ತೇವ್, ಸಾಂತ್ ಅಂತೊನಿಕ್ ಸಮರ್ಪಿಲ್ಯಾ ಆಮ್ಚ್ಯಾ ವಾಡ್ಯಾಚಾ ಫೆಸ್ತಾಚಿ ಸುರ್ವಾತ್ 07/06/2026 ಆಯ್ತಾರಾ ಸಕಳಿಂ 7.30 ವೊರಾಂಚ್ಯಾ ಮಿಸಾ ಸವೆಂ ವಾಡ್ಯಾಗಾರಾಂನಿ ಅರ್ಥಾಭರಿತ್ ರಿತಿನ್ ಲಿತುರ್ಜಿ ಚಲೊವ್ನ್ ವೆಲಿಂ. ವಾಡ್ಯಾಚಾ ಸರ್ವ್ ಕುಟ್ಮಾಂಚೆ ಸಾಂದೆ ಹಾಜಾರ್ ಆಸ್ ಲ್ಲೆ.
ಫೆಸ್ತಾಚೊ ಸಂಭ್ರಮ್ 14.06.2026 ಆಯ್ತಾರಾ ಸಾಂಜೆರ್ ಮಾನೆಸ್ತ್ ಜೊಕಿಮ್ ಮೊಂತೇರೊಚ್ಯಾ ಘರಾ ಆಚರಣ್ ಕೆಲೊ.
ವಾಡ್ಯಾ ಫೆಸ್ತ್ ವ್ಹಡಾ ಸಂಭ್ರಮಾನ್ ಮಾಂಡುನ್ ಹಾಡ್ ಲ್ಲೆ ಸುರ್ವಾತೆರ್ ಮಾಗ್ಣೆಂ ಮಾಗಿರ್ ದಿವೊ ಪೆಟೊವ್ನ್ ಕಾರ್ಯೆ ಆರಂಭ್ ಕೆಲೆಂ. ಮನೊರಂಜನ್ ಜಾವ್ನ್ ಉಲ್ಲಾಸಾಚೆ ಗೀತ್, ಭುರ್ಗ್ಯಾಂಚೆ ಡ್ಯಾನ್ಸ್, ಪದಾಂ, ನಾಟ್ಕುಳೊ, ಸ್ತೀಯಾಂಚೊ ನಾಚ್,ಬೈಬಲ್ ಕ್ವಿಜ್, ಸಕ್ಡಾಂಕ್ ಖೆಳ್ ಇತ್ಯಾದಿ ಆಸಾ ಕೆಲ್ಲೆಂ. ಸರ್ವ್ ವಾಡ್ಯಾಗಾರಾಂನಿ ಹಾಂತು ಸಕ್ರಿಯ್ ರಿತಿನ್ ಭಾಗ್ ಘೆತ್ ಲ್ಲೊ. ವಿಗಾರ್ ಬಾಪಾಂಕ್ ಮಾಣಿಕೋತ್ಸವಾಚೆ ಉಲ್ಲಾಸ್ ಪಾಟೊವ್ನ್ ಸನ್ಮಾನ್ ಕೆಲೊ. ಸಗ್ಳ್ಯಾ ಕಾರ್ಯಾಚೆ ನಿರ್ವಾಹಣ್ ಬಾಳ್ ಜೆಸ್ವಿಟಾ ಆನಿ ಬಾಳ್ ವಿನೊಲ್ ಹಾಣಿ ಚಲೊನ್ ವೆಲೆಂ.
