ಕಾಪಿಕಾಡ್ ಫಾತಿಮಾ ಸಾಯ್ಬಿಣಿಕ್ ಸಮರ್ಪಿಲ್ಲ್ಯಾ ಆಮ್ಚ್ಯಾ ವಾಡ್ಯಾಚ್ಯಾ ಫೆಸ್ತಾಚಿ ಸುರ್ವಾತ್ 10-05-2025 ಆಯ್ತಾರಾ ಸಕಾಳಿಂ 7:30 ವೊರಾಂಚ್ಯಾ ಮಿಸಾರ್‌ ವಾಡ್ಯಾಚ್ಯಾ ಸಾಂದ್ಯಾಂನಿ ಅರ್ಥಾಭರಿತ್‌ ರಿತಿನ್‌ ಲಿತುರ್ಜಿ ಚಲೊವ್ನ್‌ ವ್ಹರ್ಚೆ ಸವೆಂ ಜಾಲಿ. ಸರ್ವ್‌ ಕುಟ್ಮಾಚ್ಯೆ ಸಾಂದೆ ಹಾಜರ್‌ ಆಸ್‌ಲ್ಲೆ.
ಸಾಂಜೆರ್‌ 5 ವೊರಾರ್‌ ಫೆಸ್ತಾಚೊ ಸಂಭ್ರಮ್‌ ಶ್ರೀಮತಿ ಸಿಸಿಲಿಯಾ ಸಾಂಕ್ತುಸ್ ಹಿಚ್ಯಾ ಘರಾ ಮಾಂಡುನ್ ಹಾಡ್‌ಲ್ಲೊ.
ಹೊ ಸಂಭ್ರಮ್ ದೊಡ್ತೊ ಕರ್ಚೆ ಖಾತಿರ್‌ ವಾಡ್ಯಾಗಾರಾಂಕ್ ಖೆಳ್‌ ಆಸಾ ಕೆಲ್ಲೆ. ಸರ್ವ್‌ ಸಾಂದ್ಯಾಂನಿ ಹಾಂತುಂ ಸಕ್ರೀಯ್‌ ರಿತಿನ್‌ ಭಾಗ್‌ ಘೆತ್ಲೊ. 5:45 ವೊರಾರ್‌ ಮನೋರಂಜನ್‌ ಜಾವ್ನ್‌ ಪದಾಂ, ನಾಚ್‌ ವಾಡ್ಯಾಗಾರಾಂನಿ‌ ಸಾದರ್ ಕೆಲಿಂ. ಸಯ್ರೆ ಜಾವ್ನ್‌ ವಿಗಾರ್‌ ಮಾl ಬಾl ವಿಲಿಯಮ್‌ ಮಿನೇಜಸ್, ಸಚೇತಕಿ‌ ಭಯ್ಣ್ ಲೂಸಿಯಾನ ಫೆರ್ನಾಂಡಿಸ್, ಉಪಾಧ್ಯಕ್ಷ್‌‌ ಆರ್ಥರ್‌ ಡಿಸೋಜ, ಕಾರ್ಯದರ್ಶಿ ಡ್ಯಾಫ್ನಿ ಲುವಿಸ್, ಲ್ಹಾನ್‌ ಕ್ರಿಸ್ತಾಂವ್‌ ಸಮುದಾಯಾಚೊ ಸಂಚಾಲಕ್‌ ಡೆಕ್ಸ್ಟರ್‌ ಸಲ್ಡಾನ್ಹಾ ಹಾಜರ್‌ ಆಸ್‌ಲ್ಲಿಂ. ಖೆಳಾಂತ್‌ ಜಿಕ್‌ಲ್ಲ್ಯಾಂಕ್‌ ಆಯಿಲ್ಲ್ಯಾ ಸಯ್ರ್ಯಾಂನಿ ಇನಾಮಾಂ ವಾಂಟ್ಲಿಂ. ಭುರ್ಗ್ಯಾಂಚ್ಯಾ ವರ್ಸಾಕ್‌ ಸಂಬಂಧ್‌ ಜಾವ್ನ್‌ ಆಮ್ಚ್ಯಾ ವಾಡ್ಯಾಂತ್ಲ್ಯಾ ಭುರ್ಗ್ಯಾಂಕ್‌ ವಿವಿಧ್‌ ಸ್ಪರ್ಧೆ ಮಾಂಡುನ್‌ ಹಾಡ್‌ಲ್ಲೆ. ಜಿಕ್‌ಲ್ಲ್ಯಾಂಕ್ ತಶೆಂ ಸರ್ವ್ ಭುರ್ಗ್ಯಾಂಕ್‌ ಇನಾಮಾಂ ವಾಂಟುನ್‌ ಸಂತೊಸ್‌ ಕೆಲೊ. ಜೆವ್ಣಾ ಸವೆಂ ವಾಡ್ಯಾ ಫೆಸ್ತಾಚೊ ಸಂಭ್ರಮ್ 8:15ಕ್‌ ಆಕೇರ್‌ ಜಾಲೊ.