• ಆಜ್ ಪಯ್ಲ್ಯಾ ಮಿಸಾ ಉಪ್ರಾಂತ್ ವೈ.ಸಿ.ಎಸ್. ಭುರ್ಗ್ಯಾಂಚೆಂ ಮ್ಹಳ್ಯಾರ್ ಪಯ್ಲ್ಯಾ ಆನಿ ದುಸ್ರ್ಯಾ ವರ್ಸಾಚಾ ಪಿಯುಸಿ ಭುರ್ಗ್ಯಾಂಚೆಂ ತಶೆಂಚ್ ತಾಂಚ್ಯಾ ವ್ಹಡಿಲಾಂಚೆಂ ಮೀಟಿಂಗ್ ಇಗರ್ಜೆಂತ್ ದವಲ್ಲಾಂ. ಭುರ್ಗ್ಯಾಂನಿ ತಶೆಂಚ್ ತಾಂಚಾ ವ್ಹಡಿಲಾಂನಿ ಚುಕಾನಾಸ್ತಾನಾ ಮೀಟಿಂಗಾಕ್ ಹಾಜರ್ ಜಾಂವ್ಚೆಂ.
• ಯೆಂವ್ಚ್ಯಾ ಆಯ್ತಾರಾ ಸಕಾಳಿಂ ಪಯ್ಲ್ಯಾ ಮಿಸಾ ಉಪ್ರಾಂತ್ ಫಿರ್ಗಜ್ ಝುಂತ್ ಆಸಾ. ವಿಷಯ್ ಫಿರ್ಗಜ್ ಫೆಸ್ತಾಚಾ ಸಂಭ್ರಮಾ ವಿಶ್ಯಾಂತ್. ತುಮಿ ಸರ್ವಾಂನಿ ಫಿರ್ಗಜ್ ಝುಂತಾಕ್ ರಾವೊಂಕ್ ವಿನಂತಿ.
• ಆಯ್ತಾರಾ ಮಿಸಾಂತ್ ತುಮಿ ಭಕ್ತಿಪಣಿಂ ವಾಂಟೊ ಘತಾತ್, ತರೀ ಆನೀಕಿ ಅರ್ಥಾಭರಿತ್ ರೀತಿನ್ ಮೀಸಾ ಸಂಭ್ರಮಾತ್ ವಾಂಟೊ ಘೆಂವ್ಚ್ಯಾಕ್ ಸಲಹಾ ತುಮ್ಚ್ಯಾ ಗಮನಾಕ್ ಹಾಡ್ತಾಂ.
  1  ವಾಚ್ಪಾ ವಾಚ್ಚ್ಯಾಂಕ್ ಮೈಕ್ ವಯ್ರ್ ಸಕಯ್ಲ್ ಕರ್ತಾನಾ ಮೈಕಾಚಾ ಗೊಮ್ಟೆಕ್ ಧರಿನಾಕಾತ್. ಬದ್ಲಾಕ್ ತಾಚಾ ರೊಡಾಕ್ ಧರ್ನ್ ಎಜೆಸ್ಟ್ ಕರ್ನ್ ಉಪಯೋಗ್ ಕರ್ಚೆಂ. ಮೈಕಾಚಾ ತೊಂಡಾಕ್ ಥಾಪ್ಟಿನಾಕಾತ್ ಕಿತ್ಯಾಕ್ ನಾಜೂಕ್ ಆನಿ ವೆಗ್ಗಿಂ ಪಾಡ್ ಜಾಂವ್ಚೆಂ ಸಂಧರ್ಬ್ ಆಸಾತ್.