ಆಮ್ಚ್ಯಾ ವಾಡ್ಯಾಚಿ ಓಸ್ವಾಲ್ಡ್ ಆನಿ ರೀಟಾ ಡಿ ಸೋಜ ಆಮ್ಚ್ಯಾ ಫಿರ್ಗೆಜೆ ಥಾವ್ನ್ ಉರ್ವಾ ಫಿರ್ಗೆಜೆಕ್ ವಸ್ತಿ ಕರುಂಕ್ ವೆಚಾ ಸಂಧರ್ಬಾರ್ ಆದೇವ್ಸ್ ಮಾಗೊನ್ ವಾಡ್ಯಾಗಾರಾ ತರ್ಫೆನ್ ಸನ್ಮಾನ್ ಕೆಲೊ. ತಶೆಂಚ್ ಆಮ್ಚ್ಯಾ ವಾಡ್ಯಾಂತ್ ನೊವ್ಯಾನ್ ವಸ್ತಿ ಕರುಂಕ್ ಆಯಿಲ್ಯಾ 2 ಕುಟ್ಮಾಂಕ್ ಪುಲಾಂ ದೀವ್ನ್ ಸ್ವಾಗತ್ ಕೆಲೊ.
ಸಯ್ರೆಂ ಜಾವ್ನ್ ವಿಗಾರ್ ಮಾನಾಧಿಕ್ ಬಾಪ್ ವಿಲಿಯಂ ಮಿನೆಜಸ್, ವಸ್ತೆ ವಿಗಾರ್ ಬಾಪ್ ರಾಹುಲ್ ಡಿಸೋಜ, ಧರ್ಮ್ ಭಯ್ಣಿಂ ಸಬೀನಾ ಲೊಬೊ, ಲೂಸಿ ಮಿರಾಂದಾ, ಪ್ರಮಿಳಾ ಅಲ್ಮೇಡಾ,ಫಿ.ಗೊ.ಪ.ಕಾರ್ಯಾದರ್ಶಿ ಢ್ಯಾಪ್ನ್ಯಿ ಲುವಿಸ್, ಆಯೋಗಾಂಚೊ ಸಂಯೋಜಕ್ ಎಲ್ರೊಯ್ ಸಲ್ಡಾನಾ, ಲ್ಹಾನ್ ಕ್ರಿ.ಸ.ಸಂಚಲಾಕ್ ಡೆಕ್ಸ್ಟರ್ ಸಲ್ಡಾನಾ ಹಾಜಾರ್ ಆಸ್ ಲ್ಲಿ. ಖೆಳಾಂತ್ ಜಿಕ್ಲ್ಯಾಂಕ್ ಇನಾಮಾ ವಾಂಟ್ಲಿ. ಭುರ್ಗ್ಯಾಂಚಾ ವರ್ಸಾಕ್ ಸಂಭಂದ್ ಜಾವ್ನ್ ಆಮ್ಚ್ಯಾ ವಾಡ್ಯಾಚಾ ಭುರ್ಗ್ಯಾಂಕ್ ಭಾಷಣ್ ಸ್ಪರ್ಧೊ ಮಾಂಡುನ್ ಹಾಡ್ ಲ್ಲೊ, ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಯಾಂಕ್ ಆನಿ ಭಾಗ್ ಘೆತ್ಲ್ಯಾ ಸರ್ವ್ ಭುರ್ಗ್ಯಾಂಕ್ ಇನಾಮಾ ವಾಂಟ್ಲಿ, ಸಯ್ರ್ಯಾಂನಿ ಆಪ್ಲಿ ಭೊಗ್ಣಾಂ ತಶೆಂಸ್‌ ಸಂದೇಶ್‌  ದಿಲ್ಲ್ಯಾ ಉಪ್ರಾಂತ್, ಆಯಿಲ್ಲ್ಯಾ ಸಯ್ರಾಂಕ್ ಉಗ್ಡಾಸಾಚಿ ಕಾಣಿಕ್ ದಿಲಿ.ಸರ್ವಾಂಚೊ ಉಪ್ಕಾರ್ ಬಾವ್ಡುನ್ ಜಾತಾಚ್ ಜೇವ್ಣಾ ಸವೆಂ ವಾಡ್ಯಾ ಫೆಸ್ತಾಚೊ ಸಂಭ್ರಮ್ ಆಖೇರ್ ಜಾಲೊ.