• ಆಜ್ ಪೆಂತೆಕೋಸ್ತಾಚೆಂ ಮ್ಹಣ್ಜೆ ಪವಿತ್ರ್ ಅತ್ಮ್ಯಾಚೆಂ ಫೆಸ್ತ್. ಪವಿತ್ರ್ ಅತ್ಮೊ ತುಮ್ಚಿಂ ಜಿಣಿ ಉಜ್ವಾಡಾಂವ್ದಿ ಆನಿ ಸಂತೊಸ್ ಸಮಾಧಾನಾಚೆಂ ಜಿವಿತ್ ಲಾಬೊಂವ್ದಿ ಮ್ಹಣ್ ಮಾಗ್ತಾಂ. ಪೆಂತೆಕೊಸ್ತಾಚಾ ಫೆಸ್ತಾ ಸವೆಂ ಪಾಸ್ಕಾಕಾಳ್ ಸಂಪ್ತಾ ಆನಿ ಫಾಲ್ಯಾಂ ಥಾವ್ನ್ ಭಡ್ವ್ಯಾನ್ ಮರ್ಯೆಕ್ ಬರಿಂ ಖಬಾರ್ ಹಾಡ್ಲಿ ಆಮೊರಿ ಆರಂಭ್ ಜಾತಾ.
• ಸುಕ್ರಾರಾ ಸಾಂಜೆರ್ ಆಸಾ ಕೆಲ್ಲಿ ಪೆಂತೆಕೊಸ್ತಾಚಿ ಸಾಂಜ್ ಭೋವ್ ಭಕ್ತಿನ್ ಸಂಪಯ್ಲಿ. ಹಿ ಭಕ್ತಿಚಿ ಸಾಂಜ್ ಚಲವ್ನ್ ವ್ಹೆಲ್ಲ್ಯಾ ಮಾ। ಬಾ। ವಿಕ್ಟರಾಕ್, ಗಾಯನ್ ಪಂಗ್ಡಾಕ್ ಆನಿ ವಾಂಟೊ ಘೆತ್ಲೆಲ್ಯಾ ಸರ್ವಾಂಕ್ ಕಾಳ್ಜಾಂ ಥಾವ್ನ್ ದೇವ್ ಬರೆಂ ಕರುಂ.
•  ಹ್ಯಾ ರಜೆಂತ್ ಸಬಾರ್ ಭುರ್ಗ್ಯಾಂನಿ ಹಪ್ತ್ಯಾ ಮಧೆಂ ಚುಕಾನಾಸ್ತಾನಾ ಮೀಸಾ ಸಂಭ್ರಮಾಂತ್ ವಾಂಟೊ ಘೆತ್ಲಾ . ತ್ಯಾ ಭುರ್ಗ್ಯಾಂಕ್ ಯೆತಾತ್ಯಾ ಆಯ್ತಾರಾ ಸಕಾಳಿಂ ಮೀಸಾ ಉಪ್ರಾಂತ್ ಬಹುಮಾನಾಂ ದೀವ್ನ್‌ ಮಾನ್ ಕಾರ್ತಾವ್. ಸದಾಂ ಮೀಸಾಕ್ ಆಯ್ಲೆಲ್ಯಾ ಭುರ್ಗ್ಯಾಂನಿ ಆಯ್ತಾರಾ ಸಕಾಳಿಂಚಾ ಮೀಸಾಕ್ ಯೆಂವ್ಚೆಂ.
• ದೋಸ್ತಿ ಕಲಾಕಾರ್ ಫೆರ್ಮಾಯ್ ಹಾಂಚಾ ದಶಮಾನೋತ್ಸವ್ ಸಂಧರ್ಭಾರ್ ಆಜ್ ಸಾಂಜೆರ್ 6.30 ವೊರಾರ್ ಸಾಂಸ್ಕೃತಿಕ್ ಕಾರ್ಯೆಂ ಉಪ್ರಾಂತ್ ಜೆವಾಣ್ ಆಸಾ. ತುಮಿ ವ್ಹಡಾ ಸಂಖ್ಯಾನ್ ಹಾಜರ್ ಜಾವ್ನ್ ಕಲಾಕರಾಂಕ್ ಪ್ರೋತ್ಸಾಹ್ ದೀಜಯ್ ಮ್ಹಣ್ ಕಾರ್ಯಾಚಾ ಕಾರ್ಬಾರ್ಯಾಂನಿ ವಿನಂತಿ ಕೆಲ್ಯಾ.
• ಫಡು ವಾಡ್ಯಾಚೊ ಸ್ವೀವನ್ ಡಿಸಿಲ್ವ ಬಂಟ್ವಾಳ್ ಎಮ್.ಸಿ.ಸಿ. ಬ್ಯಾಂಕಾಚೊ ಮೇನೇಜರ್ ಜಾವ್ನ್ ನೇಮಕ್ ಜಾಲಾ. ತಾಕಾ ಅಭಿನಂದನ್ ಪಾಠವ್ನ್ ಮುಖ್ಲ್ಯಾ ವಾವ್ರಾಕ್ ಬರೆಂ ಮಾಗ್ತಾಂವ್.
