Sunday, October 18, 2026
📢 General Announcements
- ಆಜ್ ಮಿಸಾಂವ್ ಆಯ್ತಾರ್ ಆನಿ ಜಾಗತಿಕ್ ಮಿಸಾಂವ್ ವಾವ್ರಾಚೊ ದೀಸ್. ಸೊಮ್ಯಾಚೆಂ ಮಿಸಾಂವ್ ಪರ್ಗಟುಂಕ್ ಆನಿ ಕುಮೊಕ್ ಕರುಂಕ್ ಆಮ್ಕಾಂ ಹರ್ಯೆಕ್ಲ್ಯಾಂಕ್ ಜವಾಬ್ದಾರಿ ಆಸಾ.ಮಿಸಾಂವಾ ಖಾತಿರ್ ತುಮಿ ದಿಲ್ಲೆಂ ದಾನ್ ಆನಿ ಮಿಸಾ ವೆಳಾರ್ ತುಮಿ ಹಾಡ್ಲೆಲಿ ಕಾಣಿಕ್ ಎಲಂ ಕರ್ನ್ ತಾಂತುಂ ಮೆಳ್‌ಲ್ಲೊ ಐವಜ್ ಮಿಸಾಂವ್ ವಾವ್ರಾ ಖಾತಿರ್ ಧಾಡ್ನ್ ದಿತಾಂವ್.ಆಮ್ಚಿ ಫಿರ್ಗಜ್- ಮಿಸಾಂವ್ ಫಿರ್ಗಜ್, ಸುಮಾರ್ 250 ವರ್ಸಾಂ ಅದಿಂ ಆಮ್ಚಿ ಫಿರ್ಗಜ್
ಸ್ಥಾಪನ್ ಜಾಂವ್ಚ್ಯಾ ವೆಳಾರ್ ಹೆರಾಂನಿ ಆಮ್ಕಾಂ ಕುಮಕ್ ಕೆಲ್ಯಾ. ದೆಕುನ್ ಮಿಸಾಂವ್ ವಾವ್ರಾಕ್ ಆಧಾರ್ ಜಾವ್ನ್ ತುಮಿ ಹರ್ಯೆಕ್ಲ್ಯಾನಿ ರಾವೊನ್ ಪ್ರೋತ್ಸಾಹ್ ದೀಂವ್ಕ್ ವಿನಂತಿ.ತುಮ್ಕಾಂ ದಿಲ್ಲಿಂ ಕವರಾಂ ಆಜ್ ಆಯ್ತಾರಾ ಭಿತರ್ ಆಲ್ತಾರಿ ಲಾಗಿಂ ದವರ್ಲೆಲ್ಯಾ ಕರ್ಡ್ಯಾಂತ್ ಘಾಲುಂಕ್ ವಿನಂತಿ. - ಮಿಸಾ ಉಪ್ರಾಂತ್ ವಾಹನಾಂ ಬೆಂಜಾರ್ ಕರ್ತೆಲ್ಯಾಂವ್. ಆಯ್ತಾರಾ ಸಕಾಳಿಂ ಪಯ್ಲ್ಯಾ ಮಿಸಾ ಉಪ್ರಾಂತ್ ತುಮಿ ಹಾಡ್ಲೆಲ್ಲಿ ಕಾಣಿಕ್ ಎಲಂ ಜಾಲ್ಯಾ ಉಪ್ರಾಂತ್ ವಾಹನಾಂ ಬೆಂಜಾರ್ ಕರ್ನ್ ವಾಹಾನಾಂಚೆರ್ ಪಯ್ಣ್ ಕರ್ತೆಲ್ಯಾಂ ಖಾತಿರ್ ಮಾಗ್ತೆಲ್ಯಾಂವ್.
- ಆದ್ಲ್ಯಾ ಆಯ್ತಾರಾ ಅರ್ಕುಳ ದುಸ್ರೊ ಬಾಳೊಕ್ ಮರಿ ವಾಡೊ ಆನಿ ಫರಂಗಿಪೇಟ್ ಸಾಂತ್ ಫ್ರಾನ್ಸಿಸ್ ಆಸಿಸ್ಸಿ ವಾಡ್ಯಾಚೊ ವಾಡ್ಯಾ ಸಂಭ್ರಮ್ ಭೋವ್ ಅಪುರ್ಬಾಯೆನ್ ಸಂಭ್ರಮ್ಲೊ. ವಾಡ್ಯಾ ಫೆಸ್ತಾಂಚಿ ಮಾಂಡಾವಳ್ ಕೆಲ್ಲ್ಯಾ ವಾಡ್ಯಾ ಗುರ್ಕಾರಾಂಕ್, ವಾಡ್ಯಾ ಪ್ರತಿನಿಧಿಂಕ್ ಆನಿ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ ಮ್ಹಣ್ತಾಂ.
