Sunday, April 12, 2026
📢 General Announcements
- ಆಜ್ ದೈವಿಕ್ ಕಾಕುಳ್ತಿಚೊ ಆಯ್ತಾರ್. ಸೊಮ್ಯಾಚಿ ಕಾಕುಳ್ತ್ ತುಮ್ಮಾಂ ಸರ್ವಾಂಕ್ ರಾಕೊಂದಿ ಆನಿ ಸಾಂಬಾಳುಂದಿ ಮ್ಹಣ್ ಮಾಗ್ತಾಂ.
- ಭಾಗೆವಂತ್ ಹಪ್ತ್ಯಾಚೊ ಸಂಭ್ರಮ್ ಭೋವ್ ಅರ್ಥಾಭರಿತ್ ಆನಿ ಶಿಸ್ತೆನ್ ಜಾಲೊ. ಗಾಯಾನಾಂಕ್, ವಾಚ್ಛಾಂಕ್, ಲಿತುರ್ಜಿ ಮಾಂಡಾವಳ್ ಕರುಂಕ್ ಸ್ವಯಂಸೇವಕ್ ಜಾವ್ನ್ ಆನಿ ಹೆರ್ ವಾವ್ರಾಕ್ ಕುಮಕ್ ಕೆಲ್ಲ್ಯಾ ಪ್ರತಿ ಎಕ್ಲ್ಯಾಕ್ ಕಾಳ್ವಾಂಥಾವ್ನ್ ದೇವ್ ಬರೆಂ ಕರುಂ ಆನಿ ದೆವಾಚಿ ಆಶೀರ್ವಾದಾಂ ಮಾಗ್ತಾಂ. ವಿಶೆವಾಚ್ಯಾ ಆಲ್ತಾರಿ ವಯ್ಲೆಂ ತಾಬೆರ್ನಾಕಾಲ್ ಪೈಂಟ್ ಕೆಲ್ಲ್ಯಾ ಮಾನೇಸ್ತ್ ಆಲೋಶಿಯಸ್ ಕುವೆಲ್ಲೊ ಹಾಕಾ ದೇವ್ ಬರೆಂ ಕರುಂ ಮ್ಹಣ್ತಾ.
- ಆಜ್ ಥಾವ್ನ್ ಹರೇಕಾ ಭುರ್ಗ್ಯಾಂಕ್ ಕ್ರೀಜ್ಮಾಚಿ ದೊತೊರ್ನ್ ಆಸಾ. ಆಯ್ತಾರಾ ಸಕಾಳಿಂ 8.30 ವೊರಾಂ ಥಾವ್ನ್ 9.45 ವೊರಾಂ ಪರ್ಯಾಂತ್, ಭುರ್ಗ್ಯಾಂನಿ ಕ್ಲಾಸಿಕ್ ಯೆತಾನಾ ಬರಂವ್ಕ್ ಪೆನ್ನ್ ಆನಿ ಪುಸ್ತಕ್ ಹಾಡ್ನ್ ಯೆಂವ್ಚೆಂ. ಆವಯ್ ಬಾಪಾಯ್ನ್ ತಾಂಚ್ಯಾ ಭುರ್ಗ್ಯಾಂಕ್ ಕ್ರಿಜ್ಮಾಚ್ಯಾ ದೊತೊರ್ನೆಕ್ ಚುಕಾನಾಸ್ತಾನಾ ದಾಡುಂಕ್ ಉಲೊ ದಿತಾ.
