• ಆಜ್ ಆಮ್ಚ್ಯಾ ಮೊಗಾನ್ ಹಾಂಗಾಸ‌ರ್ ಯೇವ್ನ್ ಆಮ್ಚ್ಯಾ ಭುರ್ಗ್ಯಾಂಕ್ ಕ್ರೀಜ್ಮಾಚೊ ಸಾಕ್ರಾಮೆಂತ್ ದೀವ್ನ್‌ ಆಮ್ಚೆ ಖಾತಿರ್ ಮೀಸ್ ಭೆಟವ್ನ್ ಆಮ್ಚ್ಯೆ ಖಾತಿರ್ ಮಾಗ್ಲೆಲ್ಯಾ ಅ। ಮಾ। ದೊ। ಪೀಟರ್ ಪಾವ್ಲ್ ಸಲ್ಡಾನ್ಹ ಗೊವ್ಳಿ ಬಾಪಾಂನೊ ತುಮ್ಕಾಂ ಫಿರ್ಗಜೆ ತರ್ಫೆನ್ ಆನಿ ಕ್ರೀಜ್ಮ್‌ ಘೆತ್ಲೆಲ್ಲಾ ಭುರ್ಗ್ಯಾ೦ ತರ್ಫೆನ್ ದೇವ್ ಬರೆಂ ಮ್ಹಣ್ತಾಂ ಆನಿ ತುಮ್ಚ್ಯಾ ಮಿಸಾಂವ್ ವಾವ್ರಾಚೆರ್ ಭರ್ಪೂರ್ ಆಶೀರ್ವಾದಾಂ ಮಾಗ್ತಾಂವ್.
• ಆಮ್ಚ್ಯಾ ಫಿರ್ಗಜೆಚ್ಯಾ 62 ಭುರ್ಗ್ಯಾಂನಿ ಕ್ರೀಜ್ಮಾಚೊ ಸಾಕ್ರಾಮೆಂತ್ ಘೆವ್ನ್ ಸೊಮ್ಯಾಚೆ ಸೊಜೆರ್ ಜಾಲ್ಯಾತ್. ಹ್ಯಾ ಭುರ್ಗ್ಯಾಂಕ್ ಅಭಿನಂದನ್ ಪಾಠಯ್ತಾನಾ ತಾಂಕಾಂ ಪಾಟಿಂಬೊ ದಿಂವ್ಚ್ಯಾ ತಾಂಚಾ ವ್ಹಡಿಲಾಂಕ್ ಆನಿ ತಾಂಕಾಂ ಕ್ರೀಜ್ಮಾಚಾ ದೊತೊರ್ನೆ ಮುಖಾಂತ್ರ್ ತಯಾರ್ ಕೆಲ್ಲ್ಯಾ ಧರ್ಮ್‌ಭಯ್ಣಿಂಕ್‌ ಆನಿ ಶಿಕ್ಷಕಿಂಕ್ ಕಾಳ್ಜಾ ಥಾವ್ನ್ ದೇವ್ ಬರೆಂ ಕರುಂ ಮ್ಹಣ್ತಾ.
• ಯೆಂವ್ಚ್ಯಾ ಆಯ್ತಾರಾ ಥಾವ್ನ್ ಪಯ್ಲ್ಯಾ ಕ್ಲಾಸಿ ಥಾವ್ನ್ ಪಿ.ಯು.ಸಿ.ಪರ್ಯಾತ್ಲ್ಯಾ ಭುರ್ಗ್ಯಾಂಕ್ ಕ್ರೀಸ್ತೀ ಶಿಕ್ಷಣಾಚೊ ಕ್ಲಾಸಿ ಆರಂಭ್ ಜಾತಾತ್. ವೇಳ್ ಸಕಾಳಿಂ 8.45 ಥಾವ್ನ್ 9.45 ವೊರಾಂ ಪರ್ಯಾಂತ್. ಭುರ್ಗ್ಯಾಂನಿ ಚುಕಾನಾಸ್ತಾನಾ ದೊತೊರ್ನೆಕ್ ಹಾಜರ್ ಜಾಂವ್ಚ್ಯಾಕ್‌ ಆನಿ ಹಾಚಿ ಜವಾಬ್ದಾರಿ ವ್ಹಡಿಲಾಂನಿ ಘೆಂವ್ಕ್‌ ಉಲೊ ದಿತಾಂ. ದುಸ್ರೆಂ ಮೀಸ್ ಭುರ್ಗ್ಯಾ೦ ಖಾತಿರ್ ದೆಕುನ್ ಭುರ್ಗ್ಯಾಂನಿ ದುಸ್ರ್ಯಾ ಮೀಸಾಕ್‌ ಯೆವ್ಚೆಂ. ಯೆಂವ್ಚ್ಯಾ ಆಯ್ತಾರಾ ದುಸ್ರ್ಯಾ ಮೀಸಾ ವೆಳಾರ್ ಕ್ರೀಸ್ತೀ ಶಿಕ್ಷಣಾಚಾ ವರ್ಸಾಚೊ ಸುರ್ವಾತ್ ಸಂಭ್ರಮ್ ಆಸ್ತಲೊ.