- ಯೆತಾತ್ಯಾ ಆಯ್ತಾರಾ ಸಕಾಳಿಂ ಪಯ್ಲ್ಯಾ ಮಿಸಾ ಉಪ್ರಾಂತ್ ಕ್ರಿಸ್ತಾಂವ್ ಶಿಕ್ಷಣ್ ಶಿಕ್ಚ್ಯಾ ಭುರ್ಗ್ಯಾಂಚೆಂ ತಶೆಂಚ್ ತಾಂಚಾ ವ್ಹಡಿಲಾಂಚೆಂ ಮೀಟಿಂಗ್ ಆಸಾ. ಭುರ್ಗ್ಯಾಂನಿ ತಶೆಂ ತಾಂಚಾ ವ್ಹಡಿಲಾಂನಿ ಮಿಸಾ ಉಪ್ರಾಂತ್ ಇಗರ್ಜೆಂತ್‌ ರಾಂವ್ಚೆಂ.
- ನವೆಂಬರ್ 1 ತಾರಿಕ್ ಭುರ್ಗ್ಯಾಂಚಾ ದಿಸಾಚೊ ಸಂಭ್ರಮ್. ಸಕಾಳಿಂ ಏಕ್‌ಚ್ ಮೀಸ್ 8.00 ವೊರಾರ್. ಹ್ಯಾ ಮಿಸಾ ವೆಳಾರ್ ಆಲ್ತಾರ್ ಭುರ್ಗ್ಯಾಂಚೊ ಆನಿ ಮಿಶೋನರಿ ಮೆಳಾಚಾ ಭುರ್ಗ್ಯಾಂಚೊ ದಿವಸ್ ಸಂಭ್ರಮ್ತಾಂವ್, ಭುರ್ಗ್ಯಾಂಚಾ ಮಿಸಾ ವೆಳಾರ್ ಭುರ್ಗ್ಯಾ೦ ಥಾವ್ನ್‌ಚ್ ಲಿತುರ್ಜಿ ಆನಿ ಮಿಸಾರ್ ಕಂತಾರಾ ಗಾಯ್ತಲಿಂ. ದೆಕುನ್ ಆಜ್ ಆಯ್ತಾರಾ ಸಾಂಜೆರ್ 5.00 ವೊರಾರ್ ಕೊಯೆರ್ ಪ್ರಾಕ್ಟಿಸ್ ಆಸಾ.
- ನವೆಂಬರ್ 8 ತಾರಿಕೆರ್ ಆಯ್ತಾರಾ ನಿನಾದ್ ಭುರ್ಗ್ಯಾಂಚೆಂ ಫೆಸ್ತ್. ದಿಯೆಸೆಜಿ ಮಟ್ಟಾರ್ ಹೊ ಸಂಭ್ರಮ್ ವಾಮಂಜೂರ್ ಇಂಜಿನಿಯರಿಂಗ್ ಕಾಲೆಜ್ ಮೈದಾನಾರ್ ಚಲ್ತಾ. ಕಾರ್ಯೆ೦ ಸಕಾಳಿಂ 8.30 ವೊರಾಂ ಥಾವ್ನ್ ಸಾಂಜೆರ್ 4.00 ವೊರಾಂ ಪರ್ಯಾಂತ್ ಭುರ್ಗ್ಯಾಂಕ್ ಮೀಸ್, ಬ್ರೇಕ್‌ಫಾಸ್ಟ್, ಜೆವಾಣ್ ಆನಿ ಸಾಂಸ್ಕೃತಿಕ್ ಕಾರ್ಯೆಂ ಆಸಾ. ಕಾರ್ಯಾಂತ್ ವಾಂಟೊ ಘೆಂವ್ಚ್ಯಾ ಭುರ್ಗ್ಯಾಂನಿ ತಾಂಚಿಂ ನಾಂವಾಂ ಅಕ್ಟೋಬರ್ 20 ತಾರಿಕೆ ಭಿತರ್ ಕ್ರೀಸ್ತಿ ಶಿಕ್ಷಣ್ ಶಿಕಂವ್ಚ್ಯಾ ಟಿಚೆರಾಲಾಗಿಂ ಯಾ ಲೀನಾ ಪಾಯ್ಸ್ ಟಿಚೇರಿ ಲಾಗಿಂ ದಿಂವ್ಚಿಂ.
