• ಕಥೊಲಿಕ್ ಸಭಾ ಒಮ್ಜೂರ್ ಘಟಕ್ ಮಾಂಡುನ್ ಹಾಡ್ತಾ ಭಾಷಣ್ ಸ್ಪರ್ಧೊ 2026, ಪಯ್ಲ್ಯಾ ಕ್ಲಾಸಿ ಥಾವ್ನ್ ಸರ್ವ್ ಫಿರ್ಗಜ್ ಗಾರಾಂಕ್. ಹೊ ಸ್ಪರ್ಧೊ ಆಜ್ ದನ್ಪರಾಂ 3.00 ವೊರಾರ್ ಇಗರ್ಜೆಚ್ಯಾ ಸಭಾ ಸಲಾಂತ್ ಆಸ್ತಲೊ.
• ಹ್ಯಾ ಹಪ್ತ್ಯಾಂತ್ ಅಕ್ಟೋಬರ್ 12, 13 ಆನಿ 14 ತಾರಿಕೆರ್ ಸೊಮಾರ್, ಮಂಗ್ಳಾರ್ ಆನಿ ಬುದ್ವಾರಾ ತೀನ್ ದೀಸ್ 10ವ್ಯಾ ಕ್ಲಾಸಿಚಾ ಭುರ್ಗ್ಯಾಂಕ್ ಬಂಟ್ವಾಳ್ ಮೊಡಂಕಾಪ್ ಇಗರ್ಜೆ ಹೊಲಾಂತ್ ಜೀವನ್ ಜ್ಯೋತಿ ಶಿಬಿರ್ ದವರ್ಲಾ. ಭುರ್ಗ್ಯಾಂನಿ ಶಿಬಿರಾ ಬಾಬಿನ್ ರು. 700/- ಫಾರಿಕ್ ಕರುಂಕ್ ಆಸಾತ್, ತಶೆಂಚ್ ಅಕ್ಟೋಬರ್ 12 ತಾರಿಕೆರ್ 7ವ್ಯಾ ಕ್ಲಾಸಿಚಾ ಭುರ್ಗ್ಯಾಂಕ್, 13 ತಾರಿಕೆರ್ 8ವ್ಯಾ ಕ್ಲಾಸಿಚಾ ಭುರ್ಗ್ಯಾಂಕ್ ಆನಿ 14 ತಾರಿಕೆರ್ 9ವ್ಯಾ ಕ್ಲಾಸಿಚಾ ಭುರ್ಗ್ಯಾಂಕ್ ಜೀವನ್ ದಿಶಾ ಶಿಬಿರ್ ಮೊಡಂಕಾಪ್ ಇಗರ್ಜೆ ಹೊಲಾಂತ್ ದವರ್ಲಾಂ ಸಾತ್ವಿ, ಆಟ್ವಿ ಆನಿ ನೊವ್ಯಾ ಕ್ಲಾಸಿಚಾ ಭುರ್ಗ್ಯಾಂನಿ ರು. 200/- ಫಾರಿಕ್ ಕರುಂಕ್ ಆಸಾತ್. ಭುರ್ಗ್ಯಾಂಕ್ ಸಕಾಳಿಂ ಶಿಬಿರಾಕ್ ಪಾವಂವ್ಕ್ ಆನಿ ಸಾಂಜೆರ್ ಪಾಟಿಂ ಇಗರ್ಜೆಕ್ ಹಾಡುಂಕ್ ಬಸ್ಸಾಚಿ ವ್ಯವಸ್ಥಾ ಕರ್ತಾಂವ್. ಸಕಾಳಿಂ 8.30 ವೊರಾರ್ ಇಸ್ಕೊಲಾಚ್ಯಾ ಮೈದನಾ ಥಾವ್ನ್ ಬಸ್ಸ್ ಸುಟ್ತಾ ದೆಕುನ್ 8.15 ವೊರಾಂ ಪಯ್ಲೆಂ ಭುರ್ಗ್ಯಾಂನಿ ಪಾಂವ್ಚೆಂ. ಭುರ್ಗ್ಯಾಂಕ್ ಹೆಂ ಶಿಬಿರ್ ಭೋವ್ ಗರ್ಜೆಚೆಂ ಆನಿ ಕಡ್ಡಾಯೆಚೆಂ ದೆಕುನ್ ಭುರ್ಗ್ಯಾಂನಿ ಚುಕಾನಾಸ್ತಾನಾ ಹಾಜರ್ ಜಾಂವ್ಕ್ ವ್ಹಡಿಲಾಂನಿ ಗಮನ್ ದಿಂವ್ಕ್ ಉಲೊ ದಿತಾ.‌
