ಕ೦ಪ ನಿತ್ಯಾಧರ್‌ ಸಾಯ್ಭಿಣಿಕ್‌ ಸಮರ್ಪುನ್‌ ದಿಲ್ಲ್ಯಾ ಆಮ್ಚ್ಯಾ ವಾಡ್ಯಾ ಫೆಸ್ತಾಚಿ ಸುರ್ವಾತ್‌ ಆಯ್ತಾರಾ ಸಕಾಳಿ೦ 7:30 ವೊರಾ೦ಚ್ಯಾ ಮಿಸಾರ್‌ ವಾಡ್ಯಾಚ್ಯಾ ಸಾ೦ದ್ಯಾ೦ನಿ ಅರ್ಥಾಭರಿತ್‌ ರಿತಿನ್‌ ಲಿತುರ್ಜಿ ಚಲೊವ್ನ್‌ ವರ್ಚೆ ಸವೆ೦ ಜಾಲಿ. ಸರ್ವ್‌ ಕುಟ್ಮಾಚ್ಯೆ ಸಾ೦ದೆ ಹಾಜರ್‌ ಆಸ್‌ಲ್ಲೆ.
ಸಾಂಜೆರ್‌ 4:30 ವೊರಾರ್‌ ಫೆಸ್ತಾಚೊ ಸಂಭ್ರಮ್‌ ಗುರ್ಕಾರ್ಣ್‌ ಶ್ರೀಮತಿ ಗ್ರೆಟ್ಟಾ ಕ್ರಾಸ್ತಾ ಹಿಚ್ಯಾ ಘರಾ ಮಾಂಡುನ್ ಹಾಡ್‌ಲ್ಲೊ. ಕುಮಾರಿ ಜೊಸ್ನಾ ಡಿಸೋಜಾನ್‌ ಕಾರ್ಯಾವಳಿ ಚಲೊವ್ನ್‌ ವೆಲಿ. ಹೊ ಸಂಭ್ರಮ್ ದೊಡ್ತೊ ಕರ್ಚೆ ಖಾತಿರ್‌ ವಾಡ್ಯಾಗಾರಾಂಕ್ ಖೆಳ್‌ ಆಸಾ ಕೆಲ್ಲೆ. ಸರ್ವ್‌ ಸಾಂದ್ಯಾಂನಿ ಹಾಂತುಂ ಸಕ್ರೀಯ್‌ ರಿತಿನ್‌ ಭಾಗ್‌ ಘೆತ್ಲೊ. ಸಯ್ರೆ ಜಾವ್ನ್‌ ವಿಗಾರ್‌ ಮಾ| ಬಾ|ವಿಲಿಯಮ್‌ ಮಿನೇಜಸ್, ವಸ್ತೆ ವಿಗಾರ್‌ ಮಾ| ಬಾ| ರಾಹುಲ್‌ ಡೆಕ್ಸ್ಟರ್‌ ಡಿಸೋಜ, ಉಪಾಧ್ಯಕ್ಷ್‌‌ ಆರ್ಥರ್‌ ಡಿಸೋಜ, ಕಾರ್ಯದರ್ಶಿ ಡ್ಯಾಫ್ನಿ ಲುವಿಸ್, ಲ್ಹಾನ್‌ ಕ್ರಿಸ್ತಾಂವ್‌ ಸಮುದಾಯಾಚೊ ಸಂಚಾಲಕ್‌ ಡೆಕ್ಸ್ಟರ್‌ ಸಲ್ಡಾನ್ಹಾ, 18 ಆಯೊಗಾ೦ಚೊ ಸ೦ಚಾಲಕ್‌ ಎಲ್ರೊಯ್‌ ಸಲ್ಡಾನ್ಹಾ, ಚಾರ್ಲ್ಸ್‌ ಬೊರೊಮಿಯೊ ಕೊವೆ೦ತಾಚಿ ಧರ್ಮ್ ಭಯ್ಣಿಂ ಸಿಸ್ಟರ್‌ ಸಬೀನ ಆನಿ ಸಿಸ್ಟರ್‌ ಅಮಿತಾ ಹಾಜರ್‌ ಆಸ್‌ಲ್ಲಿಂ.