- ಆದ್ಲ್ಯಾ ಹಪ್ತ್ಯಾಂತ್ ಫಿರ್ಗಜ್ ಆರ್ಥಿಕ್ ಸಮಿತಿಚೆ ಆನಿ ಗೊವ್ಳಿಕ್ ಪರಿಷದೆಚೆರ್ ದವ್ರಿಲೆಂ 2025-26 ವಾರ್ಸಾಚೆಂ ಲೇಕ್ ಪಾಕ್ ಮಂಜೂರ್ ಜಾಲಾ ಆನಿ ಫಿರ್ಗಜ್‌ಗಾರಾಂಚಾ ಗಮನಾಕ್ ನೋಟೀಸ್ ಬೋರ್ಡಾಚೆರ್ ಆಜ್ ಸನ್ವಾರಾ ಥಾವ್ನ್ ಯೆತಾತ್ಯಾ ಸನ್ವಾರಾ ಪರ್ಯಾ೦ತ್ ಆಸ್ತೆಲೆಂ. ವಾರ್ಷಿಕ್ ಲೇಕಾ ವಿಶ್ಯಾಂತ್ ಕಿತೆಂಯ್ ಸಮ್ಜಣಿ ಜಾಯ್ ತರ್ ಫಿರ್ಗಜ್ ಧಪ್ತರಾಂತ್ ವಿಚಾ‌ರ್ನ್ ಸಮ್ಜುನ್ ಘೆವ್ಯೆತ್.
- ಒಮ್ಜೂರ್ ಸ್ಪೋರ್ಟ್ಸ್ ಕ್ಲಬ್ ತರ್ಫೆನ್ ನವೆಂಬರ್ 29 ತಾರಿಕೆರ್ ಆಯ್ತಾರಾ ಸಕಾಳಿಂ 9.00 ವೊರಾಂ ಥಾವ್ನ್ ಸಾಂಜೆರ್ 6.00 ವೊರಾಂ ಪರ್ಯಾಂತ್ ಫೆರ್ಮಾಯ್ ಇಗರ್ಜೆ ಮೈದಾನಾರ್ ಒಮ್ಜೂರ್ , ಬೆಳ್ಳುರ್, ಕೆಲರಾಯ್, ಮೇರ್ಲಪದವು ಆನಿ ಪೆರ್ಮಾಯ್ ಫಿರ್ಗಜ್ ಗಾರಾಂಕ್ ಖೆಳಾ ಪಂದ್ಯಾಟ್ ಸ್ಪರ್ಧೆ ಆಸಾತ್. ಚಡಿತ್ ವಿವರ್ ನೋಟೀಸ್ ಬೊರ್ಡಾರ್ ಆಸಾತ್.
- ಡಿಸೆಂಬರ್ 6 ತಾರಿಕೆರ್ ಸಗ್ಳ್ಯಾ ಒಮ್ಜೂರ್ ಫಿರ್ಗಜ್ ಗಾರಾಂಕ್ ಲ್ಹಾನಾ ಥಾವ್ನ್ ವ್ಹಡಾ ಪರ್ಯಾಂತ್ ವಿವಿಧ್ ಆಕರ್ಷಿಕ್ ಖೆಳಾ ಸ್ಪರ್ಧೆ ಮಾಂಡುನ್ ಹಾಡ್ಲ್ಯಾತ್. ಆಯ್ತಾರಾ ಸಕಾಳಿಂ ಮೀಸಾ ಉಪ್ರಾಂತ್ ಮೈದನಾರ್ ಮಾರ್ಚ್‌ಫಾಸ್ಟ್, ಬ್ರೇಕ್‌ ಫಾಸ್ಟ್, ದನ್ಪರಾಂ ಜೆವಾಣ್ ಆನಿ ಸಾಂಜೆರ್ ಚಾ/ಕಾಫಿ ಹಾಚಿ ಮಾಂಡಾವಳ್ ಆಸ್ತೆಲಿಂ. ತುಮಿ ತ್ಯಾ ದಿಸಾ ಇತರ್ ಕಸಲಿಂಯ್ ಕಾರ್ಯಾಕ್ರಮಾಂ ದವರಿನಾಸ್ತಾ ವ್ಹಡಾ ಸಂಖ್ಯಾನ್ ಖೆಳಾ ಸ್ಪರ್ಧ್ಯಾಂನಿ ವಾಂಟೊ ಘೆಂವ್ಕ್ ಉಲೊ ದಿತಾಂವ್. ಹ್ಯಾ ದಿಸಾಚಿ ತಯಾರಾಯ್ ಆನಿ ಮಾಂಡಾವಳಿ ವಿಶ್ಯಾಂತ್ ಮಾಹೆತ್ ದಿಂವ್ಚ್ಯಾ ಖಾತಿರ್ ಸರ್ವ್ ವಾಡ್ಯಾಚೆ ಗುರ್ಕಾರ್ ಆನಿ ಫಿರ್ಗಜ್ ದೀಸ್ ಆಚರಣ್ ಕಮಿಟಿಚ್ಯಾ ಸಾಂದ್ಯಾಂನಿ ಯೆತಾತ್ಯಾ ಆಯ್ತಾರಾ ಸಕಾಳಿಂಚಾ ಮೀಸಾ ಉಪ್ರಾಂತ್ ಇಗರ್ಜೆಚಾ ಮಿನಿ ಹೊಲಾಂತ್ ಸಾಂಗಾತಾ ಮೆಳೊಂಕ್ ಉಲೊ ದಿತಾ.
