• ಆಜ್ ಥಾವ್ನ್ ಪಯ್ಲ್ಯಾ ಕ್ಲಾಸಿ ಥಾವ್ನ್ ಪಿ.ಯು.ಸಿ ಪರ್ಯಾಂತ್ಲ್ಯಾ ಭುರ್ಗ್ಯಾಂಕ್ ಕ್ರೀಸ್ತೀ ಶಿಕ್ಷಣಾಚೊ ಕ್ಲಾಸಿ ಆರಂಭ್ ಜಾತಾತ್. ದೆಕುನ್ ಭುರ್ಗ್ಯಾಂನಿ ಚುಕಾನಾಸ್ತಾನಾ ದೊತೊರ್ನೆಕ್ ಹಾಜರ್ ಜಾಂವ್ಚೆಂ ಆನಿ ಭುರ್ಗ್ಯಾಂನಿ ದುಸ್ರ್ಯಾ ಮಿಸಾಕ್‌ ಯೆಂವ್ಚೆಂ. ಆಜ್ ದುಸ್ರ್ಯಾ ಮೀಸಾ ವೆಳಾರ್ ಕ್ರೀಸ್ತಿ ಶಿಕ್ಷಣ್ ವರ್ಸಾಚೆಂ ಉದ್ಘಾಟನ್ ಆಸ್ತೆಲೆಂ. ಸಕ್ಕಡ್ ಭುರ್ಗ್ಯಾಂನಿ ವಾಂಟೊ ಫೆಂವ್ಕ್ ಉಲೊ ದಿತಾ.
• ಭುರ್ಗ್ಯಾಂಚಾ ವರ್ಸಾಕ್ ಸರಿ ಜಾವ್ನ್ ಗೆಲೆತ್ಯಾ ವರ್ಸಾ ಜುಲಾಯ್ ಮಹಿನ್ಯಾಂತ್ ಹೈಸ್ಕೂಲ್ ಭುರ್ಗ್ಯಾಂಕ್ ಪೆರಾಂಚಿ ಝಡಾಂ ದಿಲ್ಲಿ. ತಾಂಚಿ ವಾಡಾವಳ್ ಕಿತ್ಲಿ ಜಾಲ್ಯಾ ಮ್ಹಣ್ ಯೆತಾತ್ಯಾ ಆಯ್ತಾರಾ ಭಿತರ್ ಭುರ್ಗ್ಯಾಂನಿ ಫೋಟೊ ಕಾಡ್ನ್ ಭುರ್ಗ್ಯಾಂಚಾ ವಿಳಾಸ ಬರಾಬರ್ ಮೊಬೈಲ್ ನಂಬರ್ ಬರವ್ನ್ ಕ್ರಿಸ್ತಾಂವ್ ಶಿಕ್ಷಣ್ ಶಿಕಂವ್ಚ್ಯಾ ಕ್ಲಾಸ್ ಟಿಚೇರಿಕ್ ದಿಂವ್ಚಿಂ. ಝಡಾಂ ಬರ್ಯಾ ರಿತಿನ್ ಪೊಸ್ಲೆಲ್ಯಾ ಭುರ್ಗ್ಯಾಂಕ್ ಬಹುಮಾನಾ ದಿತೆಲ್ಯಾಂವ್.
• ಗೆಲೆತ್ಯಾ ಆಯ್ತಾರಾ ತೇವ್ ವಾಡ್ಯಾಚೊ ದೀಸ್ ಅರ್ಥಾಭರಿತ್ ರಿತಿನ್ ಆಚರಣ್ ಕೆಲಾ. ವಾಡ್ಯಾಚಾ ಹರೇಕಾ ಭುರ್ಗ್ಯಾನ್ ವಾಂಟೊ ಘೆಂವ್ಚ್ಯಾಕ್ ವಿಶೇಸ್ ಮ್ಹಿನತ್ ಘೆತ್ಲ್ಯಾ ಆನಿ ತಾಂಕಾಂ ತರ್ಭೆತಿ ದೀವ್ನ್ ಕಾರ್ಯಕ್ರಮಾಂತ್ ಅಪುರ್ಬಾಯೆನ್ ತಾಣಿಂ ವಾಂಟೊ ಘೆತ್ಲಾ. ವಾಡ್ಯಾಚಾ ಗುರ್ಕಾರ್ನಿಕ್, ವಾಡ್ಯಾ ಪ್ರತಿನಿಧಿಂಕ್ ಆನಿ ವಾಡ್ಯಾಗಾರಾಂಕ್ ಅಭಿನಂದನ್ ಪಾಠಯ್ತಾ. ಆನಿ ದೆವಾಚಿ ಆಶೀರ್ವಾದಾಂ ಮಾಗ್ತಾಂ.
