• ಆಮಿ ಆಜ್ ಸೊಮ್ಯಾ ಜೆಜುಚಾ ಸ್ವರ್ಗರೋಹಣಾಚೆಂ ಫೆಸ್ತ್‌ ಸಂಭ್ರಮ್ತಾಂವ್. ತೊಚ್ ಜೆಜು ತುಮ್ಚೆರ್ ಆನಿ ತುಮ್ಚ್ಯಾ ಕುಟ್ಮಾಂಚೆರ್ ಧಾರಾಳ್ ಆಶೀರ್ವಾದಾಂ ವೊತುಂದಿ ಮ್ಹಣ್ ಮಾಗ್ತಾಂ.
• ಯೆತಾತ್ಯಾ ಆಯ್ತಾರಾ ಪೆಂತೆಕೊಸ್ತಾಚೆಂ ಮ್ಹಣ್ಜೆ ಪವಿತ್ರ್ ಅತ್ಮ್ಯಾಚೆಂ ಫೆಸ್ತ್ ಸಂಭ್ರಮ್ತಾಂವ್. ಫೆಸ್ತಾಕ್ ತಯಾರಾಯ್ ಜಾವ್ನ್ ಸೊಮಾರಾ ಥಾವ್ನ್ ಸನ್ವಾರಾ ಪರ್ಯಾಂತ್ ಮಿಸಾ ಉಪ್ರಾಂತ್ ನೊವೆನ್ ಆಸ್ತೆಲೆಂ. ವ್ಹಡಾ ಸಂಖ್ಯಾನ್ ಮೀಸಾ ಸಂಭ್ರಮಾಂತ್ ತಶೆಂ ನೊವೆನಾಕ್ ಹಾಜರ್ ಜಾಂವ್ಕ್ ವಿನಂತಿ.
• ಯೆತಾತ್ಯಾ ಸುಕ್ರಾರಾ ಮೇಯಾಚಾ 22 ತಾರಿಕೆರ್ ಸಾಂಜೆರ್ 6.00 ವೊರಾಂ ಥಾವ್ನ್ 8.00 ವೊರಾಂ ಪರ್ಯಾಂತ್ ಆಮ್ಚೆ ಇಗರ್ಜೆಂತ್ ಪೆಂತೆಕೊಸ್ತಾಚಿ ಸಾಂಜ್ ಜಾವ್ನ್ ಸಂಭ್ರಮ್ತಾಂವ್. ಹ್ಯಾ ವೆಳಾ‌ರ್ ಗಾಯಾನಾಂ, ಆರಾಧನ್, ನಿಯಾಳ್, ಮೀಸ್ ಆನಿ ಭಕ್ತಿವಂತಾಚಾ ತಕ್ಲೆರ್ ಹಾತ್ ದವರ್ನ್ ಮಾಗ್ಣೆಂ ಆಸ್ತೆಲೆಂ. ಸೊಮ್ಯಾಚಾ ಪವಿತ್ರ್ ಅತ್ಮ್ಯಾಚಿಂ ವಿಶೇಸ್ ದೆಣಿಂ ಮಾಗೊಂಕ್ ವ್ಹಡಾ ಸಂಖ್ಯಾನ್ ತುಮಿ ಹಾಜರ್ ಜಾಂವ್ಕ್ ವಿನಂತಿ.
• ಗೆಲೆತ್ಯಾ ಆಯ್ತಾರಾ ಕಾಫಿಕಾಡ್ ಫಾತಿಮಾ ಸಾಯ್ದಿಣ್ ವಾಡ್ಯಾಚೆಂ ವಾಡ್ಯಾ ಫೆಸ್ತ್ ಆಸ್ಲಲೆಂ. ಹ್ಯಾ ಸಂಭ್ರಮಾಕ್ ಸಕ್ಕಡ್ ಭುರ್ಗ್ಯಾಂನಿ ವಾಂಟೊ ಘೆತ್‌ಲ್ಲೊ . ಕಾರಾಣ್ ಭುರ್ಗ್ಯಾಂಕ್ ವಿವಿಧ ಖೆಳ್ ಮಾಂಡುನ್ ಹಾಡ್ಲೆಲೆ. ಹ್ಯಾ ಭುರ್ಗ್ಯಾಂಚ್ಯಾ ವರ್ಸಾ ಸಂದರ್ಭಿ ಹರ್ಯೇಕಾ ವಾಡ್ಯಾಂನಿ ಭುರ್ಗ್ಯಾ೦ ಖಾತಿರ್ ಕಾರ್ಯೆ೦ ಮಾಂಡುನ್ ಹಾಡ್ಲಿಂ ತರ್ ಭುರ್ಗಿಂ ಸಂತೊಸಾನ್ ವಾಡ್ಯಾ ಜಮಾತೆಂತ್ ವಾಂಟೊ ಘತಲಿಂ. ಕಾರ್ಯೆಂ ಚಲೊನ್ ವ್ಹೆಲ್ಲ್ಯಾ ಕಾಪಿಕಾಡ್ ವಾಡ್ಯಾಚಾ ಗುರ್ಕಾರ್ನಿಕ್ ಆನಿ ವಾಡ್ಯಾ ಪ್ರತಿನಿಧಿಂಕ್ ಆನಿ ವಾಡ್ಯಾಗಾರಾಂಕ್ ಆಮ್ಚೆಂ ಅಭಿನಂದನ್.