  2  ಆಯ್ತಾರಾ ತಶೆಂ ಫೆಸ್ತಾಂ ಮೀಸಾವೆಳಾರ್ ವಾಚ್ಪಾ ವಾಚ್ತೆಲ್ಯಾಂಕ್ ತಶೆಂಚ್ ಕೀರ್ತನ್ ಗಾಯ್ತಲ್ಯಾಂಕ್ ಇನ್‌ಸಿಗ್ನಿಯಾ ವಾ ಕೇಪ್ ಘಾಲುಂಕ್ ಆಸಾ, ವಾಚ್ಪಾ ವಾಚ್ಲ್ಯಾ ಉಪ್ರಾಂತ್ ಆಲ್ತಾರಿಚಾ ಉಜ್ವ್ಯಾ ಕುಶಿನ್ ಯೇವ್ನ್ ಬಸ್ಚೆಂ.
  3  ಕಾಣಿಕ್ ಎಕ್ಟಾಂಯ್ ಕರ್ತೆಲ್ಯಾಂಕ್ ಕೊಯೆರ್ ಅಪ್ಲೆಲ್ಯಾ ಕಡೆನ್ ಕಾಣಿಕ್ ಎಕ್ಟಾಂಯ್ ಕರುಂಕ್ ಗುರ್ಕಾರಾಂನಿ ತಶೆಂ ಸಂಘ ಸಂಸ್ಥ್ಯಾಂಚ್ಯಾ ಅಧ್ಯಕ್ಷಾಂನಿ ತಾಂಕಾಂ ಲಿತುರ್ಜಿ ಆಸ್ತಾನಾ ಪಯ್ಲೆಂಚ್ ತಿಳ್ಸುಂಚೆಂ.
  4  ಖಂಚ್ಯಾ ವಾಡ್ಯಾಕ್ ಲಿತುರ್ಜಿ ಆಸಾ ತ್ಯಾಚ್ ವಾಡ್ಯಾಚಾ ಸಾಂದ್ಯಾಂನಿ ಹೋಸ್ತ್ ಆನಿ ವಾಯ್ನ್ ಕಾಣಿಕೆ ಸವೆಂ ಹಾಡ್ನ್‌ ಯೆಂವ್ಚೆಂ. ದೆಕುನ್ ಪಾಟಿಂ ಕಾಣಿಕೆಲಾಗಿಂ ಬಸ್ತೆಲ್ಯಾನಿ ಹೋಸ್ತ್ ಆನಿ ವಾಯ್ನ್ ಹೆರಾಂಕ್ ದೀವ್ನ್ ಗುಸ್ಪಡ್ ಕರಿನಾಕಾತ್, ಪಾಟಿಂ ಬಸ್ತೆಲ್ಯಾಂನಿ ಕಾಣಿಕ್ ವಾಂಟುನ್ ಕಾಮ್ ಕರ್ಚೆ೦ ನಾಕಾ.
  5   ಕುಮ್ಗಾರ್ ವಾಂಟ್ತಾನಾ ಕ್ರಿಸ್ತಾಚಿ ಕೂಡ್ ಮ್ಹಣ್ ಸಾಂಗ್ಲ್ಯಾ ಉಪ್ರಾಂತ್ ಆಮೆನ್ ಮ್ಹಣೋನ್ ಕುಮ್ಗಾರ್ ಸೆಂವ್ಚೊ.
  6   ಹಾತಾಂತ್ ಕುಮ್ಗಾರ್ ಘೆತಾನಾ ಉಜ್ವ್ಯಾ ಹಾತಾ ವಯ್ರ್ ಧಾವೊ ಹಾತ್ ದವ್ರುನ್ ಕುಮ್ಗಾರ್ ಹಾತಾಂತ್ ಘೆಂವ್ಚೊ. ದೋನ್ ಬೊಟಾಂ ಮಧೆಂ ಘೆನಾಕಾತ್.
  7   ಕುಮ್ಗಾರ್ ಹಾತಾಂತ್ ಕಾಣ್ಗೆಲ್ಯಾ ಉಪ್ರಾಂತ್ ಥಂಯ್ಚ್ ತೊ ಸ್ವೀಕಾರ್ ಕರ್ಚೊ ಯಾ ತೊಂಡಾಂತ್ ದವರ್ಚೊ, ತುಮಿ ಬಸ್ಚ್ಯಾ ಜಾಗ್ಯಾ ಕಡೆನ್ ವ್ಹರಿನಾಕಾತ್.