ಫರಂಗಿಪೇಟ್ ಸಾಂ ಫ್ರಾನ್ಸಿಸ್ ಆಸಿಸ್ಸಿ ವಾಡ್ಯಾಚೊ ವಿಲ್ಫ್ರೆಡ್ ಪಿಂಟೊ ಗೆಲೆತ್ಯಾ ಹಪ್ತ್ಯಾಂತ್ ದೆವಾಧೀನ್ ಜಾಲಾ. ತಾಚ್ಯಾ ಅತ್ಮ್ಯಾಕ್ ಸಾಸ್ಣಾಚೊ ವಿಶೆವ್ ಮಾಗ್ತಾಂವ್ ಆನಿ ದುಖೇಸ್ತ್ ಕುಟ್ಮಾಕ್ ಭುಜಯ್ತಾಂವ್.
🌟 Festivals
- ಹ್ಯಾ ಹಪ್ತ್ಯಾಂತ್ ಫೆಸ್ತಾಂ: ಬ್ರೇಸ್ತಾರಾ 22 ತಾರಿಕೆರ್ ಭಾಗೆವಂತ್ ಜುವಾಂವ್ ಪಾವ್ಲಾಚೆಂ ಸ್ಮರಣ್.
🏘️ Ward Meetings
| Name | Date | Time | Venue | Remarks |
|---|---|---|---|---|
| ಬಾಡೂರ್‌-ಸಾಂತ್ ಬೊಸ್ತ್ಯಾಂವ್‌ ವಾಡೊ | 18/10/2026 | 4:00PM | ಮಾನೆಸ್ತ್‌ ಮೈಕಲ್‌ ವಾಸಾಚ್ಯಾ ಘರಾ | |
| ತೇವ್‌ಕಾಡ್‌ ವೆಲಂಕಣಿ ಸಾಯ್ಬಿಣ್ ವಾಡೊ | 18/10/2026 | 4:00PM | ಮಾನೆಸ್ತ್‌ ರಾಯಪ್ಪಾಚ್ಯಾ ಘರಾ | |
| ಅರ್ಕುಳ ಪಯ್ಲೊ ಸಾಂತ್ ಆನ್ನಾ ವಾಡೊ | 18/10/2026 | 04:00PM | ಮಾನೆಸ್ತಿನ್ ಬೆನೆಡಿಕ್ಟಾ ಡಿಸೊಜಾಚ್ಯಾ ಘರಾ | |
| ಕೊಡ್ಮಾಣ್‌ ಲೂರ್ಡ್ಸ್‌ ಸಾಯ್ಬಿಣ್ ವಾಡೊ | 18/10/2026 | 04:00PM | ಮಾನೆಸ್ತ್‌ ಸಸಿಲ್ ಲೋಬೊಚ್ಯಾ ಘರಾ | |
| ಪೆಲಪಾಡಿ ರಾಕಣ್‌ ಭಡ್ವೊ ವಾಡೊ | 18/10/2026 | 05:30PM | ಮಾನೆಸ್ತ್‌ ವಲೇರಿಯನ್ ಫೆರ್ನಾಂಡಿಸಾಚ್ಯಾ ಘರಾ | ವಾಡ್ಯಾ ಫೆಸ್ತಾಚಿ ಜಮಾತ್ |
✝️ Liturgy Details
24/10/2026-ಸನ್ವಾರಾ ಸಾಂಜೆರ್ 4:30-ಕಾಪಿಕಾಡ್ ಫಾತಿಮಾ ಸಾಯ್ಬಿಣ್ ವಾಡೊ
25/10/2026-ಆಯ್ತಾರಾ ಸಾಕಾಳಿಂ 7:30-ಸೆಕ್ಯುಲರ್‌ ಫ್ರಾನ್ಸಿಸ್ಕನ್‌ ಮೇಳ್-ಫೆಸ್ತಾಚಿ ಲಿತುರ್ಜಿ
25/10/2026-ಆಯ್ತಾರಾ ಸಾಕಾಳಿಂ 10:00-7ವಿ ಕ್ಲಾಸ್