• ಅಲ್ತಾರಿ ಮುಖಾರ್ ಮಿಸಾಂವಾಚೊ ಕಂರ್ಡೊ ದವರಾ. ಕೊಣೆಂ ಎದೊಳ್ ಮಿಸಾಂವಾಚಿಂ ಕವರಾಂ ಪಾಟಿಂ ದೀಂವ್ಕ್ ನಾಂತ್ ತಾಣಿಂ ದಯಾಕರ್ನ್ ಮಿಸಾಂವಾಚಾ ಕವರಾಂತ್ ತುಮಿ ಖುಶೆಚಿ ಕಾಣಿಕ್ ಘಾಲ್ನ್ ತ್ಯಾ ಕಂರ್ಡ್ಯಾಂತ್ ಘಾಲುಂಕ್ ವಿನಂತಿ.
• ಯೆಂವ್ಚೊ ಸನ್ವಾರ್ ಆನಿ ಆಯ್ತಾರ್ ಮಿಸಾಂವ್ ಆಯ್ತಾರ್. ಸನ್ವಾರಾ 17 ತಾರಿಕೆರ್ ಸಾಂಜೆಚಾ ಆನಿ ಆಯ್ತಾರಾ 18 ತಾರಿಕ್ ಸಕಾಳಿಂಚಾ ದೋನಿ ಮಿಸಾರ್ ಸರ್ವ್ ಫಿರ್ಗಜ್‌ಗಾರಾಂನಿ ಕಾಣಿಕ್ ಹಾಡುಂಕ್ ವಿನಂತಿ. ತುಮಿ ಹಾಡ್‌ಲ್ಲಿ ಕಾಣಿಕ್ ಮಿಸಾ ಉಪ್ರಾಂತ್ ಏಲಂ ಕರೆಲ್ಯಾಂವ್ ಆನಿ ತಾಂತ್ಲೊ ಐವಜ್ ಮಿಸಾಂವ್ ವಾವ್ರಾ ಖಾತಿ‌ರ್
  ದಿಯೆಸೆಜಿಕ್ ಧಾಡ್ನ್ ದಿತೆಲ್ಯಾಂವ್.
• ಯೆಂವ್ಚ್ಯಾ ಸನ್ವಾರಾ 17 ತಾರಿಕೆರ್ ಸಾಂಜೆಚಾ ಆನಿ ಆಯ್ತಾರಾ 18 ತಾರಿಕ್‌ ಆಯ್ತಾರಾ ದೋನೀ ಮಿಸಾ ಉಪ್ರಾಂತ್ ವಾಹನಾಂ ಬೆಂಜಾರ್ ಕರೆಲ್ಯಾಂವ್‌ ವಾಹಾನಾಂಚೆರ್ ಪಯ್ಣ್ ಕರ್ತೆಲ್ಯಾಂ ಖಾತಿರ್ ಮಾಗ್ತೆಲ್ಯಾಂವ್. ಇಗರ್ಜೆಂತ್ ಮಾಗ್ಣೆಂ ಜಾಲ್ಲೆಂಚ್ ತುಮಿ ತುಮ್ಚ್ಯಾ ವಾಹನಾಂಲಾಗಿಂ ರಾವೊಂಕ್ ವಿನಂತಿ. ಅಕ್ಟೋಬರ್ 18 ತಾರಿಕ್ ಮಿಸಾಂವ್ ಆಯ್ತಾ‌ರ್ ಜಾಲ್ಲೆ ನಿಮ್ತಿಂ ಸಕಾಳಿಂ ಮಿಸಾ ಉಪ್ರಾಂತ್ ತುಮಿ ಹಾಡ್ಲೆಲ್ಯೊ ಕಾಣಿಕೊ ಎಲಂ ಜಾಲ್ಲ್ಯಾ ಉಪ್ರಾಂತ್ ವಾಹನಾಂ ಬೆಂಜಾರ್ ಕಾರ್ಯೆಂ ಆಸ್ತೆಲೆಂ.