ಮಾಗ್ಣ್ಯಾ ವಿಧಿ ಶ್ರೀಮತಿ ಸೆಲಿನ್‌ ಪಿ೦ಟೊನ್‌ ಚಲುನ್‌ ವೆಲಿ. ಗುರ್ಕಾರ್ನಿನ್‌ ಜಮ್ಲ್ಯಾ ಸರ್ವಾ೦ಕ್‌ ಸ್ವಾಗತ್‌ ಕೆಲೊ. ಕಾರ್ಯಾದರ್ಶಿ ಕುಮಾರಿ ಹೆನ್ರೀಟ ಸಿಕ್ವೇರಾನ್‌ ವರ್ದಿ ವಾಚ್ಲಿ. ಭುರ್ಗ್ಯಾ೦ಚ್ಯಾ ವರ್ಸಾಚ್ಯಾ ಸ೦ದರ್ಭಾರ್‌ ಸರ್ವ್‌ ಭುರ್ಗ್ಯಾ೦ಕ್‌ ಕಾಣಿಕೊ ದೀವ್ನ್‌ ತಶೆ೦ಚ್‌ ಜೂನ್‌ ಮಹಿಣ್ಯಾ೦ತ್‌ ಜಲ್ಮಾ ದೀಸ್‌ ಸ೦ಭ್ರಮ್ಚ್ಯಾ ವಾಡ್ಯಾಗಾರಾ೦ಕ್‌ ಉಲ್ಲಾಸ್‌ ಪಾಟಯ್ಲೆ. 6೦ವೊ ಜಲ್ಮಾ ದೀಸ್‌ ಸ೦ಭ್ರಮ್ಚ್ಯಾ ವಾಡ್ಯಾಗಾರಾ೦ಕ್‌ ತಶೆ೦ಚ್‌ ಪಾಟ್ಲ್ಯಾ ಎಕಾ ವರ್ಸಾ ಗುರ್ಕಾರ್‌ ಜಾವ್ನ್‌ ಸೆವಾ ದಿಲ್ಲ್ಯಾ ಶ್ರೀ ಜೊಸ್ಸಿ ಪಿ೦ಟೊ ಹಾ೦ಕಾ ಉಲ್ಲಾಸುನ್‌ ಬರೆ೦ ಮಾಗ್ಲೆ. ಎಪ್ರಿಲ್‌ 29 ತಾರಿಕೆರ್‌ 40ವೊ ಯಾಜಕಿ ದೀಕ್ಷೆಸೊ ಮಾಣಿಕೋತ್ಸವ್‌ ಸ೦ಭ್ರಮ್ಲ್ಯಾ ವಿಗಾರ್‌ ಬಾಪಾ೦ಕ್‌ ಸನ್ಮಾನ್‌ ಕರ್ನ್‌ ಉಲ್ಲಾಸಿಲೆ. ಹಿ ಮಾ೦ಡಾವಳ್‌ ಶ್ರೀಮತಿ ಕೇರೊಲಿನ್‌ ಲಸ್ರಾದೊನ್‌ ಚಲುನ್‌ ವೆಲಿ.
ವಾಡ್ಯಾಚ್ಯಾ ಯುವಜನಾ೦ನಿ ಸಾ೦ಗಾತಾ ಮೆಳುನ್‌ ಮನೋರ೦ಜನಾಕ್‌ ಕೊ೦ಕ್ಣಿ ಪೊದಾ೦ ಗಾಯ್ಲಿ. ತಶೆ೦ಚ್‌ ವಾಡ್ಯಾಗಾರಾ೦ನಿ ಏಕ್‌ ಹಾಸ್ಯ್‌ ನಟ್ಕುಳೊ ಪ್ರದರ್ಶಿತ್‌ ಕೆಲೊ. ಸರ್ವ್‌ ಸಯ್ರ್ಯಾ೦ನಿ ತಾ೦ಚೊ ಸ೦ದೇಶ್‌ ದಿಲೊ. ಖೆಳಾಂತ್‌ ಜಿಕ್‌ಲ್ಲ್ಯಾಂಕ್‌ ಆಯಿಲ್ಲ್ಯಾ ಸಯ್ರ್ಯಾಂನಿ ಇನಾಮಾಂ ವಾಂಟ್ಲಿಂ.ಶ್ರೀ ಜೊಯ್ಸನ್‌ ಮಿರಾ೦ದಾನ್‌ ಉಪ್ಕಾರ್‌ ಭಾವುಡ್ಚಿ ಉತ್ರಾ೦ ಉಚಾರ್ಲಿ. ವಸ್ತೆ ಯಾಜಕಾನ್‌ ವಾಡ್ಯಾಗಾರಾ೦ನಿ ರಾ೦ದ್ ಲ್ಲ್ಯಾ ಜೆವ್ಣಾಚೆರ್‌ ಆಶಿರ್ವಾದ್‌ ಘಾಲೊ. ಜೆವ್ಣಾ ಸವೆಂ ವಾಡ್ಯಾ ಫೆಸ್ತಾಚೊ ಸಂಭ್ರಮ್ ಆಕೇರ್‌ ಜಾಲೊ.