• ಆಜ್ ಜೆಜುಚಾ ಕುಡಿ ರಗ್ತಾಚೆಂ ಫೆಸ್ತ್ . ಎವ್ಕರಿಸ್ತಾ ಮುಖಾಂತ್ರ್ ಆಮ್ಚ್ಯಾ ಕಾಳ್ಜಾಂತ್ ಯೆಂವ್ಚೊ ಜೆಜು ಕ್ರೀಸ್ತ್‌ ಆಮ್ಕಾಂ ರಾಕೊಂದಿ ಆನಿ ಆಶೀರ್ವಾದಾಂನಿ ಭರೊಂದಿ ಮ್ಹಣ್ ಮಾಗ್ತಾಂವ್.
• ಆಜ್ ಆಯ್ತಾರಾ ಪಯ್ಲ್ಯಾ ಮೀಸಾ ಉಪ್ರಾಂತ್ ಕ್ರೀಜ್ಮಾಚೊ ಸಾಕ್ರಾಮೆಂತ್ ಘೆಂವ್ಕ್‌ ತಯಾರ್ ಕರ್ಚ್ಯಾ ಭುರ್ಗ್ಯಾಂಕ್ ಕ್ರೀಜ್ಮಾಚಾ ದೊತೊರ್ನೆಚಿ ಪರೀಕ್ಷಾ ಆಸಾ. ಭುರ್ಗ್ಯಾಂನಿ ಚುಕಾನಾಸ್ತಾನಾ ದೊತೊರ್ನೆಚಾ ಪರೀಕ್ಷೆಕ್ ಹಾಜರ್ ಜಾಂವ್ಚೆಂ. ಹ್ಯಾ ಹಪ್ತ್ಯಾಂತ್ ಸೊಮಾರಾ ಥಾವ್ನ್ ಸುಕ್ರಾರಾ ಪರ್ಯಾ೦ತ್ ಕ್ರೀಜ್ಮಾಚಾ ಭುರ್ಗ್ಯಾಂಕ್ ಸಾಂಜೆರ್ 5.30 ವೊರಾಂ ಥಾವ್ನ್ 6.30 ವೊರಾಂ ಪರ್ಯಾಂತ್‌ ದೊತೊರ್ನ್, ಕುಮ್ಸಾರಾಂ, ಕಂತಾರಾಂ, ವಾಚ್ಪಾಚಿ ತಯಾರಾಯ್ ಆನಿ ಕ್ರೀಜ್ಮ್ ಘೆಂವ್ಕ್ ತಯಾರಾಯ್ ಕರುಂಕ್ ಆಸಾ. ಭುರ್ಗ್ಯಾಂನಿ ಚುಕಾನಾಸ್ತಾನಾ ದೊತೊರ್ನೆಕ್ ಹಾಜರ್ ಜಾಂವ್ಚೆಂ.
• ಆಯ್ತಾರಾ ಆಮ್ಚ್ಯೆ ಫಿರ್ಗಜೆಚ್ಯಾ 62 ಭುರ್ಗ್ಯಾಂಕ್ ಭಿಸ್ಪ್ ಸಾಯ್ಬ್ ಕ್ರೀಜ್ಮಾಚೊ ಸಾಕ್ರಾಮೆಂತ್ ದಿತಲೊ. ತ್ಯಾ ಆಯ್ತಾರಾ ಸಕಾಳಿಂ 7.30 ವೊರಾಂ ಥಾವ್ನ್ ಭುರ್ಗ್ಯಾಂಕ್ ದೊತೊರ್ನ್ ಆನಿ 8.00 ವೊರಾರ್ ಮೀಸಾ ಬಲಿದಾನ್ ಆನಿ ಏಕ್‌ಚ್ ಮೀಸ್. ಕ್ರೀಜ್ಮಾಚಾ ಭುರ್ಗ್ಯಾಂನಿ ಸಕಾಳಿಂ 7.20 ಮಿನುಟಾಂ ಭಿತರ್ ಇಗರ್ಜೆಂತ್ ಆಸ್ಚೆಂ. ಭುರ್ಗ್ಯಾಂ ಲಾಗಿಂ ಏಕೇಕ್ envelop/ ಕವರ್ ದಿತೆಲ್ಯಾಂವ್ ತಾಂತುಂ ಭುರ್ಗ್ಯಾಂನಿ ದಿಂವ್ಚಿಂ ಕಾಣಿಕ್ ಸೆಮಿನರಿಸ್ತಾಂಚಾ ತರ್ಭೆತೆಕ್ ದಿಯೆಸೆಜಿಕ್ ಧಾಡ್ನ್ ದಿತೆಲ್ಯಾಂವ್. ಮೀಸಾವೆಳಾರ್ ಕ್ರೀಜ್ಮ್‌ ಮ್ಹೆಳ್ಚ್ಯಾ‌ ಭುರ್ಗ್ಯಾಂಚಾ ವ್ಹಡಿಲಾಂನಿ ಕಾಣಿಕ್ ಹಾಡುಂಕ್ ವಿನಂತಿ. ಮೀಸಾ ಉಪ್ರಾಂತ್ ಸರ್ವಾಂಕ್ ಬ್ರೇಕ್‌ ಫಾಸ್ಟ್ ಆಸ್ತಲೊ. ದೆಕುನ್ ವ್ಹಡಾ ಸಂಖ್ಯಾನ್ ಕ್ರೀಜ್ಮಾಚಾ ಮಿಸಾ ಬಲಿದಾನಾಂತ್ ವಾಂಟೊ ಘೆವ್ನ್ ಭುರ್ಗ್ಯಾ೦ ಖಾತಿ‌ರ್ ಮಾಗೊಂಕ್ ಉಲೊ ದಿತಾಂ.