• ನವೆಂಬರ್ 1 ತಾರಿಕ್ ಆಯ್ತಾರಾ ಭುರ್ಗ್ಯಾಂಚೊ ದೀಸ್ ಸಂಭ್ರಮಾಂವ್. ಮೀಸಾ ಸಂದರ್ಭಾ‌ರ್ ಭುರ್ಗ್ಯಾಂಥಾವ್ನ್ ಕೊಯೆರ್ ಆಸ್ತೆಲೆಂ. ದೆಕುನ್ ಯೆತಾತ್ಯಾ ಆಯ್ತಾರಾ ಸಾಂಜೆರ್ 5.00 ವೊರಾರ್ ಭುರ್ಗ್ಯಾಂಕ್ ಕೊಯೆರ್ ಪ್ರಾಕ್ಟಿಸ್ ಆಸಾ. ಕೊಯಾರಾಚ್ಯಾ ಭುರ್ಗ್ಯಾಂನಿ ಹಾಜ‌ರ್ ಜಾಂವ್ಕ್ ವಿನಂತಿ.
• ನವೆಂಬರ್ 2 ತಾರಿಕೆರ್ ಆಲ್ಮಾಂವ್ಚ್ಯಾ ಫೆಸ್ತಾ ಸಂಧರ್ಭಿಂ, ಸಿಮಿಸ್ತ್ರ್ ನಿತಳ್ ಕರುಂಕ್ ಆಸಾ. ದೆಕುನ್ ಆಕ್ಟೋಬರಾಚಾ 29 ತಾರಿಕೆರ್ ಬ್ರೇಸ್ತಾರಾ ಸಾಂಜೆರ್ 4 ವೊರಾಂ ಥಾವ್ನ್ ಸಿಮಿಸ್ತ್ರ್ ನಿತಳ್ ಕರುಂಕ್ ಯೇಂವ್ಕ್ ಉಲೊ ದಿತಾಂ. ತುಮ್ಚ್ಯಾ ವಾಡ್ಯಾಂತ್ ಹಿ ಸೆವಾ ಜಾವ್ನ್ ಘೆವ್ಯೆತಾ. ತುಮ್ಚಿಂ ಮೊಗಾಚಿಂ ಮನ್ಶಾಂ ಥಂಯ್ಸರ್ ಆಸಾತ್ ದೆಕುನ್ ಸರ್ವ್ ಫಿರ್ಗಜ್‌ಗಾರಾಂನಿ ಯೇವ್ನ್ ಸಿಮಿಸ್ತ್ರ್ ನಿತಳ್ ಕರುಂಕ್ ಕುಮಕ್ ದೀಂವ್ಕ್ ವಿನಂತಿ.