• 2026-27 ವರ್ಸಾಕ್ ಐ.ಸಿ.ವೈ.ಎಂ. ಒಮ್ಜೂರ್ ಘಟಕಾಕ್ ಅಧ್ಯಕ್ಷ್ ಜಾವ್ನ್ ಜೊಸ್ವಿನ್ ಪಿಂಟೊ ಆನಿ ಕಾರ್ಯದರ್ಶಿ ಜಾವ್ನ್ ಲವಿಟಾ ಪಿರೇರಾ ತಶೆಂ ಹೆರ್ ಹುದ್ದೆದಾರ್ ವಿಂಚುನ್ ಆಯ್ಲ್ಯಾತ್. ತಾಂಕಾಂ ಅಭಿನಂದನ್ ಆನಿ ಬರೆಂ ಮಾಗ್ತಾಂ. ಆಮ್ಚ್ಯೆ ಫಿರ್ಗಜೆಂತ್ 18 ವರ್ಸಾ ಥಾವ್ನ್ 25 ವರ್ಸಾ೦ ಭಿತರ್ಲಿಂ ಯುವಜಣಾಂ ಜಾಯ್ತಿಂ ಆಸಾತ್. ತಾಣಿಂ ಫಿರ್ಗಜೆ ಖಾತಿರ್ ತಶೆಂಚ್ ತಾಂಚಿಂ ತಾಲೆಂತಾಂ ವೃದ್ಧಿ ಕರ್ಚ್ಯಾಕ್ ಐ.ಸಿ.ವೈ.ಎಂ ಕ್ ಭರ್ತಿ ಜಾಂವ್ಕ್ ವಿನಂತಿ ಕಾರ್ತಾಂ.
• ಪಾಟ್ಲ್ಯಾ ಎಕಾ ವರ್ಸಾ ಥಾವ್ನ್ ಆಮ್ಚ್ಯಾ ಫಿರ್ಗಜೆಂತ್ ಆತ್ಮೀಕ್ ಸೆವಾ ದಿಂವ್ಚೊ ವಸ್ತೆ ಯಾಜಕ್ ಮಾ। ಬಾ। ವಿಕ್ಟರ್ ಡಿಸೋಜಾ ಹಾಂಗಾಥಾವ್ನ್ ಉರ್ವಾ ಫಿರ್ಗಜೆಕ್ ಜೂನಾಚಾ 9 ತಾರಿಕೆರ್ ವರ್ಗ್ ಜಾವ್ನ್ ವೆತಾತ್. ಸದಾಂ ಬಜ್ಜೋಡಿ ಥಾವ್ನ್ ಹಾಂಗಾ ಯೇವ್ನ್ ವಚೊಂಕ್ ಮಸ್ತ್ ತ್ರಾಸ್ ಜಾತಾತ್ ಮ್ಹಳ್ಳ್ಯಾ ಕಾರಾಣಾಕ್ ಲಾಗೊನ್ ಭಿಸ್ಪ್ ಸಾಯ್ಬಾನ್ ತಾಂಕಾಂ ವರ್ಗ್ ಕೆಲಾ. ತಾಂಕಾ ಬರೆಂ ಮಾಗ್ಚೆಂ ಕಾರ್ಯೆಂ ಯೆತಾತ್ಯಾ ಆಯ್ತಾರಾ ಪಯ್ಲ್ಯಾ ಮೀಸಾ ಉಪ್ರಾಂತ್ ಆಸ್ತೆಲೆಂ. ತಾಂಚ್ಯಾ ಜಾಗ್ಯಾಕ್ ಮಾ| ಬಾ| ರಾಹುಲ್ ಡೆಕ್ಸ್ಟರ್ ಡಿಸೋಜ ಪ್ರಸ್ತುತ್ ಬೆಂಗ್ಳುರಾಂತ್ ಕೌನ್ಸೆಲಿಂಗ್ ಶಿಕೊವ್ನ್ ಆಸ್ಚೆ ಜೂನಾಚ್ಯಾ 10 ತಾರಿಕೆರ್ ವಸ್ತೆ ವಿಗಾರ್ ಜಾವ್ನ್‌ ಹಾಂಗಾಸರ್ ಯೆತೆಲೆ . ತಾಂಕಾಂ ತುಮ್ಚ್ಯೆ ನಾಂವಾನ್ ಮೊಗಾಚೊ ಸ್ವಾಗತ್ ಮ್ಹಣ್ತಾ.

30/05/2026- ಸನ್ವಾರಾ ಸಾಂಜೆರ್‌ 4:30-ಬಾಡೂರ್‌ ಕಾನಾ-ಸಾಂತ್‌ ಲೋರೆನ್ಸ್‌ ವಾಡೊ
31/05/2026-ಆಯ್ತಾರಾ ಸಾಕಾಳಿಂ 7:30-ಪಡು-ಮರಿಯೆಚಾ ಖತಾವಿಣ್‌ ಕಾಳ್ಜಾ ವಾಡೊ

• ಯೆತಾತ್ಯಾ ಆಯ್ತಾರಾ ಭಾಗೆವಂತ್ ತ್ರಿದಾಂದಿಚೆಂ ಫೆಸ್ತ್.