• ಜೂನ್ ಮಹಿನ್ಯಾ ಥಾವ್ನ್ ಆಮ್ಚ್ಯೆ, ಇಗರ್ಜೆ ಧಪ್ತರ್ ಸಕಾಳಿಂ 8.30 ವೊರಾಂ ಥಾವ್ನ್ 1.00 ವೊರಾಂ ಪರ್ಯಾಂತ್‌ ಆನಿ ದನ್ಪರಾ 1.30 ವೊರಾಂ ಥಾವ್ನ್ 4.00 ವೊರಾಂ ಪರ್ಯಾಂತ್, ಆಯ್ತಾರಾ ದನ್ಪರಾ 12.00 ಪರ್ಯಾಂತ್‌ ಉಗ್ತೆಂ ಆಸ್ತೆಲೆಂ. ಮಂಗ್ಳಾರಾ ಹಾಪ್ತ್ಯಾಚಿ ರಜಾ, ಹೆಂ ತುಮ್ಚ್ಯಾ ಗಮಾನಾಕ್. ತುಮ್ಚ್ಯಾ ಗರ್ಜಾಂಕ್ ಹೊ ಆವ್ಕಾಸ್ ಉಪಯೋಗ್ ಕರುಂಕ್ ವಿನಂತಿ.
• ಮಂಗ್ಳಾರಾ 9 ತಾರಿಕೆರ್ ಬಾಪ್ ವಿಕ್ಟರ್ ಉರ್ವಾ ಫಿರ್ಗಜೆಕ್ ವೆತಾ ಆನಿ ಬುದ್ವಾರಾ 10 ತಾರಿಕೆರ್ ಬಾಪ್ ರಾಹುಲ್ ಆಮ್ಚೆ ಫಿರ್ಗಜೆಕ್ ವಸ್ತೆ ಯಾಜಕ್ ಜಾವ್ನ್ ಯೆತಾ. ಬಾಪ್ ವಿಕ್ಟರಾಚಾ ಸೆವೆಕ್ ದೇವ್ ಬರೆಂ ಕರುಂ ಮ್ಹಣ್ತಾನಾ ಬಾಪ್ ರಾಹುಲಾಕ್ ಮೊಗಾಚೊ ಯೆವ್ಕಾರ್ ಮಾಗ್ತಾಂವ್. ಬಾಪ್ ವಿಕ್ಟರಾಕ್ ಪಾಂವ್ಕ್ ಯೆತೆಲ್ಯಾಂನಿ ಮಂಗ್ಳಾರಾ 3.15 ವೊರಾಂ ಭಿತರ್ ಹಾಂಗಾ ಯೆಂವ್ಚೆಂ. ತಶೆಂಚ್ ಬುದ್ವಾರಾ ಸಾಂಜೆರ್ 4.30 ವೊರಾರ್ ಬಾಪ್ ರಾಹುಲ್ ಹಾಂಗಾಸರ್ ಯೆತಲೊ. ತಾಕಾ ಸ್ವಾಗತ್ ಕರುಂಕ್ ವ್ಹಡಾ ಸಂಖ್ಯಾನ್ ಹಾಜಾರ್ ಜಾಂವ್ಕ್ ವಿನಂತಿ.

13/06/2026- ಸನ್ವಾರಾ ಸಾಂಜೆರ್‌ 4:30-ಮೇರಮಜಲ್ ಪಯ್ಲೊ ಭಾಗೆವಂತ್‌ ಕುಟ್ಮಾ ವಾಡೊ
14/06/2026-ಆಯ್ತಾರಾ ಸಾಕಾಳಿಂ 8:00- ಕ್ರೀಜ್ಮಾಚಾ ಭುರ್ಗ್ಯಾಂಕ್

ಯೆತಾತ್ಯಾ ಸುಕ್ರಾರಾ 12 ತಾರಿಕೆರ್ ಜೆಜುಚಾ ಪವಿತ್ರ್ ಕಾಳ್ಜಾಚೆಂ ಫೆಸ್ತ್ . ಯೆತಾತ್ಯಾ ಸನ್ವಾರಾ 13 ತಾರಿಕೆರ್ ಮರಿಯೆಚಾ ಖತಾವಿಣ್ ಕಾಳ್ಜಾಚೆಂ ಫೆಸ್ತ್ ಆನಿ ಪಾದ್ವಾಚಾ ಸಾಂತ್ ಆಂತೊನಿಚೆಂ ಫೆಸ್ತ್.