• ಆಜ್ ಸಾಂತ್ ವಿಶೆಂತ್ ಪಾವ್ಲ್ ಸಭಾ ತಾಂಚ್ಯಾ ಪಾತ್ರೊನಾಚೆಂ ಫೆಸ್ತ್ ಸಂಭ್ರಮ್ತಾತ್. ಪಾಟ್ಲ್ಯಾ ಸಗ್ಳ್ಯಾ ವರ್ಸಾಂತ್ ದೆವಾನ್ ಹ್ಯಾ ಸಭೆಚಾ ಸಾಂದ್ಯಾ ಮುಖಾಂತ್ರ್ ಆಮ್ಚ್ಯೆ ಫಿರ್ಗಜೆಂತ್ ಕೆಲ್ಲ್ಯಾ ಮಾಯಾಮೊಗಾಚಾ ವಾವ್ರಾಖಾತಿರ್ ದೆವಾಕ್ ಧಿನ್ವಾಸ್ತಾನಾ ಸಾಂತ್ ವಿಶೆಂತ್ ಪಾವ್ಲ್‌  ಸಭೆಚ್ಯಾ ಅಧ್ಯಕ್ಷಾಕ್, ಸಾಂದ್ಯಾಂಕ್‌ ಆನಿ ತಾಂಕಾಂ ಆಧಾ‌ರ್ ದಿಂವ್ಚ್ಯಾ ಸರ್ವ್ ದಾನಿಂಕ್ ಆನಿ ಆಧಾರಿ ಕುಟ್ಮಾಂಕ್ ದೇವ್ ಬರೆಂ ಕರುಂ ಮ್ಹಣ್ತಾಂವ್‌ ಆನಿ ದೆವಾಚಿಂ ಆಶೀರ್ವಾದಾಂ ಮಾಗ್ತಾಂವ್.
• ಯೆಂವ್ಚ್ಯಾ ಆಯ್ತಾರಾ ಆಕ್ಟೋಬರ್ 4 ತಾರಿಕೆರ್ ಫರಂಗಿಪೇಟ್ ಕೊವೆಂತ್ ತಾಂಚಾ ಪಾತ್ರೊನ್ ಸಾಂ. ಫ್ರಾನ್ಸಿಸ್ ಆಸ್ಸಿಸಿಚೆಂ ಫೆಸ್ತ್ ಸಂಭ್ರಸ್ತಾತ್. ಮೀಸ್ 11.00 ವೊರಾರ್ ಆನಿ ಹ್ಯಾ ಸಂಭ್ರಮಾಕ್ ಕಾಪುಚಿನ್ ಯಾಜಕಾಂನಿ ತುಮ್ಮಾಂ ಆಪವ್ಣೆಂ ದಿಲಾಂ. ತ್ಯಾ ದೆಕುನ್ ಯೆಂವ್ಚ್ಯಾ ಆಯ್ತಾರಾ ಏಕ್‌ಚ್ ಮೀಸ್ 7.30 ವೊರಾರ್ ಆನಿ ದುಸೆಂ ಮೀಸ್ ಆಸ್ಚೆನಾ.
• ಆಕ್ಟೋಬರ್ 11 ತಾರಿಕೆರ್ ಸಕಾಳಿಂ 8.45 ವೊರಾಂ ಥಾವ್ನ್ 9.45 ವೊರಾ೦ ಪರ್ಯಾ೦ತ್ ಭುರ್ಗ್ಯಾಂಕ್ ಕ್ರಿಸ್ತಾಂವ್ ಶಿಕ್ಷಣಾಚಿ ದೊತೊರ್ನೆಚಿ ಪರೀಕ್ಷಾ ಆಸ್ತೆಲಿಂ. ಸರ್ವ್ ಭುರ್ಗ್ಯಾಂನಿ ಪರೀಕ್ಷೆಕ್ ತಯಾರ‍್ ಕರುಂಕ್ ಉಲೊ ದಿತಾ.
