Sunday, April 26, 2026
📢 General Announcements
- ಆಜ್ ದೇವ್ ಆಪೊವ್ಣ್ಯಾಚೊ ಆಯ್ತಾರ್. ಪವಿತ್ರ್ ಸಭೆಕ್ ಬರೆ ಯಾಜಕ್ ತಶೆಂ ಧಾರ್ಮಿಕ್ ಭಾವಾಂ- ಭಯ್ಣಿಂಚಿ ಗರ್ಜ್ ಆಸಾ. ಆಮ್ಚ್ಯಾ ಕುಟ್ಮಾಂನಿ ದೇವ್ ಆಪವ್ಣಿಂ ಫುಲೊಂದಿತ್ ಮ್ಹಣ್ ತೆರ್ಸಾ ವೆಳಾರ್ ಮಾಗೊಂಕ್ ಉಲೊ ದಿತಾಂ.
- ಸೊಮಾರಾ ಆನಿ ಮಂಗ್ಳಾರಾ ಆಮ್ಚ್ಯಾ ಫಿರ್ಗಜೆಚಾ ಪಾಂಚ್ವ್ಯಾ ಕ್ಲಾಸಿ ವಯ್ಲ್ಯಾ ಆನಿ ಧಾವಿ ಕ್ಲಾಸಿ ಪರ್ಯಾಂತ್ಲ್ಯಾ ಸಕ್ಕಡ್ ಭುರ್ಗ್ಯಾಂಕ್ ದೋನ್ ದಿಸಾಚೆಂ ರಜೆ ಶಿಬಿರ್ ಮಾಂಡುನ್ ಹಾಡ್ಲಾಂ. ವೇಳ್ ಸಕಾಳಿಂ 8.30 ವೊರಾಂ ಥಾವ್ನ್ 4.30 ವೊರಾಂ ಪರ್ಯಾಂತ್. ಸಕ್ಕಡ್ ಭುರ್ಗ್ಯಾಂನಿ ಚುಕಾನಾಸ್ತಾನಾ ಹಾಜಾರ್ ಜಾಂವ್ಚೆಂ. ಸೊಮಾರಾ ಸಕಾಳಿಂ 9.00 ವೊರಾರ್, ಉದ್ಘಾಟನ್ ಕಾರ್ಯೆಂ ಆಸಾ. ತುಮಿ ಯೇವ್ನ್ ಭುರ್ಗ್ಯಾಂಕ್ ಪ್ರೋತ್ಸಾಹ್ ದಿಂವ್ಕ್ ವಿನಂತಿ.
- ಯೆತಾತ್ಯಾ ಬುದ್ವಾರಾ 29 ತಾರಿಕೆರ್ ಸಕಾಳಿಂ 9.00 ವೊರಾರ್ ಪಯ್ಲ್ಯಾ ಕುಮ್ಗಾರಾಚಾ ಭುರ್ಗ್ಯಾಂಕ್ ಆನಿ ತಾಂಚಾ ಆವಯ್ ಬಾಪಾಯ್ಕ್ ಕುಮ್ಸಾರಾಂ ದವರ್ಲ್ಯಾಂತ್. ತಶೆಂಚ್ ಪಯ್ಲ್ಯಾ ಕುಮ್ಗಾರಾಚಾ ಮಿಸಾ ವೆಳಾರ್ ಬಸೊಂವ್ಕ್ ಜಾಗೊ ದಿತೆಲ್ಯಾಂವ್. ದೆಕುನ್ ಭುರ್ಗ್ಯಾ೦ ಸಾಂಗಾತಾ 9.00 ವೊರಾರ್ ವ್ಹಡಾಂನಿ ಚುಕನಾಸ್ತಾನಾ ಯೆಂವ್ಚೆಂ.
- ಯೆತಾತ್ಯಾ ಆಯ್ತಾರಾ ಆಮ್ಚ್ಯಾ ಫಿರ್ಗಜೆಚ್ಯಾ 8 ಭುರ್ಗ್ಯಾಂಕ್ ಪಯ್ಲೊ ಕುಮ್ಗಾರ್ ಆಸಾ. ಸಕಾಳಿಂ ಎಕ್ಚ್ ಮೀಸ್ 8.00 ವೊರಾರ್. ದುಸ್ರೆಂ ಮೀಸ್ ಆಸ್ಚೆಂ ನಾ. ಕ್ರೀಜ್ಮಾಚಾ ಭುರ್ಗ್ಯಾಂಕ್ ತ್ಯಾ ಆಯ್ತಾರಾ ದೊತೊರ್ನ್ ಆಸ್ಚಿನಾ. ಕುಮ್ಗಾರಾಚಾ ಭುರ್ಗ್ಯಾಂನಿ ಆವಯ್ ಬಾಪಾಯ್ ಸಾಂಗಾತಾ 7.30 ವೊರಾಂ ಭಿತರ್ ಇಗರ್ಜೆಂತ್ ಪಾಂವ್ಚೆಂ. ಕೋಂತ್, ಬೆಂತಿಣ್ ಆನಿ ವಾತ್ ಆಮಿ ಹಾಡ್ನ್ ದಿತಾಂವ್. ಫಿರ್ಗಜೆ ಥಾವ್ನ್ ಫೋಟೊಗ್ರಾಫರಾಕ್ ನೆಮ್ಲಾ. ಹೆರಾಂನಿ ದಯಾಕರುನ್ ಮೀಸಾ ವೆಳಾರ್ ಫೋಟೊ ಕಾಡುಂಕ್ ಮುಖಾರ್ ಯೆಂವ್ಚೆಂ ನಾಕಾ ಮ್ಹಣ್ ವಿನಂತಿ.