• ಯೆತಾತ್ಯಾ ಆಯ್ತಾರಾ ದೋಸ್ತಿ ಕಲಾಕಾರ್ ಫೆರ್ಮಾಯ್ ಹಾಂಚೆಂ ದಶಮಾನೋತ್ಸವ್ ಕಾರ್ಯೆ೦ ಆಚರಣ್ ಕರ್ತಾತ್. ಸಕಾಳಿಂ 10.00 ವೊರಾರ್ ಮೀಸಾ ಸಂಭ್ರಮ್ ಆಮ್ಚೆ ಇಗರ್ಜೆಂತ್ ತಶೆಂಚ್ ಸಾಂಜೆರ್ 6.30 ವೊರಾರ್ ಸಾಂಸ್ಕೃತಿಕ್ ಕಾರ್ಯೆಂ ಆಮ್ಚ್ಯಾ ಇಸ್ಕೊಲ್ ಮೈದಾನಾರ್ ಉಪ್ರಾಂತ್ ಜೆವ್ಣಾ ಸಂಭ್ರಮ್ ಆಸಾ. ತುಮಿ ವ್ಹಡಾ ಸಂಖ್ಯಾನ್ ಹಾಜರ್ ಜಾಂವ್ಕ್ ಕಾರ್ಯಾಚಾ ಮುಖೆಲ್ಯಾಂನಿ ವಿನಂತಿ ಕೆಲ್ಯಾ.
• ಎದೊಳ್ ತಿಳ್ಸಿಲ್ಲೆಬರಿಂ ಜೂನ್ ಮಹಿನ್ಯಾಚಾ 14 ತಾರಿಕೆರ್ ಆಯ್ತಾರಾ ಸಕಾಳಿಂಚಾ ಮಿಸಾಚೆರ್ ಭುರ್ಗ್ಯಾಂಕ್ ಭಿಸ್ಪ್ ಸಾಯ್ಬ್ ಕ್ರೀಜ್ಮಾಚೊ ಸಾಕ್ರಾಮೆಂತ್ ದಿತಲೊ. ಮೀಸಾ ಪಯ್ಲೆಂ ಸುಮಾರ್ ಅರ್ಧೊ ಘಂಟೊ ಹರ್ಯೇಕಾ ಭುರ್ಗ್ಯಾಕ್ ಕ್ರೀಜ್ಮಾಚಾ ದೊತೊರ್ನೆ ವಿಶ್ಯಾಂತ್ ಸವಲಾಂ ವಿಚಾರ್ತಲೊ. ಥೊಡ್ಯಾ ಭುರ್ಗ್ಯಾಂಕ್ ದೊತೊರ್ನ್ ಸಾರ್ಕಿ ಕಳಿತ್ ನಾ. ಭುರ್ಗ್ಯಾಂಕ್ ಕ್ರೀಜ್ಮಾಚಾ ಸಾಕ್ರಾಮೆಂತಾ ವಿಶಿಂ ಸವಲಾಂ ಜಾಪಿ ಬರೊವ್ನ್ ದಿಲ್ಯಾತ್. ಮುಖ್ಲ್ಯಾ ಆಯ್ತಾರಾಂನಿ ಬರೆಂ ಕರ್ನ್ ವಾಚುನ್ ಯೇಂವ್ಕ್ ಭುರ್ಗ್ಯಾಂಕ್ ಉಲೊ ದಿತಾಂ. ವ್ಹಡಿಲಾಂನಿ ಹ್ಯಾ ವಿಶಿಂ ಭುರ್ಗ್ಯಾಂಕ್ ಚತ್ರಾಯ್ ಸಾಂಗ್ಚಿಂ.
• ನಂತರ್‌ತೋಟ ಸಾಂತ್ ಜೋಕಿಮ್ ವಾಡ್ಯಾಚೊ ಕ್ಲಿಫರ್ಡ್ ಆಂಟೋನಿ ಸಲ್ಡಾನ್ಹಾ ಗೆಲೆತ್ಯಾ ಹಪ್ತ್ಯಾಂತ್ ದೆವಾಧೀನ್ ಜಾಲಾ. ತಶೆಂಚ್ ತೇವ್ ಕಾಡ್ ವೆಲಂಕಣಿ ಸಾಯ್ಬಿಣ್ ವಾಡ್ಯಾಚಿ ಝೀಟಾ ಫೆರ್ನಾಂಡಿಸ್ ದೆವಾಧೀನ್ ಜಾಲ್ಯಾ.ತಾಂಚ್ಯಾ ಅತ್ಮ್ಯಾಕ್ ಆಮಿ ಶಾಂತಿ ಮಾಗ್ತಾಂವ್ ಆನಿ ದುಖೇಸ್ತ್ ಕುಟ್ಮಾಕ್ ಭುಜಯ್ತಾಂವ್.
• ನವ್ಯಾ ಮೀಸಾಚಾ ಸಂಭ್ರಮ್ಣೆಚಿ ಮಾಂಡವಳ್ ಜೂನ್ ಮಹಿನ್ಯಾಚಾ ಪಯ್ಲ್ಯಾ ಆಯ್ತಾರಾ ಥಾವ್ನ್ ಆರಂಭ್‌ ಜಾತಾ.

23/05/2026- ಸನ್ವಾರಾ ಸಾಂಜೆರ್‌ 4:30-ತೇವ್-ಕಾಡ್ -ವೆಲಂಕಣಿ ಸಾಯ್ಬಿಣ್‌ ವಾಡೊ
24/05/2026-ಆಯ್ತಾರಾ ಸಾಕಾಳಿಂ 7:30-ಕೊಡ್ಮಾಣ್-ಲೂರ್ಡ್ಸ್‌ ಸಾಯ್ಬಿಣ್‌ ವಾಡೊ