• ಜುಲಾಯ್ 5 ತಾರಿಕೆರ್ ಆಯ್ತಾರಾ ಶಿಕ್ಪಾ ಆಯೋಗಾಚಾ ಆಸ್ರ್ಯಾಖಾಲ್ ಸಕಾಳಿಂ ಮೀಸಾ ಉಪ್ರಾಂತ್ ಸವ್ಯಾ ಕ್ಲಾಸಿಂಚಾ ಭುರ್ಗ್ಯಾಂ ಥಾವ್ನ್ ಪಿ.ಯು.ಸಿ. ಪರ್ಯಾಂತ್ ಭುರ್ಗ್ಯಾಂಕ್ ಸ್ಪರ್ಧಾತ್ಮಕ್ ಪರೀಕ್ಷೆಕ್ ತಯಾರಾಯ್ ಕರ್ಚ್ಯಾಕ್ ಶಿಬಿರ್ ಮಾಂಡುನ್ ಹಾಡ್ಲಾಂ. ಹ್ಯಾ ಶಿಬಿರಾ ವೆಳಾರ್ ಬ್ಯಾಂಕಿಂಗ್ ಪರೀಕ್ಷಾ, ಇನ್ಸುರೆನ್ಸ್, ರೇಲ್ವೇ, ಎನ್.ಎಮ್.ಎಮ್.ಎಸ್. ಸ್ಕೊಲಾರ್‌ಶಿಪ್ ವಿಶ್ಯಾಂತ್‌ ಸಮ್ಜಣಿ ಆನಿ ಇತರ್ ಮಾಹೆತ್ ದೀಂವ್ಕ್ ದಿಯೆಸೆಜಿಚಾ ಪ್ರೇರಣ್ ಪಂಗ್ಡಾ ಥಾವ್ನ್ ಸಂಪನ್ಮೂಳ್ ವ್ಯಕ್ತಿ ಯೆತಾತ್. ಭಾಯ್ಲ್ಯಾ ಗಾಂವ್ಚಿಂ ಕಾಮಾಂ ಬಂದ್ ಜಾವ್ನ್ ಯೆತಾನಾ ಆಮ್ಚ್ಯಾ ಗಾಂವಾಂತ್‌ಚ್ಚ್ ಫಾವೊತಿ ತಯಾರಾಯ್ ಕರ್ನ್ ಬರಿಂ ಕಾಮಾಂ ಆಪ್ನಾವ್ನ್ ಫುಡಾರ್ ಬಾಂದುಂಕ್ ಹೆಂ ಶಿಬಿರ್ ಆಧಾ‌ರ್ ಜಾತೆಲೆಂ. ದೆಕುನ್ ಭುರ್ಗ್ಯಾಂನಿ ಶಿಬಿರಾಂತ್ ಚುಕಾನಾಸ್ತಾನಾ ಹಾಜರ್ ಜಾಂವ್ಚೆಂ. ತಶೆಂಚ್ ಭುರ್ಗ್ಯಾಂಚಾ ವ್ಹಡಿಲಾಂನಿ ವಾಂಟೊ ಘೆಂವ್ಕ್ ಉಲೊ ದಿತಾಂವ್. ಶಿಬಿರಾಕ್ ಹಾಜರ್ ಜಾತೆಲ್ಯಾಂಕ್ ಬ್ರೇಕ್‌ಫಾಸ್ಟಾಚಿ ಮಾಂಡವಳ್ ಕರ್ತಾಂವ್, ಶಿಬಿರಾಂತ್ ವಾಂಟೊ ಘೆತೆಲ್ಯಾಂನಿ ಜೂನಾಚಾ 30 ತಾರಿಕೆ ಭಿತರ್ ಭುರ್ಗ್ಯಾಂಕ್ ದೊತೊರ್ನ್ ಶಿಕಂವ್ಚ್ಯಾ ಶಿಕ್ಷಕಿಲಾಗಿಂ ನಾಂವಾಂ ದೀಂವ್ಕ್ ವಿನಂತಿ.
