾನ್ ಆಸ್‌ಲ್ಲೊ. ತಾಂಚೆಂ ಮಧೆಂ ದೊಗಾಂ ತರ್ನಾಟಿಂ ಕಥೊಲಿಕ್‌  ಕಲಾಕಾರಾಂ. ಆಮ್ಚಾ ಯುವಜಣಾಂಕ್ ತಿಂ ಮೇಲ್‌ಫಂಕ್ತ್. ಮೊಬೈಲ್, ಈಷ್ಟಾಗತ್ ಆನಿ ಹೆರ್ ರಿತಿನಿ ವೇಳ್ ವಿಬಾಡ್ ಕರ್ಚ್ಯಾ ಬದ್ಲಾಕ್ ಕಠೀಣ್ ಶ್ರಮ್ ಕೆಲ್ಯಾರ್ ಕೀರ್ತ್ ಜೊಡ್ಯೆತಾ. ಹಾಕಾ ವ್ಹಡಿಲಾಂಚೊ ಸಹಕಾರ್ ಜಾಯ್. ಆಮ್ಚಿ ಜಾಯ್ತಿಂ ಭುರ್ಗಿಂ ತಶೆಂಚ್ ವ್ಹಡಿಲಾಂ ರಜೆವೆಳಾರ್ ಆಯ್ತಾರಾ ಸಯ್ತ್ ಮೀಸಾಕ್ ಯೇನಾಂತ್ ಆನಿ ಭುರ್ಗ್ಯಾಂಕ್ ದೊತೊರ್ನ್ ಆಸ್ತಾನಾ ಸಯ್ತ್ ಸಾರ್ಕೆ೦ ದೊತೊರ್ನೆಕ್ ಆನಿ ಮೀಸಾಕ್ ದಾಡಿನಾಂತ್ ಆನಿ ಖಂಚಾಯೀ ಕಾರ್ಯಾಂತ್ ವಾಂಟೊ ಫೆನಾಂತ್. ತಿಂ ಭುರ್ಗಿಂ ಕೋಣ್ ಆನಿ ವ್ಹಡಿಲಾಂ ಕೋಣ್ ಮ್ಹಳ್ಳೆಂ ಆಮ್ಕಾಂ ಕಳಿತ್ ಆಸಾ. ಭುರ್ಗ್ಯಾಂಕ್ ಭಾವಾರ್ಥಾನ್ ವಾಡಂವ್ಕ್, ಫಿರ್ಗಜ್ ಯಾಜಕಾ ಸಾಂಗಾತಾ ವ್ಹಡಿಲಾಂನಿ ಸಹಕಾರ್ ದೀನಾಂತ್ ತರ್ ಭುರ್ಗಿಂ ಶೆಳೆತಲಿಂ ಮ್ಹಳ್ಳೆಂ ವ್ಹಡಿಲಾಂನಿ ಉಡಾಸ್ ದವರ್ಚೆಂ.
• ಜೂನಾಚಾ 21 ತಾರಿಕೆ ಥಾವ್ನ್ ಪಯ್ಲ್ಯಾ ಕ್ಲಾಸಿಚಾ ಭುರ್ಗ್ಯಾಂ ಥಾವ್ನ್ ಪಿ.ಯು.ಸಿ ಪರ್ಯಾಂತ್ ಭುರ್ಗ್ಯಾಂಕ್ ದೊತೊರ್ನ್ ಆರಂಭ್ ಜಾತಾ. ವೇಳ್ ಸಕಾಳಿಂ 8.45 ಥಾವ್ನ್ 9.45 ಪರ್ಯಾಂತ್‌ , ಭುರ್ಗ್ಯಾಂನಿ ಚುಕಾನಾಸ್ತಾನಾ ಹಾಜಾರ್ ಜಾಂವ್ಕ್ ವ್ಹಡಿಲಾಂನಿ ಮಿನತ್ ಘೆಂವ್ಚಿ. ತ್ಯಾ ದಿಸಾ ಕ್ರಿಸ್ತಾಂವ್ ದೊತೊರ್ನೆಚಿ ಸುರ್ವಾತ್ ಸಂಭ್ರಮ್ ಆಸ್ತಲೊ, ತಶೆಂಚ್ ಆಮ್ಕಾಂ  ಆಯ್ತಾರಾಚಿ ದೊತೊರ್ನ್ ಶಿಕಂವ್ಕ್ ಶಿಕ್ಷಕಿಂಚಿ ಗರ್ಜ್ ಆಸಾ. ಆಸಕ್ತ್ ಆಸ್ಲೆಲ್ಯಾಂನಿ ಹ್ಯಾ ಹಪ್ತ್ಯಾ ಭಿತರ್ ಅಫಿಸಾಂತ್ ನಾಂವಾಂ ದಿಂವ್ಚಿಂ.