• ಒಮ್ಜೂರ್ ಫಿರ್ಗಜೆಚಾ ಐ.ಸಿ.ವೈ.ಎಮ್ ಸಂಘಟನಾಕ್ ಅದ್ಲ್ಯಾ ವರ್ಸಾ ಕೆಲ್ಲ್ಯಾ ವಾವ್ರಾಖಾತಿರ್ ದಿಯೆಸೆಜಿ ಮಟ್ಟಾರ್ ಗೊನ್ಸಾಲೊ ಗ್ರಾಸಿಯಾ ಟ್ರೋಫಿ ಲಾಭ್ಲ್ಯಾ. ಆಮ್ಚ್ಯಾ ಯುವಜಣಾಂಕ್ ಆಮಿ ಉಲ್ಲಾಸಿತಾಂವ್ ಆನಿ ತಾಂಚ್ಯಾ ಮುಖ್ಲ್ಯಾ ವಾವ್ರಾಕ್ ದೆವಾಚಿಂ ಆಶೀರ್ವಾದಾಂ ಮಾಗ್ತಾಂವ್.
• ಜುಲಾಯ್ 5 ತಾರಿಕೆರ್ ಆಯ್ತಾರಾ ಶಿಕ್ಪಾ ಆಯೋಗಾಚಾ ಆಸ್ರ್ಯಾಖಾಲ್ ಸಕಾಳಿಂ ಮೀಸಾ ಉಪ್ರಾಂತ್ ಸವ್ಯಾ ಕ್ಲಾಸಿಂಚಾ ಭುರ್ಗ್ಯಾಂ ಥಾವ್ನ್ ಪಿಯುಸಿ ಪರ್ಯಾಂತ್‌ ಭುರ್ಗ್ಯಾಂಕ್ ಸ್ಪರ್ಧಾತ್ಮಕ್ ಪರೀಕ್ಷೆಕ್ ತಯಾರಾಯ್ ಕರ್ಚ್ಯಾಕ್ ಶಿಬಿರ್ ಮಾಂಡುನ್ ಹಾಡ್ಲಾಂ. ಹ್ಯಾ ಶಿಬಿರಾ ವೆಳಾರ್ ಬ್ಯಾಂಕಿಂಗ್ ಪರೀಕ್ಷಾ, ಇನ್ಸುರೆನ್ಸ್, ರೇಲ್ವೇ, ಎನ್.ಎಮ್.ಎಮ್.ಎಸ್. ಸ್ಕೊಲಾರ್‌ಶಿಪ್ ವಿಶ್ಯಾಂತ್ ಸಮ್ಜಣಿ ಆನಿ ಇತರ್ ಮಾಹೆತ್ ದೀಂವ್ಕ್ ದಿಯೆಸೆಜಿಚಾ ಪ್ರೇರಣ್ ಪಂಗ್ಡಾ ಥಾವ್ನ್ ಸಂಪನ್ಮೂಳ್ ವ್ಯಕ್ತಿ ಯೆತಾತ್. ಭಾಯ್ಲ್ಯಾ ಗಾಂವ್ಚಿಂ ಕಾಮಾಂ ಬಂದ್ ಜಾವ್ನ್ ಯೆತಾನಾ ಆಮ್ಚ್ಯಾ ಗಾಂವಾಂತ್‌ ಫಾವೊತಿ ತಯಾರಾಯ್ ಕರ್ನ್ ಬರಿಂ ಕಾಮಾಂ ಆಪ್ಣಾವ್ನ್ ಫುಡಾರ್ ಬಾಂದುಂಕ್ ಹೆಂ ಶಿಬಿರ್ ಆಧಾ‌ರ್ ಜಾತೆಲೆಂ. ದೆಕುನ್ ಭುರ್ಗ್ಯಾಂನಿ ಶಿಬಿರಾಂಕ್ ಚುಕಾನಾಸ್ತಾನಾ ಹಾಜರ್ ಜಾಂವ್ಚೆಂ. ತಶೆಂಚ್ ಭುರ್ಗ್ಯಾಂಚಾ ವ್ಹಡಿಲಾಂನಿ ವಾಂಟೊ‌ ಘೆಂವ್ಕ್ ಉಲೊ ದಿತಾಂವ್. ಶಿಬಿರಾಕ್ ಹಾಜರ್ ಜಾತೆಲ್ಯಾಂಕ್ ಬ್ರೇಕ್‌ಫಾಸ್ಟಾಚಿ ಮಾಂಡವಳ್ ಕರ್ತಾಂವ್, ಶಿಬಿರಾಂತ್ ವಾಂಟೊ ಘೆತೆಲ್ಯಾಂನಿ ಜೂನಾಚಾ 30 ತಾರಿಕೆ ಭಿತರ್ ಭುರ್ಗ್ಯಾಂಕ್ ದೊತೊರ್ನ್ ಶಿಕಂವ್ಚ್ಯಾ ಶಿಕ್ಷಕಿಲಾಗಿಂ ನಾಂವಾಂ ದೀಂವ್ಕ್ ವಿನಂತಿ.
