Sunday, October 25, 2026

📢 General Announcements

  • ಆಜ್ ಸಕಾಳಿಂ ಪಯ್ಲ್ಯಾ ಮಿಸಾ ಉಪ್ರಾಂತ್ ಕ್ರಿಸ್ತಾಂವ್ ಶಿಕ್ಷಣ್ ಶಿಕ್ಚ್ಯಾ ಭುರ್ಗ್ಯಾಂಚೆಂ ಪಯ್ಲ್ಯಾ ಕ್ಲಾಸಿ ಥಾವ್ನ್ ಧಾವ್ಯಾ ಕ್ಲಾಸಿಚಾ ಭುರ್ಗ್ಯಾ೦ ಪರ್ಯಾ೦ತ್ ತಶೆಂಚ್ ತಾಂಚಾ ವ್ಹಡಿಲಾಂಚೆಂ ಮೀಟಿಂಗ್ ಆಸಾ. ಹ್ಯಾ ಮೀಟಿಂಗಾ ವೆಳಾರ್ ಭುರ್ಗ್ಯಾಂಕ್ ಸಾರ್ಕ್ಯಾ ರೀತಿನ್ ವಾಗೊಂವ್ಚ್ಯಾ ವಿಶ್ಯಾಂತ್ Right Parenting ಉಲವ್ಪ್ ಆಸ್ತೆಲೆಂ. ಹೆರಾಂನಿ ಹ್ಯಾ ಉಲವ್ಪಾಕ್ ರಾವ್ಯೆತಾ. ಭುರ್ಗ್ಯಾಂನಿ ತಶೆಂ ತಾಂಚಾ ವ್ಹಡಿಲಾಂನಿ ಮಿಸಾ ಉಪ್ರಾಂತ್ ಇಗರ್ಜೆಂತ್‌ ರಾಂವ್ಚೆಂ.
  • ಬಂಟ್ವಾಳ್‌ ವಾರಾಡ್ಯಾ ಹಂತಾರ್ ನಿರ್ಕಾನ್ ಫಿರ್ಗಜೆಂತ್ ಚಲ್‌ಲ್ಲ್ಯಾ ಸಂಗೀತ್ ಲಹರ್ ಸ್ಪರ್ಧ್ಯಾಂತ್ ಐ.ಸಿ.ವೈ.ಎಂ ಒಮ್ಜೂರ್ ಘಟಾಕಾನ್ ದುಸ್ರೆಂ ಸ್ಥಾನ್ ಆಪ್ಣಾಯ್ಲಾಂ. ವಾಂಟೊ ಘೆತ್‌ಲ್ಲ್ಯಾ ಸರ್ವ್ ಯುವಜಣಾಂಕ್ ಆಭಿನಂದನ್ ಪಾಠಯ್ತಾಂವ್ ಆನಿ ದೆವಾಚಿ ಆಶೀರ್ವಾದಾಂ ಮಾಗ್ತಾಂವ್.
  • ನವೆಂಬರ್ 2 ತಾರಿಕೆರ್ ಆಲ್ಮಾಂವ್ಚ್ಯಾ ಫೆಸ್ತಾ ಸಂಧರ್ಭಿಂ, ಸಿಮಿಸ್ತ್ ನಿತಳ್ ಕರುಂಕ್ ಆಸಾ. ದೆಕುನ್ ಆಕ್ಟೋಬರಾಚಾ 29 ತಾರಿಕೆರ್ ಬ್ರೇಸ್ತಾರಾ ಸಾಂಜೆರ್ 4.00 ವೊರಾರ್ ಥಾವ್ನ್ ಸಿಮಿಸ್ತ್ ನಿತಳ್ ಕರುಂಕ್ ಯೇಂವ್ಕ್ ಉಲೊ ದಿತಾಂ. ತುಮ್ಚ್ಯಾ ವಾಡ್ಯಾಂತ್‌ ಹಿ ಸೆವಾ ಜಾವ್ನ್ ಘೆವ್ಯೆತಾ, ತುಮ್ಚಿಂ ಮೊಗಾಚಿಂ ಮನ್ಶಾಂ ಥಂಯ್ಸರ್ ಆಸಾತ್ ದೆಕುನ್ ಸರ್ವ್ ಫಿರ್ಗಜ್‌ಗಾರಾಂನಿ ಯೇವ್ನ್ ಸಿಮಿಸ್ತ್ ನಿತಳ್ ಕರುಂಕ್ ಕುಮಕ್ ದೀಂವ್ಕ್ ವಿನಂತಿ.
  • ನವೆಂಬರ್ 1 ತಾರಿಕ್ ಆಯ್ತಾರಾ ಸರ್ವ್ ಸಾಂತಾ ಭಕ್ತಾಚೆಂ ಫೆಸ್ತ್ ಆನಿ ಭುರ್ಗ್ಯಾಂಚಾ ದಿಸಾಚೊ ಸಂಭ್ರಮ್. ಸಕಾಳಿಂ ಏಕ್‌ಚ್ ಮೀಸ್ 8.00 ವೊರಾರ್. ಹ್ಯಾ ಮಿಸಾ ವೆಳಾ‌ರ್ ಸರ್ವ್ ಭುರ್ಗ್ಯಾಂಚೊ ದಿವಸ್ ಸಂಭ್ರಮ್ತಾಂವ್. L.K.G ಥಾವ್ನ್ P.U.C. ಮ್ಹಣಾಸರ್ ಶಿಕ್ಚ್ಯಾ ಸರ್ವ್ ಭುರ್ಗ್ಯಾಂನಿ ಹ್ಯಾ ಮೀಸಾಕ್ ಹಾಜರ್ ಜಾಂವ್ಚೆಂ. ಹ್ಯಾ ಮಿಸಾ ವೆಳಾರ್ ಭುರ್ಗ್ಯಾಂ ಥಾವ್ನ್ ಲಿತುರ್ಜಿ ಆನಿ ಕಂತಾರಾಂ. ಮೀಸಾ ವೆಳಾರ್ ಭುರ್ಗ್ಯಾಂನಿ ಕಾಣಿಕ್‌ ಹಾಡ್ಚಿ. ಆನಿ ಕಾಣಿಕೆ ವೆಳಾರ್ ಹಾಡ್‌ಲ್ಲೆ  ಫ್ರೂಟ್ಸ್ ಕಾರ್ಯಕ್ರಮಾವೆಳಾ‌ರ್ ಭುರ್ಗ್ಯಾಂಕ್ ವಾಂಟ್ತಾಂವ್, ಮೀಸಾ ಉಪ್ರಾಂತ್ ಸರ್ವ್ ಭುರ್ಗ್ಯಾಂಕ್ ಇಗರ್ಜೆ ಸಭಾಭವನಾಂತ್ ಖೆಳ್ ಆನಿ ಮನೋರಂಜನ್ ಕಾರ್ಯಕ್ರಮ್ ಆಸ್ತೆಲೆಂ. ಸಕಾಳಿಂಚ್ಯಾ ನಸ್ಟ್ಯಾ ಸವೆಂ ಆರಂಭ್ ಜಾವ್ನ್ ದನ್ನರಾ 1.00 ವೊರಾರ್ ಜೆವ್ಣಾಸವೆಂ ಸಂಪ್ತೆಲೆಂ. ಕೋಣ್ ಭುರ್ಗಿಂ ಹ್ಯಾ ಕಾರ್ಯಾಂತ್ ವಾಂಟೊ ಫೆನಾಂತ್ ತಾಂಚಿಂ ನಾಂವಾಂ ಮಂಗ್ಳಾರಾ ಭಿತರ್ ದೊತೊರ್ನ್ ಶಿಕಂವ್ಚ್ಯಾ ಟಿಚೆರಿಲಾಗಿಂ ದಿಂವ್ಕ್ ವಿನಂತಿ. ಹಿ ಮಾಹೆತ್ ಜೆವ್ಣಾಚಿ ಮಾಂಡಾವಳ್ ಕರ್ಚ್ಯಾಕ್ ಗರ್ಜ್.
  • ಯೆತಾತ್ಯಾ ಸೊಮಾರಾ ದೀಸ್ ಸರ್‌ಲ್ಲ್ಯಾ ಸರ್ವ್ ಆಮ್ಚ್ಯಾ ಭಾವಾಡ್ತ್ಯಾಂ ಖಾತಿರ್ ಮಾಗ್ಚೊ ದೀಸ್, 2 ಮಿಸಾಂ ಆಸಾತ್. ಪಯ್ಲೆಂ ಮೀಸ್ 6.30 ವೊರಾರ್, ದುಸ್ರೆಂ 7.30 ವೊರಾರ್. ದುಸ್ರೆಂ ಮೀಸ್ ಜಾಲ್ಲೆಂಚ್ ಸಿಮೆಸ್ತ್ರಿಚಿ ಭೆಟ್ ಕರ್ನ್ ಥೈಂಸರ್, ಅಂತರ್ಲೆಲ್ಯಾಂ ಖಾತಿರ್ ಮಾಗ್ಣೆಂ ಕರ್ತೆಲ್ಯಾಂವ್. ಜೊ ಕೋಣ್ ತ್ಯಾ ದಿಸಾ ಸಿಮೆಸ್ತ್ರಿಚಿ ಭೆಟ್ ಕರ್ನ್ ಸರ್‌ಲ್ಯಾ ಖಾತಿ‌ರ್ ಮಾಗೊನ್‌, ಸತ್ಮಾನ್ತಾಂ ಮ್ಹಣ್ತಾ ತಸಲ್ಯಾಂಕ್ ಏಕ್ ಪ್ಲಾನರ್ ಇಂದುಲ್ಜೆನ್ಸ್ ಮೆಳ್ತಾ. ಹೆಂ ಇಂದುಲ್ಜೆನ್ಸ್ ಪುಲ್ಗೊತ್ರಿಂತ್ ಆಸ್ಚ್ಯಾ ಆತ್ಮ್ಯಾಂ ಖಾತಿರ್ ಭೆಟೊಂವ್ಚೆಂ.
  • ವ್ಹಡ್ಲೆಂ ಫೆಸ್ತ್ ಧಾಂವೊನ್ಂಚ್ ಆಯ್ಲೆಂ. ಗೆಲೆತ್ಯಾ ವರ್ಸಾ ವರ್ತಿ ದುಡ್ವಾ ಸಹಾಯ್ ದೀವ್ನ್ ವರ್ತೊ ಅಧಾ‌ರ್ ದಿಲಾ ತೊಚ್ ಸಹಕಾರ್ ಆಶೆತಾಂವ್. ತುಮ್ಚ್ಯಾ ಗುರ್ಕಾರಾ ಮುಖಾಂತ್ರ್ ತುಮ್ಕಾಂ ಕವರಾಂ ಧಾಡ್ನ್ ದಿತೆಲ್ಯಾಂವ್, ತುಮ್ಚೆಂ ಉದಾರ್ ಮನ್ ದಾಖವ್ನ್ ದುಡ್ವಾ ಕುಮಕ್ ದೀಂವ್ಕ್ ವಿನಂತಿ. ತಶೆಂಚ್ ಫಿರ್ಜೆಂತ್, ಮುಡ್ದೊಮ್ ಆನಿ ಆಧಾರಿ ಫಿರ್ಜೆಂತ್ ರಾವೊನ್ ಫಿರ್ಗಜ್ ಫೆಸ್ತಾಕ್ ಆಧಾರ್ ದೀಂವ್ಕ್ ವಿನಂತಿ ಕರ್ತಾಂವ್.
  • ಡಿಸೆಂಬರ್ ಆನಿ ಜನವರಿ ಭಿತರ್ ಕಾಜಾರ್ ಜಾಂವ್ಚ್ಯಾ ಹೊಕಾಲ್ ನೊವ್ರ್ಯಾಂನಿ ಕಾಜಾರಾಚ್ಯೊ ಚೀಟಿ ವಾಸ್ಚೆ ಖಾತಿರ್ ಕರಾರಾಚಿಂ ದಸ್ತವೇಜಾಂ ನವೆಂಬರ್ 1 ತಾರಿಕೆ ಭಿತರ್ ದಫ್ತರಾಕ್ ಪಾವೊಂಕ್ ವಿನಂತಿ.

