ಭಾಗೆವಂತ್‌ ಕುಟ್ಮಾಚಿ ಫಿರ್ಗಜ್‌ ಒಮ್ಜೂರ್‌, ಲ್ಹಾನ್‌ ಕ್ರಿಸ್ತಾಂವ್‌ ಸಮುದಾಯೆನ್‌ ಆಮ್ಚಾ ಸಮುದಯಾಂತ್‌ ಆಮ್ಚಿಂ ಭುರ್ಗಿಂ,ಭುರ್ಗ್ಯಾಂಕ್‌ ಲ್ಹಾನ್‌ ಕ್ರಿಸ್ತಾಂವ್‌ ಸಮುದಾಯಾ ವಿಶ್ಯಾಂತ್‌ ಮಾಹೆತ್‌ ಕಾರ್ಯಾಗಾರ್‌ ಒಮ್ಜೂರ್‌ ಇಗರ್ಜೆಂತ್‌ ಜುಲಾಯ್‌ 19ವೆರ್‌ ಸಕಾಳಿಂ 8:30 ಥಾವ್ನ್‌ 9:45 ಪರ್ಯಾಂತ್‌ ಪಯ್ಲ್ಯಾ ಕ್ಲಾಸಿ ಥಾವ್ನ್‌ ಪಿ.ಯು.ಸಿ. ಪರ್ಯಾಂತ್ಲ್ಯಾ ಸುಮಾರ್‌ 100 ಭುರ್ಗ್ಯಾಂಕ್‌ ಆನಿ ದೊತೊರ್ನ್‌ ಶಿಕೊಂವ್ಚ್ಯಾ ಶಿಕ್ಷಾಕಿಂಕ್‌ ಮಾಂಡುನ್‌ ಹಾಡ್ಲೆಂ.
ವಿಗಾರ್‌ ಮಾ|‌ ಬಾಪ್| ವಿಲಿಯಮ್‌ ಮಿನೇಜಸ್‌ ಹಾನಿಂ ಮಾಗ್ಣ್ಯಾ ಧ್ವಾರಿಂ ಕಾರ್ಯೆಂ ಆರಂಭ್‌ ಕೆಲೆಂ.ಲ್ಹಾನ್‌ ಕ್ರಿಸ್ತಾಂವ್‌ ಸಮುದಾಯ್‌ ಸಂಚಾಲಕ್‌ ಡೆಕ್ಸ್ಟರ್‌ ಸಲ್ಡಾನ್ಹಾ ಹಾಣಿಂ ಜಮ್ಲೆಲ್ಯಾ ಸರ್ವಾಂಕ್‌ ಸ್ವಾಗತ್‌ ಕೆಲೊ.ಸಂಪನ್ಮೂಳ್‌ ವ್ಯಕ್ತಿ ಜಾವ್ನ್‌ ದಿಯೆಸೆಜಿಚ್ಯಾ ಲ್ಹಾನ್‌ ಕ್ರಿಸ್ತಾಂವ್‌ ಸಮುದಾಯ್‌ ಆಯೊಗಾಚಿ ಕಾರ್ಯದರ್ಶಿ ಶ್ರೀಮತಿ ಆಶಾ ಮೊಂತೆರೊ ಹಾಜರ್‌ ಆಸ್‌ಲ್ಲಿ.
ವಿಗಾರ್‌ ಬಾಪಾನಿಂ ಆಪ್ಲ್ಯಾ ಸಂದೇಶಾಂತ್‌ ಆಮ್ಚೊ ಸಮುದಾಯ್‌ ಬಳ್ವಂತ್‌ ಜಾಯ್ಜಯ್‌ ತರ್‌ ಆಮ್ಚ್ಯಾ ಭುರ್ಗ್ಯಾಂನಿಂ ಲ್ಹಾನ್‌ ಕ್ರಿಸ್ತಾಂವ್‌ ಸಮುದಾಯೆಂತ್‌ ಭಾಗ್‌ ಘೆಂವ್ಕ್‌ ಜಾಯ್‌ ಅಶೆಂ ಆಮ್ಚಿ ಭುರ್ಗಿಂ ಮುಕಾರ್‌ ಫಿರ್ಗಜೆಂತ್‌ ಪರ್ಜಳ್ಚಿಂ ತಾರಾಂ ಜಾತಾಲಿಂ ಮ್ಹಣ್‌ ಉಚಾರ್ಲೆಂ ಆನಿ ಸರ್ವಾಂಕ್‌ ಬರೆಂ ಮಾಗ್ಲೆಂ.ಸಂಪನ್ಮೂಳ್‌ ವ್ಯಕ್ತಿನ್‌ ಭುರ್ಗ್ಯಾಂಕ್‌ ಸಾತ್‌ ಮೆಟಾಚ್ಯಾ ವಿಧಾನಾ ವಿಶಿಂ ಸವಿಸ್ತಾರ್‌ ರಿತಿನ್‌ ಮಾಹೆತ್‌ ದಿಲಿ.
ಹ್ಯಾ ಮಾಹೆತ್‌ ಕಾರ್ಯಾಗಾರಾಕ್‌ ಮುಖೆಲ್‌ ಸಯ್ರೆ ಜಾವ್ನ್‌ ಫಿರ್ಗಜ್‌ ವಿಗಾರ್‌ ಮಾ|ಬಾಪ್|ವಿಲಿಯಮ್‌ ಮಿನೇಜಸ್‌‌, ವಸ್ತೆ ಯಾಜಕ್‌ ಮಾ|ಬಾಪ್|ರಾಹುಲ್‌ ಡೆಕ್ಸ್ಟರ್‌ ಡಿಸೋಜ,ಗೊವ್ಳಿಕ್‌ ಪರಿಷದೆಚೊ ಉಪಾಧ್ಯಕ್ಷ್‌ ಶ್ರೀಮಾನ್ ಆರ್ಥರ್‌ ಡಿಸೋಜ,ಗೊವ್ಳಿಕ್‌ ಪರಿಷದೆಚಿ ಕಾರ್ಯದರ್ಶಿ ಶ್ರೀಮತಿ‌ ಡ್ಯಾಫ್ನಿ ಲುವಿಸ್, ಕ್ರೀಸ್ತೀ ಶಿಕ್ಷಣಾಚಿ ಸಂಯೋಜಕಿ ಭಯ್ಣ್‌ ಸಬೀನಾ ಲೊಬೊ,ಲ್ಹಾನ್‌ ಕ್ರಿಸ್ತಾಂವ್‌ ಸಮುದಾಯ್‌ ಸಂಚಾಲಕ್‌ ಡೆಕ್ಸ್ಟರ್‌ ಸಲ್ಡಾನ್ಹಾ,ಲ್ಹಾನ್‌ ಕ್ರಿಸ್ತಾಂವ್‌ ಸಮುದಾಯ್‌ ಕಾರ್ಯದರ್ಶಿ ಶ್ರೀಮತಿ‌ ಲಿನೆಟ್‌ ಡಿಸೋಜ ಹಾಜರ್‌ ಆಸ್‌ಲ್ಲಿಂ.