  8   ಕುಮ್ಗಾರ್ ಸಕ್ಲಾ ಪಡ್ಲೊ ತರ್ ತುಮಿ ತೊ ವಿಂಚಿನಾಕಾತ್. ಕುಮ್ಗಾರ್ ವಾಂಟ್ತೆಲ್ಯಾಂನಿ ತೊ ವಿಂಚ್ಚೊ.
  9   ಕುಮ್ಗಾರ್ ವಾಂಟ್ತಾನಾ ಎಕಾ ಲಾಯ್ನಿ ಥಾವ್ನ್ ಆನ್ಯೇಕಾ ಲಾಯ್ನಿಕ್ ಯೇವ್ನ್ ಕುಮ್ಗಾರ್ ಫೆವ್ನ್ ಜಾಲ್ಯಾ ಉಪ್ರಾಂತ್ ತ್ಯಾಚ್ ವಾಟೆನ್ ಪಾಟಿಂ ವೆಚೆಂ.
  10   ಕೊಣಾಕ್ ಚಲೊಂಕ್ ಜಾಯ್ನಾ ತಸಲ್ಯಾಂಕ್ ಜಾಗ್ಯಾರ್ ಕುಮ್ಗಾರ್ ಹಾಡ್ನ್ ದೀಂವ್ಕ್ ಸಾಂಗ್ಲ್ಯಾರ್ ಕುಮ್ಗಾರ್ ವಾಂಟ್ತೆಲಿಂ ಹಾಡ್ನ್ ದಿತಾತ್.
• ಮಂಗ್ಳುರ್ ದಿಯೆಸೆಜಿಚಾ ಪರಿಸರ್ ಆಯೋಗಾನ್ ಫೋರ್ಮಾ೦ ಭರ್ತಿ ಕರುಂಕ್ ದಿಲ್ಲಿಂ ಆನಿ ತಾಂತುಂ ವಿಜೇತ್ ಜಾಲ್ಲ್ಯಾ ಎಕ್ಸಾಕ್ ಏಕ್ ಲಾಖ್ ರುಪಯ್ ಬಹುಮಾನ್ ಭಾಸಯ್ಲಾಂ. ದೆಕುನ್ ಭರ್ತಿ ಕೆಲ್ಲಿ ಫೊರ್ಮಾಂ ಯೆಂವ್ಚ್ಯಾ ಸನ್ವಾರಾ 26 ತಾರಿಕೆ ಭಿತರ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ. ಚಡಿತ್ ವಿವರ್ ನೋಟೀಸ್ ಬೋರ್ಡಾರ್ ಆಸಾ.
• SIR (Special Intensive Revision)ಕರಡು ಪ್ರತಿಂತ್‌ ನಾಂವಾಂ ಆಯ್ಲ್ಯಾಂತ್‌ ಗೀ ನಾ ಮ್ಹಣ್‌ ವಾಡ್ಯಾವಾ‌ರ್ ಸಮೀಕ್ಷಾ ಕೆಲ್ಲಿ, ಅರ್ಕುಳ ದುಸ್ರ್ಯಾ ವಾಡ್ಯಾಥಾವ್ನ್ ಕಾಂಯ್ ವಿವರ್ ಮೆಳಂವ್ಕ್ ನಾ. ಹೆರ್ 17 ವಾಡ್ಯಾಂತ್ ಆಮ್ಚ್ಯಾ ಫಿರ್ಗಜ್‌ ಗಾರಾಂಚಿ 12 ಜಣಾಂಚಿ ವೋಟರ್ ಐಡಿ ಜಾಂವ್ಕ್ ನಾಂತ್. 