• ಪಾಟ್ಲ್ಯಾ ಎಕಾ ವರ್ಸಾ ಥಾವ್ನ್ ವಸ್ತೆ ಯಾಜಕ್ ಜಾವ್ನ್ ಸೆವಾ ದೀವ್ನ್ ಉರ್ವಾ ಫಿರ್ಗಜೆಕ್ ವರ್ಗ್ ಜಾವ್ನ್ ವೆಚಾ ಮಾ। ಬಾ| ವಿಕ್ಟರಾಕ್ ಫಿರ್ಗಜೆ ತರ್ಫೆನ್ ಉಪ್ಕಾರ್ ಬಾವುಡ್ತಾಂವ್. ವಿಶೇಸ್ ತಾಲೆಂತಾಂನಿ ಭರ್ಲಲೆ ಬಾಪ್ ವಿಕ್ಟರ್, ಕೊಯೆರಾಕ್ ತಶೆಂಚ್ ಲ್ಹಾನಾ ಭುರ್ಗ್ಯಾಂಕ್ ಸಂಗೀತಾಂತ್ ತರ್ಭೆತಿ ದಿಲ್ಯಾ. ಆಯ್ತಾರಾ ಆನಿ ಹಪ್ತ್ಯಾ ಮಧೆಂ ಮಿಸಾ ಭೆಟವ್ನ್ ಸಮ್ಜಣೆಚೆ ಪ್ರಸಂಗ್ ದಿಲ್ಯಾತ್ ಆರಾಧನ್, ತೈಜೆ ಮಾಗ್ಣೆಂ, ಪೆಂತೆಕೋಸ್ತಾಚಿ ಸಾಂಜ್ ಹ್ಯಾ ಭಕ್ತಿಕ್ ಕಾರ್ಯಾನಿ ಲೊಕಾಚಿ ಭಕ್ತಿ ಚಡಯ್ಲ್ಯಾ. ಅಲ್ತಾರ್ ಭುರ್ಗ್ಯಾಂಕ್ ತಶೆಂ ಯುವಜಣಾಂಕ್ ಮಾರ್ಗದರ್ಶನ್ ದಿಲಾಂ. ತುಮ್ಚ್ಯಾ ನಿಸ್ವಾರ್ಥಿ ಆನಿ ಬರ್ಯಾ ಮನಾಚಾ ಸೆವೆ ಖಾತಿರ್‌ ತುಮ್ಕಾಂ ಧಿನ್ವಾಸ್ತಾಂವ್. ಉಪ್ಕಾರ್ ಬಾವ್ಡುನ್ ದೆವಾಚಿಂ ಆಶೀರ್ವಾದಾಂ ಮಾಗ್ತಾಂವ್. ತಶೆಂಚ್ ತುಮ್ಚ್ಯೆ ಮುಖ್ಲೆಂ ಮಿಸಾಂವ್ ಫಳಾಭರಿತ್ ಜಾಂವ್ ಮ್ಹಣ್ ಆಶೆತಾಂವ್.

06/06/2026- ಸನ್ವಾರಾ ಸಾಂಜೆರ್‌ 4:30-ಎಸ್.ವಿ.ಪಿ
07/06/2026-ಆಯ್ತಾರಾ ಸಾಕಾಳಿಂ 7:30-ತೇವ್-ಸಾಂತ್‌ ಅಂತೊನ್‌ ವಾಡೊ ವಾಡ್ಯಾ ಫೆಸ್ತಾಚಿ ಲಿತುರ್ಜಿ

ಹ್ಯಾ ಹಪ್ತ್ಯಾಂತ್ ಫೆಸ್ತಾಂ ಫಾಲ್ಯಾ ಸೊಮಾರಾ ಜೂನಾಚಾ 1 ತಾರಿಕೆರ್ ಭಾಗೆವಂತ್ ಜುಸ್ತಿನ್ ಮಾಡ್ತಿರಾಚೆಂ ಸ್ಮರಣ್, ಯೆತಾತ್ಯಾ ಸುಕ್ರಾರಾ 5 ತಾರಿಕೆರ್ ಭಾಗೆವಂತ್ ಭೋನಿಪಾಸ್ ಮಾಡ್ತಿರಾಚೆ ಸ್ಮರಣ್. ಯೆತಾತ್ಯಾ ಆಯ್ತಾರಾ ಜೆಜುಚಾ ಕುಡಿ ರಗ್ತಾಚೆಂ ಫೆಸ್ತ್.