• ಆಮ್ಚ್ಯಾ ಫಿರ್ಗಜೆಚಾ ಶಿಕ್ಪಾ ಫಂಡಾ ಥಾವ್ನ್ ಪಯ್ಲ್ಯಾ ಕ್ಲಾಸಿ ಥಾವ್ನ್ ಪೋಸ್ಟ್ ಗ್ರಾಡ್ಯುವೇಟ್ ಡಿಗ್ರಿ ಪರ್ಯಾಂತ್ ಶಿಕ್ಚ್ಯಾ ಗರ್ಜೆವಂತ್ ಭುರ್ಗ್ಯಾಂಕ್ ಶಿಕ್ಪಾ ಕುಮೊಕ್ ದಿತಾಂವ್. ಫೋರ್ಮಾ ಫಿರ್ಗಜ್ ಧಪ್ತರಾ ಥಾವ್ನ್ ವರ್ನ್ ಹ್ಯಾ ಮಹಿನ್ಯಾಚಾ ಅಕ್ರೆ ಭಿತರ್ ಭರ್ತಿ ಕರ್ನ್ ಪಾಟಿಂ ದಫ್ತರಾಕ್ ಪಾವೊಂಕ್ ವಿನಂತಿ. ಪಾಂಚ್ವ್ಯಾ ಕ್ಲಾಸಿ ವಯ್ಲ್ಯಾ ಭುರ್ಗ್ಯಾಂನಿ ಫಿರ್ಗಜೆಚ್ಯಾ ಖಂಚಾಯ್ ಎಕಾ ಸಂಘಟನಾಚೆಂ ಸಾಂದೆ ಜಾಂವ್ಚೆ ಆನಿ ವಾಡ್ಯಾ ಜಮಾತೆಕ್ ಹಾಜರ್ ಜಾಂವ್ಚೆಂ ಖಡ್ಡಾಯೆಚೆಂ.
• ಗೆಲೆತ್ಯಾ ಬುದ್ವಾರಾ ಮಾ|ಬಾ| ರಾಹುಲ್ ಡೆಕ್ಸ್ಟರ್ ಸೋಜ್ ಆಮ್ಚ್ಯಾ ಫಿರ್ಗಜೆಕ್ ವಸ್ತೆ ವಿಗಾರ್ ಜಾವ್ನ್ ಆಯ್ಲ್ಯಾತ್, ತಶೆಂಚ್ ಸಿಸ್ಟರ್ ಹೆಲೆನ್ ಮೊರಾಸ್ ಸೈಂಟ್ ಚಾರ್ಲ್ಸ್ ಬೊರೊಮಿಯಾ ಕೊವೆಂತಾಕ್ ಆಯ್ಲ್ಯಾ. ತಾಂಕಾಂ ತುಮ್ಚ್ಯಾ ಸರ್ವಾಂಚ್ಯಾ ನಾಂವಿಂ ಮೊಗಾಚೊ ಯೆವ್ಕಾರ್ ಮಾಗ್ತಾನಾ ತಾಂಚೆಂ ಮಿಸಾಂವ್ ವಾವ್ರ್ ಹ್ಯಾ ಫಿರ್ಗಜೆಂತ್ ಫಳಾಭರಿತ್ ಜಾಂವ್ ಮ್ಹಣ್ ಮಾಗ್ಯಾಂ.
• ಕ್ರಿಜ್ಮಾಚೊ ಸಾಕ್ರಾಮೆಂತ್ ಫೆತ್‌ಲ್ಲ್ಯಾ ಭುರ್ಗ್ಯಾಂಚಾ ಮಾನಾಕ್ ಜೆ.ಎಮ್.ಜೆ. ಕೆಟರಿಂಗಾಚೊ ಮ್ಹಾಲಕ್ ಮಾನೇಸ್ತ್ ಮೈಕಲ್ ಬ್ರ್ಯಾಗ್ಸ್ ಆನಿ ಕುಟ್ಮಾಚಾಂನಿ ಸರ್ವಾಂಕ್ ಬ್ರೇಕ್ ಫಾಸ್ಟಾಚಿ ಮಾಂಡವಳ್ ಕೆಲ್ಯಾ. ತಾಂಚಾ ಉದಾರ್ ಮನಾಕ್ ಕಾಳ್ಜಾಂ ಥಾವ್ನ್ ದೇವ್ ಬರೆಂ ಕರುಂ ಆನಿ ದೆವಾಚಿ ಆಶೀರ್ವಾದಾಂ ಮಾಗ್ತಾಂವ್.

20/06/2026- ಸನ್ವಾರಾ ಸಾಂಜೆರ್‌ 4:30-ಸ್ತ್ರೀ ಸಂಘಟನ್
21/06/2026-ಆಯ್ತಾರಾ ಸಾಕಾಳಿಂ 7:30- ಪಡು-ಮರಿಯೆಚೆಂ ಖತಾವಿಣ್‌ ಕಾಳ್ಜಾ ವಾಡೊ.ವಾಡ್ಯಾ ಫೆಸ್ತಾಚಿ ಲಿತುರ್ಜಿ.
21/06/2026-ಆಯ್ತಾರಾ ಸಾಕಾಳಿಂ 10:00-ಕ್ರೀಸ್ತಾಂವ್‌ ಶಿಕ್ಷಣ್‌ ಉದ್ಘಾಟನ್