18 ಜಣಾಂಚಿ ಕರಡು ಪ್ರತಿಂತ್ ನಾಂವಾಂ ನಾಂತ್, 278 ಜಣಾಂಚಿ ನಾಂವ್, ಪ್ರಾಯ್ ಸಾರ್ಕಿ ನಾಂತ್ ಆನಿ 46 ಜಣಾಂಕ್ ನೋಟೀಸ್ ಆಯ್ಯಾಂತ್ ಮ್ಹಣ್ ಕಳಿತ್ ಜಾಲಾಂ. ಎದೊಳ್ ವೋಟರ್ ಐಡಿ ಜಾಂವ್ಕ್ ನಾ ಯಾ ಕರಡು ಪ್ರತಿಂತ್ ನಾಂವ್ ಯೇಂವ್ಕ್ ನಾ ತಾಂಣಿಂ ವೆಗಿಂಚ್ ತಾಂಚ್ಯಾ ಬಿ.ಎಲ್.ಒಕ್ ಮೆಳ್ಚೆಂ. ನಾ ತರ್ ಎಲ್ರೊಯ್ ಸಲ್ಡಾನ್ಹಾಕ್ ಮೆಳೊನ್ ಜಾತಾ ತಿತ್ಲೆಂ ವೆಗ್ಗಿಂ ನಾಂವಾಂ ದಾಖಲ್ ಕರ್ಚಿಂ. ನೋಟೀಸ್ ಆಯಿಲ್ಲ್ಯಾಂನಿ ನೋಟೀಸಾಂತ್ ದಿಲ್ಲ್ಯಾ ತಾರೀಕ್ ಆನಿ ವೆಳಾ ಪರ್ಮಾಣೆ ಗರ್ಜೆಚೆಂ ದಸ್ತಾವೇಜಾಂ ವರ್ನ್ ಸಂಬಂದ್ ಜಾಲ್ಲ್ಯಾಂಕ್ ಮೆಳೊನ್ ಸಾರ್ಕೆ೦ ಕರ್ಚೆಂ. ನಾಂವ್, ಪ್ರಾಯ್, ಘರ್ ನಂಬರ್, ಸಾರ್ಕೆಂ ನಾ ಜಾಲ್ಯಾರ್ ಅತಾಂ ಘುಡ್ಡಡ್ ಕರ್ಚಿ ಗರ್ಜ್ ನಾ ಆನಿ ಕೆದಳಾ ತೆಂ ಸಾರ್ಕೆ೦ ಕರ್ತಾತ್ ಮ್ಹಣ್ ತುಮ್ಕಾಂ ತಿಳ್ಸಿತೆಲ್ಯಾಂವ್, ಚಡಿತ್ ವಿವರ್ ಕಿತೆಂಯ್ ಜಾಯ್ ತರ್ ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷಾಕ್ ಸಂಪರ್ಕ್ ಕರ್ಚೊ.

26/09/2026- ಸನ್ವಾರಾ ಸಾಂಜೆರ್‌ 4:30-ಪೆಲಪಾಡಿ -ರಾಕಣ್ ಭಡ್ವೊ ವಾಡೊ
27/09/2026-ಆಯ್ತಾರಾ ಸಾಕಾಳಿಂ 7:30-ಸಾಂತ್ ವಿಶೆಂತ್ ಪಾವ್ಲ್‌ ಸಭಾ- ಫೆಸ್ತಾಚಿ ಲಿತುರ್ಜಿ
20/09/2026-ಆಯ್ತಾರಾ ಸಾಕಾಳಿಂ 10:00- 9ವಿ ಕ್ಲಾಸ್

• ಹ್ಯಾ ಹಪ್ತ್ಯಾಂತ್ ಫೆಸ್ತಾಂ : ಸೊಮಾರಾ 21 ತಾರಿಕೆರ್ ಸಾಂ. ಮಾತೆವ್ ಆಪೊಸ್ತಲ್ ಆನಿ ಬುದ್ವಾರಾ 23 ತಾರಿಕೆರ್ ಭಾಗೆವಂತ್ ಪಾದ್ರೆ ಪಿಯೊಚೆಂ ಫೆಸ್ತ್.