• ಯೆತಾತ್ಯಾ ಆಯ್ತಾರಾ ಸಕಾಳಿಂ ಮೀಸಾ ಉಪ್ರಾಂತ್ ಫಿರ್ಗಜ್ ಮಿನಿ ಹೊಲಾಂತ್ ಲ್ಹಾನ್ ಕ್ರಿಸ್ತಾಂವ್ ಸಮಿತಿಚೆಂ ಕೋರ್ ಗ್ರೂಪ್ ಮೀಟಿಂಗ್ ಮ್ಹಳ್ಯಾರ್ ಗುರ್ಕಾರ್, ಪ್ರತಿನಿಧಿ ಆನಿ ವಾಡ್ಯಾ ಸಮಿತಿಚೆಂ ಮೀಟಿಂಗ್ ಆಸಾ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾನಾ ಹಾಜರ್ ಜಾಂವ್ಕ್ ವಿನಂತಿ.
• ಮತದಾ‌ರ್ ಪಟ್ಟೆಂತ್ ಪರಿಷ್ಕರಣ್ (S.I.R) ಜೂನ್ 20 ತಾರಿಕೆರ್ ಆರಂಭ್ ಜಾಲಾ. ಕೊಣೆಂ ಮತ್‌ಪಟ್ಟಿ ಪರಿಷ್ಕರಣ್‌ ಕರುಂಕ್‌ ನಾ ತಾಂಕಾಂ ಮೆಳ್ಚ್ಯೊ ಸರ್ವ್‌ ಸವ್ಲತ್ಯೊ ರದ್ದ್ ಜಾತೆಲ್ಯೊ, ದೆಕುನ್ ಹ್ಯಾ ವಿಶಿಂ ಚಡಿತ್ ಮಾಹೆತ್ ಜಾಯ್ ತರ್ ಫಿರ್ಗಜ್ ಉಪಾಧ್ಯಕ್ಷಾಕ್ ಸಂಪರ್ಕ್ ಕರ್ಚೊ.
• ಪಾಟ್ಲ್ಯಾ ಥೊಡ್ಯಾ ವರ್ಸಾ ಥಾವ್ನ್ ಪವಿತ್ರ್ ಎವ್ಕರಿಸ್ತಾಚೊ ವಿಶೇಸ್ ಮಣಿಯಾರಿ ಜಾವ್ನ್ ಸೆವಾ ದೀವ್ನ್ ನಿವೃತ್ತ್ ಜಾಂವ್ಚ್ಯಾ ಕಂಪಾ ವಾಡ್ಯಾಚಚಾ ಜೊಸ್ಸಿ ಪಿಂಟೊಕ್ ಕಾಳ್ಜಾ ಥಾವ್ನ್ ದೇವ್ ಬರೆಂ ಕರುಂ ಮ್ಹಣ್ತಾನಾ ಎವ್ಕಾರಿಸ್ತಾಚೊ ವಿಶೇಸ್ ಮಣಿಯಾರಿ ಜಾವ್ನ್ ನೇಮಕ್ ಜಾಲ್ಲ್ಯಾ ಧರ್ಮ್‌ಭಯ್ಣ್ ಹೆಲೆನ್ ಮೊರಾಸಾಕ್ ಮೊಗಾಚೊ ಎವ್ಕಾರ್.

27/06/2026- ಸನ್ವಾರಾ ಸಾಂಜೆರ್‌ 4:30-ಮಯ್ಯಾಡಿ ಪಯ್ಲೊ-ಸಾಂ. ಜುಜೆ ವಾಡೊ
28/06/2026-ಆಯ್ತಾರಾ ಸಾಕಾಳಿಂ 7:30-ಕಂಪ-ನಿತ್ಯಾಧರ್ ಸಾಯ್ಬಿಣ್‌ ವಾಡೊ‌, ವಾಡ್ಯಾ ಫೆಸ್ತಾಚಿ ಲಿತುರ್ಜಿ
28/06/2026-ಆಯ್ತಾರಾ ಸಾಕಾಳಿಂ 10:00-ವೈ.ಸಿ.ಎಸ್

ಯೆತಾತ್ಯಾ ಬುದ್ವಾರಾ ಜೂನಾಚಾ 24 ತಾರಿಕೆರ್ ಸಾಂತ್ ಜುವಾಂವ್ ಬಾಪ್ತಿಸ್ತಾಚಾ ಜಲ್ಮಾಚೆಂ ಫೆಸ್ತ್.