 

✝️ Liturgy Details

31/10/2026-ಸನ್ವಾರಾ ಸಾಂಜೆರ್‌ 4:30-ಮೇರಮಜಲ್‌ ಪಯ್ಲೊ ಭಾಗೆವಂತ್‌ ಕುಟಾಮ್‌ ವಾಡೊ
01/11/2026-ಆಯ್ತಾರಾ ಸಾಕಾಳಿಂ 8:00-ಭುರ್ಗ್ಯಾಂಚೊ ದಿವಸ್‌ ಆಚರಣ್

🏘️ Ward Meetings

NameDateTimeVenueRemarks
ನಂತರ್‌ತೋಟ-ಸಾಂತ್‌ ಜೋಕಿಮ್ ವಾಡೊ26/10/20264:00PMಮಾನೆಸ್ತ್‌ ದೊಮಿನಿಕ್ ಸಲ್ಡಾನ್ಹಾಚ್ಯಾ ಘರಾ
ಪಾದೆಮಾರ್ ಮದರ್‌ ಎರೆಜಾ ವಾಡೊ26/10/20264:00PMಮಾನೆಸ್ತಿನ್ ಜುಲಿಯಾನಾ ಕ್ರಾಸ್ತಾಚ್ಯಾ ಘರಾ
ಮಯ್ಯಾಡಿ ದುಸ್ರೊ ಸಾಂತ್‌ ಫ್ರಾನ್ಸಿಸ್‌ ಸಾವೆರ್ ವಾಡೊ26/10/202604:00PMಮಾನೆಸ್ತಿನ್ ಲಿಲ್ಲಿ ಮೇರಿ ವೇಗಸಾಚ್ಯಾ ಘರಾ

🌟 Festivals

  • ಹ್ಯಾ ಹಪ್ತ್ಯಾಂತ್ ಫೆಸ್ತಾಂ: ಯೆತೆತ್ಯಾ ಬುದ್ವಾರಾ 28 ತಾರಿಕೆರ್ ಸಿಮಾಂವ್ ಆನಿ ಜೂದ್ ಸೊಮ್ಯಾಚಾ ಆಪೊಸ್ತಲಾಚೆಂ ಫೆಸ್ತ್.
Scroll to Top