• ಅಕ್ಟೋಬ‌ರ್ 12, 13 ಆನಿ 14 ತಾರಿಕೆರ್ ಸೊಮಾರ್ ಮಂಗ್ಳಾರ್ ಬುದ್ವಾರಾ ತೀನ್ ದೀಸ್ 10ವ್ಯಾ ಕ್ಲಾಸಿಚಾ ಭುರ್ಗ್ಯಾಂಕ್ ಬಂಟ್ವಾಳ್ ಮೊಡಂಕಾಪ್ ಇಗರ್ಜೆ ಹೊಲಾಂತ್ ಜೀವನ್ ಜ್ಯೋತಿ ಶಿಬಿ‌ರ್ ದವರ್ಲಾ. ಭುರ್ಗ್ಯಾಂನಿ ಶಿಬಿರಾ ಬಾಬ್ತಿನ್ ರು. 700/- ಫಾರಿಕ್ ಕರುಂಕ್ ಆಸಾತ್, ತಶೆಂಚ್ ಅಕ್ಟೋಬರ್ 12 ತಾರಿಕೆರ್ 7ವ್ಯಾ ಕ್ಲಾಸಿಚಾ ಭುರ್ಗ್ಯಾಂಕ್, 13 ತಾರಿಕೆರ್ 8ವ್ಯಾ ಕ್ಲಾಸಿಚಾ ಭುರ್ಗ್ಯಾಂಕ್ ಆನಿ 14 ತಾರಿಕೆರ್ 9ವ್ಯಾ ಕ್ಲಾಸಿಚಾ ಭುರ್ಗ್ಯಾಂಕ್ ಜೀವನ್ ದಿಶಾ ಶಿಬಿರ್ ಮೊಡಂಕಾಪ್ ಇಗರ್ಜೆ ಹೊಲಾನ್ ದವರ್ಲಾಂ, ಸಾತ್ವಿ, ಆಟ್ವಿ ಆನಿ ನೊವ್ಯಾ ಕ್ಲಾಸಿಚಾ ಭುರ್ಗ್ಯಾಂನಿ ರು. 200/- ಫಾರಿಕ್ ಕರುಂಕ್ ಆಸಾತ್. ಕೊಣಾಕ್ ಪಯ್ಶೆ ದೀಂವ್ಕ್ ಕಷ್ಟ್ ಜಾತಾತ್ ತರ್ ತಾಂಣಿ ವಿಗಾರಾಕ್ ಮೆಳ್ಚೆಂ.
• ಭುರ್ಗ್ಯಾಂಕ್ ಸಕಾಳಿಂ ಶಿಬಿರಾಕ್ ಪಾವಂವ್ಕ್ ಆನಿ ಸಾಂಜೆರ್ ಪಾಟಿಂ ಇಗರ್ಜೆಕ್ ಹಾಡುಂಕ್ ಬಸ್ಸಾಚಿ ವ್ಯವಸ್ಥಾ ಕಾರ್ತಾಂವ್. ಭುರ್ಗ್ಯಾಂಕ್ ಹೆಂ ಶಿಬಿರ್ ಭೋವ್ ಗರ್ಜೆಚೆಂ ಆನಿ ಕಡ್ಡಾಯೆಚೆಂ ದೆಕುನ್ ಭುರ್ಗ್ಯಾಂನಿ ಚುಕಾನಾಸ್ತಾನಾ ಹಾಜರ್ ಜಾಂವ್ಕ್ ವ್ಹಡಿಲಾಂನಿ ಗಮನ್ ದಿಂವ್ಕ್ ಉಲೊ ದಿತಾ .
• ಅಕ್ಟೋಬರ್ 25 ತಾರಿಕೆರ್ ಆಯ್ತಾರಾ ಸಕಾಳಿಂಚ್ಯಾ ಮೀಸಾ ಉಪ್ರಾಂತ್ ದೊತೊರ್ನ್ ಶಿಕ್ಷ್ಯಾ ಭುರ್ಗ್ಯಾಂಕ್ ತಶೆಂ ತಾಂಚಾ ವ್ಹಡಿಲಾಂಕ್ ಮೀಟಿಂಗ್ ದವರ್ಲಾಂ. ದೊತೊರ್ನೆಚಾ ಪರೀಕ್ಷೆಂತ್ ಮಾರ್ಕ್ಸ್ ಮೆಳ್‌ಲ್ಲೆಂ ತ್ಯಾ ವೆಳಾರ್ ವಾಚುನ್ ಸಾಂಗ್ತಾಂವ್.
• ನವೆಂಬರ್ 1 ತಾರಿಕೆರ್ ಆಯ್ತಾರಾ ಭುರ್ಗ್ಯಾಂಚೊ ದಿವಸ್ ಜಾವ್ನ್ ಸಂಭ್ರಮ್ತಾಂವ್. ಸಾಂಗಾತಾಚ್ ತ್ಯಾ ಮಿಸಾಕ್ ಆಲ್ತಾರ್ ಭುರ್ಗ್ಯಾಂಚೊ ಆನಿ ಮಿಶನರಿ ಮೆಳಾಚಾ ಭುರ್ಗ್ಯಾಂಚೊ ದಿವಸ್ ಆಚರಣ್ ಕರ್ತಾಂವ್. ಹ್ಯಾ ವಿಶಿಂ ಚಡಿತ್ ವಿವರ್ ಮುಖಾರ್ ತಿಳ್ಸಿತೆಲ್ಯಾಂವ್.
• ಮಿಸಾಂವ್ ಆಯ್ತಾರಾಂಚಿ ಕವರಾಂ ಆನಿ ಕೆಲೆಂಡಾರಾ ಆಯ್ಲ್ಯಾಂತ್, ಇಗರ್ಜೆಚ್ಯಾ ಧಪ್ತರಾಂ ಥಾವ್ನ್ ಗುರ್ಕಾರಾಂನಿ ತಿಂ ವರ್ನ್ ವಾಡ್ಯಾಗಾರಾಂಕ್ ಪಾವಿತ್ ಕರುಂಕ್ ವಿನಂತಿ ಕಾರ್ತಾಂವ್. ಮಿಸಾಂವ್ ಆಯ್ತಾರಾಚಿ ಕವರಾಂ ಅಕ್ಟೋಬರಾಚ್ಯಾ 18 ತಾರಿಕೆ ಭಿತರ್ ಆಲ್ತಾರಿ ಮುಖಾರ್ ದವರ್ಲ್ಯಾ ಬೊಕ್ಸಾಂತ್ ಘಾಲುಂಕ್ ಉಲೊ ದಿತಾಂವ್.