- ಯೆತಾತ್ಯಾ ಸುಕ್ರಾರಾ ಸಾಂತ್ ಜುಜೆ ಕಾಮೆಲ್ಯಾಚೆಂ ಫೆಸ್ತ್. ಮೇ ಮಹಿನೊ ಮರಿಯೆ ಮಾಯೆಕ್ ಸಮರ್ಪಿಲ್ಲೊ ಮಹಿನೊ. ಆಮ್ಚ್ಯಾ ಹರ್ಯೇಕಾ ಘರಾಂನಿ ಚುಕನಾಸ್ತಾನಾ ಹರ್ಯೇಕಾ ದಿಸಾ ಮರಿಯೆಚಾ ಮಾನಾಕ್ ತೇರ್ಸ್ ಕರ್ನ್ ಮರ್ಯೆಕ್ ಮಾನ್ ಕರ್ಯಾಂ. ಆನಿ ತಿಚಿ ಆಶೀರ್ವಾದಾಂ ಆಮ್ಚ್ಯಾ ಕುಟ್ಮಾಂಚೆರ್ ಮಾಗೊನ್ ಫೆವ್ಯಾಂ.
- ಕಥೊಲಿಕ್ ಸಭಾ ಒಮ್ಜೂರ್ ಘಟಕ್ ಹಾಚೆಂ 2026- 27 ವರ್ಸಾಕ್ ಅಧ್ಯಕ್ಷ್ ಜಾವ್ನ್ ಮಾನೇಸ್ತ್ ಜೊಲ್ಡಿನ್ ಲುವಿಸ್ ಆನಿ ಕಾರ್ಯದರ್ಶಿ ಮಾನೆಸ್ತಿನ್ ಆನಿತಾ ಲೋಬೊ ತಶೆಂ ಹೆರ್ ಹುದ್ದೆದಾರ್ ವಿಂಚುನ್ ಆಯ್ಲ್ಯಾತ್. ತಾಂಕಾಂ ತುಮ್ಚ್ಯೆ ನಾಂವಾನ್ ಉಲ್ಲಾಸಿತಾಂ ಆನಿ ತಾಂಚಾ ಫುಡರ್ಪಣಾಖಾಲ್ ಕಥೊಲಿಕ್ ಸಭಾ ಜಿವಾಳ್ ಜಾಂವ್ದಿ ಮ್ಹಣ್ ಆಶೆತಾಂ.
- ಪಿ.ಯು.ಸಿ ತಶೆಂ ಎಸ್.ಎಸ್.ಎಲ್.ಸಿ ರಿಜಲ್ಟ್ ಆಯ್ಲಾಂ. ಆಮ್ಚ್ಯಾ ಭುರ್ಗ್ಯಾಂಕ್ ಬರೆಂ ಫಲಿತಾಂಶ್ ಲಾಬ್ಲಾಂ. ಭುರ್ಗ್ಯಾಂಕ್ ತಶೆಂ ತಾಂಚಾ ವ್ಹಡಿಲಾಂಕ್ ಉಲ್ಲಾಸಿತಾಂವ್ ಆನಿ ತಾಂಚೆರ್ ದೆವಾಚಿ ಆಶೀರ್ವಾದಾಂ ಮಾಗ್ತಾಂವ್.
