ಪಾದೆಮಾರ್, ಮದರ್ ತೆರೆಜಾಕ್ ಸಮರ್ಪಿಲ್ಲ್ಯಾ ಆಮ್ಚ್ಯಾ ವಾಡ್ಯಾಚಾ ಫೆಸ್ತಾಚಿ ಸುರ್ವಾತ್ 06-09-2026 ಆಯ್ತಾರಾಂ ಸಕಾಳಿಂ 7.30 ವೊರಾಂಚ್ಯಾ ಮಿಸಾ ವೆಳಾರ್ ವಾಡ್ಯಾಗಾರಾಂನಿ ಅರ್ಥಾಭರಿತ್ ರಿತಿನ್ ಲಿತುರ್ಜಿ ಚಲೊವ್ನ್ ಕೆಲಿ. ವಾಡ್ಯಾಚಿ ಸರ್ವಾಂ ಹಾಜರ್ ಆಸ್ಲಿಂ. ಫೆಸ್ತಾಚೊ ಸಂಭ್ರಮ್ ತ್ಯಾಚ್ ದೀಸ್ ಸಾಂಜೆರ್ ಮಾನೆಸ್ತ್ ಡೊಲ್ಫಿ ಕುಟಿನ್ಹಾಚ್ಯಾ ಘರಾ ಚಲೊವ್ನ್ ವೆಲೆಂ. ಫೆಸ್ತ್ ಸಂಭ್ರಮಾನ್ ಮಾಂಡುನ್ ಹಾಡ್ಲೆ ಸುರ್ವಾತೆರ್ ಪುರ್ಶಾಂವಾರ್ ವಾಡ್ಯಾಗಾರಾಂನಿ ಪವಿತ್ರ್‌ ಪುಸ್ತಾಕಾಕ್ ಮಾನ್ ಕರ್ನ್ ಮಾಗ್ಣೆಂ ವಿಧಿಂ ಆರಂಭ್ ಕೆಲೆಂ. ಮನೋರಂಜನಾಕ್ ಸ್ವಾಗತ್ ನೃತ್ಯ್, ಭುರ್ಗ್ಯಾಂಚೆ ಡ್ಯಾನ್ಸ್, ಪದಾಂ, ನಾಟ್ಕುಳೊ ಖೆಳ್ ಇತ್ಯಾದಿ ಅಸಾ ಕೆಲ್ಲೆಂ. ಸರ್ವ್ ವಾಡ್ಯಾಗಾರಾಂನಿ ಹಾಂತು ಸಕ್ರಿಯ್ ರಿತಿನ್ ಭಾಗ್ ಘೆತ್ಲೊ. ಸಗ್ಳ್ಯಾ ಕಾರ್‍ಯಾಚೆ ನಿರ್ವಾಹಣ್ ಶ್ರೀಮತಿ ರೇಶ್ಮಾ ಡಿ’ ಸೋಜಾನ್ ಚಲೊವ್ನ್ ವೆಲೆಂ.
ಆಮ್ಚ್ಯಾ ವಾಡ್ಯಾಂತ್ ಸಪ್ಟೆಂಬರ್ ಮಹಿನ್ಯಾಂತ್ ಜಲ್ಮಾ ದಿವಸ್ ಆಚಾರ್ಸಿತೆಲ್ಯಾಂಕ್ ಜಲ್ಮಾ ದಿಸಾಚೆ ಉಲ್ಲಾಸ್ ಪಾಠಯ್ಲೆ. ಸಯ್ರೆ ಜಾವ್ನ್ ಫಿರ್ಗಜ್ ವಿಗಾರ್ ಮಾನಾಧಿಕ್ ಬಾಪ್ ವಿಲಿಯಂ ಮಿನೇಜಸ್, ವಸ್ತೆ ಯಾಜಕ್ ಬಾಪ್ ರಾಹುಲ್ ಡಿ’ ಸೋಜ, ಗೊವ್ಳಿಕ್‌ ಪರಿಷದೆಚೊ ಉಪಾಧ್ಯಕ್ಷ್ ಆರ್ಥರ್‌ ಡಿಸೋಜ, ಕಾರ್ಯದರ್ಶಿ ಡ್ಯಾಫ್ನಿ ಲುವಿಸ್, ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್‌ ಸಂಚಾಲಕ್ ಡೆಕ್ಸ್ಟರ್ ಸಲ್ಡಾನ್ಹಾ ಹಾಜಾರ್ ಆಸ್ಲೆ. ಖೆಳಾಂತ್ ಜಿಕ್ಲೆಲ್ಯಾಂಕ್ ಇನಾಮಾಂ ವಾಂಟ್ಲಿ. ಭುರ್ಗ್ಯಾಂಚ್ಯಾ ವರ್ಸಾಕ್ ಸಂಭಂಧ್ ಜಾವ್ನ್ ಆಮ್ಚ್ಯಾ ವಾಡ್ಯಾಚಾ ಭುರ್ಗ್ಯಾಂಕ್ ಇನಾಮಾಂ ವಾಂಟ್ಲಿ. ಸಯ್ರ್ಯಾಂನಿ ಆಪ್ಲಿ ಭೊಗ್ಣಾಂ ತಶೆಂಚ್ ಸಂದೇಶ್ ದಿಲ್ಲ್ಯಾ ಉಪ್ರಾಂತ್, ಸರ್ವಾಂಚೊ ಉಪಾರ್ ಬಾವ್ಡುನ್ ಜಾತಾಚ್ ಜೆವ್ಣಾಂ ಸವೆಂ ವಾಡ್ಯಾ ಫೆಸ್ತಾಟೊ ಸಂಭ್ರಮ್ ಅಖೇರ್ ಜಾಲೊ.