• ಕಥೊಲಿಕ್ ಸಭಾ ಒಮ್ಜೂರ್ ಘಟಕ್ ಭಾಷಣ್ ಸ್ಪರ್ಧೊ 2026, ಮಾಂಡುನ್ ಹಾಡ್ತಾ. ಪಯ್ಲ್ಯಾ ಕ್ಲಾಸಿ ಥಾವ್ನ್ ಸರ್ವ್ ಫಿರ್ಗಜ್ಗಾರಾಂಕ್. ಹೊ ಸ್ಪರ್ಧೆ ಅಕ್ಟೋಬರ್ 11 ತಾರಿಕೆರ್ ಆಯ್ತಾರಾ ದನ್ಪಾರಾ 3.30 ವೊರಾರ್ ಇಗರ್ಜೆಚ್ಯಾ ಮಿನಿ ಹೊಲಾಂತ್ ಆಸ್ತಲೊ. ಸಗ್ಳೊ ವಿವರ್ ನೋಟಿಸ್ ಬೊರ್ಡಾರ್ ಪಳೆಂವ್ಕ್ ವಿನಂತಿ. ಸ್ಪರ್ಧಿಕಾಂನಿ ತಾಂಚಿ ನಾಂವಾಂ ಕಥೊಲಿಕ್ ಸಭೆಚಾ ಅಧ್ಯಕ್ಷ್, ಕಾರ್ಯದರ್ಶಿ ಲಾಗಿಂ ದಿಂವ್ಚಿಂ.
• ಅಕ್ಟೋಬರ್‌ 4 ತಾರಿಕೆರ್ ಆಯ್ತಾರಾ ದನ್ಪರಾ 3:00 ವ್ಹರಾರ್‌ ಸಭಾ ಸಲಾಂತ್‌ ಐ.ಸಿ.ವೈ.ಎಮ್‌ ಒಮ್ಜೂರ್ ಘಟಕ್‌ ಭುರ್ಗ್ಯಾಂ ಖಾತಿರ್‌ “ಫುಲಾಂಚೊ ಸೊಹಾಳೊ(Flower Arrangement Competition) ಸ್ಪರ್ಧೊ ಮಾಂಡುನ್‌ ಹಾಡ್ತಾ.ಹಾಚೊ ವಿವರ್‌ ಆನಿ ನಿಯಾಮಾಂ ಗುರ್ಕಾರಾಂನಿ ವಾಟ್ಸಾಪ್‌ ಮಾರಿಫಾತ್‌ ತುಮ್ಕಾಂ ಧಾಡ್ಲ್ಯಾಂತ್‌. ವಿಜೇತಾಂಕ್‌ ಆಕರ್ಷಕ್‌ ಬಹುಮಾನಾಂ ಆಸ್ತೆಲಿಂ. ಸರ್ವ್‌ ಭುರ್ಗ್ಯಾಂನಿ ವಾಂಟೊ ಘೆವ್ನ್‌ ಸಹಕಾರ್‌ ದೀಂವ್ಕ್‌ ಉಲೊ ದಿತಾಂ

03/10/2026-ಸನ್ವಾರಾ ಸಾಂಜೆರ್‌ 4:30-ಮೇರಮಜಲ್‌ ದುಸ್ರೊ ಬಾಳೊಕ್‌ ಜೆಜು ವಾಡೊ
04/10/2026-ಆಯ್ತಾರಾ ಸಾಕಾಳಿಂ 7:30-ಗಾಯನ್‌ ಮಂಡಳಿ

• ಹ್ಯಾ ಹಪ್ತ್ಯಾಂತ್ ಫೆಸ್ತಾಂ : ಮಂಗ್ಳಾರಾ 29 ತಾರಿಕೆರ್ ಸಾಂತ್ ಮಿಂಗೆಲ್, ಗಾಬ್ರಿಯೆಲ್‌ಆನಿ ರಾಫಾಯೆಲ್ ಮಹಾ ದೇವ್ ದೂತ್ ಹಾಂಚೆಂ ಸ್ಮರಣ್, ಬುದ್ವಾರಾ 30 ತಾರಿಕೆರ್ ಸಾಂತ್ ಜೆರೊಮಾಚೆಂ ಸ್ಮರಣ್ ಬ್ರೇಸ್ತಾರಾ ಅಕ್ಟೋಬರ್ 1 ತಾರಿಕೆರ್ ಜೆಜುಚೆಂ ಲ್ಟಾನ್ ಫುಲ್ ಸಾಂತ್ ತೆರೆಜಾಚೆಂ ಸ್ಮರಣ್, ಅಕ್ಟೋಬರ್ 2 ತಾರಿಕೆರ್ ರಾಕಣ್ ಭಡ್ವ್ಯಾಂಚೆಂ ಫೆಸ್ತ್.