- ಯೆತಾತ್ಯಾ ಸುಕ್ರಾರಾ ಮೇಯಾಚಾ 1 ತಾರಿಕೆರ್ ಮ್ಹಜ್ಯಾ ಯಾಜಕೀ ಜಿವಿತಾಚೊ ಮಾಣಿಕೋತ್ಸವ್, ಆಮ್ಚ್ಯಾ ಫಿರ್ಗಜೆಚ್ಯಾ ಗೊವ್ಳಿಕ್ ಪರಿಷದೆನ್ ಹೆಂ ಕಾರ್ಯೆಂ ಮಾಂಡುನ್ ಹಾಡ್ಲಾಂ. ತಾಂಚ್ಯಾ ಬೊರ್ಯಾ ಮನಾಕ್ ಧಿನ್ವಾಸ್ ಪಾಠಯ್ತಾಂ. ತುಮ್ಕಾಂ ಹರ್ಯೇಕಾ ಕುಟ್ಮಾಕ್ ಆಪವ್ಣೆಂ ಪಾವ್ಲಾಂ ಮ್ಹಣ್ ಚಿಂತಾಂ. ಕೊಣಾಕ್ ಆಪವ್ಣೆಂ ಪಾವಂವ್ಕ್ ನಾ ತಾಣಿಂ ಹೆಂ ಮ್ಹಜೆಂ ಆಪವ್ಣೆಂ ಮ್ಹಣ್ ಸ್ವೀಕಾರ್ ಕರ್ನ್ ತ್ಯಾ ದಿಸಾ ಸಾಂಜೆರ್ 5.00 ವೊರಾರ್ ಮೀಸಾ ಬಲಿದಾನ್ ಆನಿ ಉಪ್ರಾಂತ್ ಸತ್ಕಾರ್ ಕಾರ್ಯಾಕ್ ವಾಂಟೊ ಫೆಂವ್ಕ್ ವಿನಂತಿ. ಹಾಂವೆಂ ನಿವೃತ್ತ್ ಗೊವ್ಳಿಬಾಪಾಂಕ್, ಥೊಡ್ಯಾ ಯಾಜಕಾಂಕ್ ಮ್ಹಜ್ಯಾ ಕುಟ್ಮಾಂಚಾಕ್ ಆನಿ ಇಷ್ಟ್ ಮಂತ್ರಾಕ್ ಆಪವ್ಣೆಂ ದಿಲಾಂ ದೆಕುನ್ ತುಮಿ ಹಾಜರ್ ಜಾವ್ನ್ ಹೆಂ ಕಾರ್ಯೆಂ ಸುದರ್ಸುನ್ ವರುಂಕ್ ತುಮ್ಚೆಂ ಲಾಗಿಂ ವಿನಂತಿ ಕಾರ್ತಾಂ.
- ಫರಂಗಿಪೇಟ್ ಸಾಂತ್ ಫ್ರಾನ್ಸಿಸ್ ಆಸಿಸ್ಸಿ ವಾಡ್ಯಾಚಿ ಸಿಸಿಲಿಯಾ ಪಿಂಟೊ ಗೆಲೆತ್ಯಾ ಹಪ್ತ್ಯಾಂತ್ ದೆವಾದೀನ್ ಜಾಲ್ಯಾ. ತಿಚ್ಯಾ ಅತ್ಮ್ಯಾಕ್ ಶಾಂತಿ ಮಾಗ್ತಾಂವ್ ಆನಿ ದುಖೇಸ್ತ್ ಕುಟ್ಮಾಕ್ ಭುಜಯ್ತಾಂವ್.
🏘️ Ward Meetings
| Name | Date | Time | Venue | Remarks |
|---|---|---|---|---|
| ನಂತರ್ ತೋಟ-ಸಾಂತ್ ಜೊಕಿಮ್ ವಾಡೊ | 26/04/2026 | 4:00PM | ಮಾನೆಸ್ತ್ ಫ್ರಾನ್ಸಿಸ್ ಮಿನೇಜಸಾಚ್ಯಾ ಘರಾ | |
| ಪಾದೆಮಾರ್-ಮದರ್ ತೆರೆಜಾ ವಾಡೊ | 26/04/2026 | 4:00PM | ಮಾನೆಸ್ತ್ ಗಿಲ್ಬರ್ಟ್ ಲೋಬೊಚ್ಯಾ ಘರಾ | |
| ಅರ್ಕುಳ ದುಸ್ರೊ-ಬಾಳೊಕ್ ಮರಿ ವಾಡೊ | 26/04/2026 | 4:00PM | ಮಾನೆಸ್ತ್ ಗಿಲ್ಬರ್ಟ್ ಪಿಂಟೊಚ್ಯಾ ಘರಾ | |
| ಮಯ್ಯಾಡಿ ದುಸ್ರೊ-ಸಾಂತ್ ಫ್ರಾನ್ಸಿಸ್ ಸಾವೆರ್ ವಾಡೊ | 26/04/2026 | 4:30PM | ಮಾನೆಸ್ತ್ ವಿನ್ಸೆಂಟ್ ಸಲ್ಡಾನ್ಹಾಚ್ಯಾ ಘರಾ |
👥 Association Meetings
| Name | Date | Time | Venue | Remarks |
|---|---|---|---|---|
| ಐ.ಸಿ.ವೈ.ಎಂ. | 26/04/2026 | 8:30AM | ಮಿನಿ ಹಾಲ್ |