• ಹ್ಯಾ ದಿಸಾಂನಿ ಜಾಯ್ತ್ಯೊ ಖಬ್ರೊ ಅಶಾರ್ ಪಾಶಾರ್ ಜಾತಾತ್, ಖಬ್ರೊ ಕರ್ಚ್ಯಾಂತ್‌ ಅಮ್ಚೊ ಲೋಕ್‌ ಪಾಟಿಂ ನಾಂ. ಗೆಲೆತ್ಯಾ ಹಪ್ತ್ಯಾಂತ್ ಮೋರ್ನ್ ಮೈದಾನಾ‌ರ್ ಕರ್ತಾತ್ ಮ್ಹಣ್ ಖಬರ್ ಜಾಲಿ, ಮಾತ್ರ್ ನ್ಹಯ್ ತಾಚೆ ವಿಶ್ಯಾಂತ್ ಜಾಯಿತ್ತಿ ಚರ್ಚಾ ಜಾಲಿ. ದಿಸಾಳ್ಯಾ ಪತ್ರಾರ್, ದಾಯ್ಜಿವರ್ಲ್ಡ್, ಪೆಂಟೆಂತ್, ಆಂಗ್ಡಿ ಬಗ್ಲಾರ್ ಜಾಂವ್ಚೊ ಖಬ್ರೊ ಹಾಂಕಾ ಫಿರ್ಗಜ್ ಜವಾಬ್ದಾರ್ ನ್ಹಯ್ ಫಿರ್ಗಜೆಚೊ ಅಧಿಕೃತ್ ಖಬ್ರೊ ಆಯ್ತಾರಾಚಾ ಮೀಸಾ ವೆಳಾರ್ ವಾಚುನ್ ಸಾಂಗ್ತಾತ್, ತಶೆಂಚ್ ಫಿರ್ಗಜೆಚಾ ವೆಬ್‌ಸಾಯ್ಟ್ ಆನಿ ಫಿರ್ಗಜೆಚಾ ವಾಟ್ಸಾಪಾರ್ ಆಸಾತ್. ಖಂಚ್ಯೊ ಖಂಚ್ಯೊ ಖಬ್ರೊ ಫಿರ್ಗಜೆಚೊ ಖಂಬ್ರೊ ಮ್ಹಣ್ ಪ್ರಸಾರ್ ಕರ್ನ್ ತುಮ್ಚ್ಯಾ ತೊಂಡಾಕ್ ತುಮಿಂಚ್ ಕರಿ ಪುಸಿನಾಕಾತ್ ಮ್ಹಣ್ ಸಮ್ಜಣಿ ದಿತಾಂ.
• ತೇವ್ ಸಾಂತ್ ಆಂತೊನ್ ವಾಡ್ಯಾಚಿ ಎವ್ಲಿನ್ ಡಿಸೋಜ ಗೆಲೆತ್ಯಾ ಹಪ್ತ್ಯಾಂತ್ ದೆವಾಧೀನ್ ಜಾಲ್ಯಾ. ತಿಚ್ಯಾ ಅತ್ಮ್ಯಾಕ್ ಸಾಸ್ಣಾಚೊ ವಿಶೆವ್ ಮಾಗ್ತಾಂವ್ ಆನಿ ದುಖೇಸ್ತ್ ಕುಟ್ಮಾಕ್ ಭುಜಯ್ತಾಂವ್.

17/10/2026-ಸನ್ವಾರಾ ಸಾಂಜೆರ್‌ 4:30-ಬಡೂರ್‌ ಸಾಂತ್‌ ಸೆಬಾಸ್ಟಿಯಾನ್ ವಾಡೊ
18/10/2026-ಆಯ್ತಾರಾ ಸಾಕಾಳಿಂ 7:30-ಪೆಲಪಾಡಿ ರಾಕಣ್‌ ಭಡ್ವೊ ವಾಡೊ-ವಾಡ್ಯಾ ಫೆಸ್ತಾಚಿ ಲಿತುರ್ಜಿ
18/10/2026-ಆಯ್ತಾರಾ ಸಾಕಾಳಿಂ 10:00-ಪಾದೆಮಾರ್‌ ಮದರ್‌ ತೆರೆಜಾ ವಾಡೊ

• ಹ್ಯಾ ಹಪ್ತ್ಯಾಂತ್ ಫೆಸ್ತಾಂ: ಬ್ರೇಸ್ತಾರಾ 15 ತಾರಿಕೆರ್ ಅವಿಲಾಚಿ ಸಾಂ. ತೆರೆಜ್, ಸನ್ವಾರಾ 17 ತಾರಿಕೆರ್ ಅಂತಿಯೊಕಾಚೊ ಸಾಂತ್ ಇನಾಸ್ ಹಾಚೆಂ ಸ್ಮರಣ್.