- ಯೆತಾತ್ಯಾ ಸುಕ್ರರಾ ಸಕಾಳಿಂ 9.00 ವೊರಾಂ ಥಾವ್ನ್ ಸಾಂಜೆರ್ 4.00 ವೊರಾಂ ಪರ್ಯಾಂತ್ ಬಂಟ್ವಾಳ್ ಮೊಡಂಕಾಪ್ ಇಗರ್ಜೆ ಹೊಲಾಂತ್ ಎಕಾ ದಿಸಾಚೆಂ ಶಿಬಿರ್ ಆಸಾ. ಆಲ್ತಾರ್ ಭುರ್ಗ್ಯಾಂನಿ ತಾಂಚ್ಯಾ ಮಿಸಾಚೆಂ ಮುಸ್ತಾಯ್ಕಿ ಸವೆಂ ಸಕಾಳಿಂ 8.30 ವೊರಾಂ ಭಿತರ್ ಇಗರ್ಜೆ ಮೈದಾನಾರ್ ಯೆಂವ್ಚೆಂ. ಬಸ್ಸ್ 8.30 ಸುಟ್ತಾ ದೆಕುನ್ ತಾಚೆಂ ಭಿತರ್ ಪಾವಂವ್ಕ್ ವಿನಂತಿ. ಖಾಣಾ ಜೆವ್ಣಾಚಿ ಮಾಂಡಾವಳ್ ಆಸಾ.
- ಎಪ್ರಿಲಾಚಾ 27 ಆನಿ 28 ತಾರಿಕೆರ್ ಆಮ್ಚೆ ಫಿರ್ಗಜ್ ಸಲಾಂತ್ ಭುರ್ಗ್ಯಾಂ ಖಾತಿರ್ ರಜೆ ಶಿಬಿರ್ ಮಾಂಡುಂನ್ ಹಾಡ್ಲಾಂ. ಪಾಂಚ್ವ್ಯಾ ಕ್ಲಾಸಿ ಥಾವ್ನ್ ಧಾವ್ಯಾ ಕ್ಲಾಸಿ ಪರ್ಯಾಂತ್ ಸಕ್ಕಡ್ ಭುರ್ಗ್ಯಾಂನಿ ಚುಕಾನಾಸ್ತಾನಾ ಹಾಜರ್ ಜಾಂವ್ಕ್ ಉಡಾಸ್ ದವರ್ಚೆಂ. ವ್ಹಡಿಲಾಂನಿ ಹ್ಯಾ ವಿಶಿಂ ಚತ್ರಾಯ್ ಘೆಂವ್ಚಿಂ.
- ಫಾಲ್ಯಾ ಸೊಮಾರಾ ಎಪ್ರಿಲ್ 13 ತಾರಿಕೆ ಥಾವ್ನ್ ಮ್ಯೂಸಿಕ್ ಕ್ಲಾಸಿ ಆರಂಭ್ ಜಾತಾತ್. ಎದೊಳ್ ಆಸ್ಲೆಲ್ಯಾಂಕ್ ಆನಿ ನವ್ಯಾನ್ ವಾಜಾಂತ್ರಾ ಶಿಕ್ತಲ್ಯಾಂಕ್ ಅವ್ಯಾಸ್ ಆಸಾ. ವೇಳ್ ಸಕಾಳಿಂ 11.00 ವೊರಾಂ ಥಾವ್ನ್ 12.30 ವೊರಾಂ ಪರ್ಯಾಂತ್. ಚಡಿತ್ ವಿವರಾಕ್ ಕೊಯೆರ್ ಮೆಸ್ತ್ರಿ ಜೊಲ್ಡಿನ್ ಲುವಿಸಾಕ್ ಸಂಪರ್ಕ್ ಕರ್ಯೆತ್.
- ಆತಾಂ ಭುರ್ಗ್ಯಾಂಕ್ ಇಸ್ಕೊಲಾಕ್ ರಜಾ ಆಸಾ, ಮಸ್ತು ಭುರ್ಗಿ೦ ಸಕಾಳಿಂ ಮಿಸಾಕ್ ಯೆತಾತ್. ಆಮ್ಚ್ಯಾ ಇಗರ್ಜೆಂತ್ ಹಪ್ತ್ಯಾಚ್ಯಾ ಹರ್ಯೇಕಾ ದಿಸಾ ಸಕಾಳಿಂ 6.10 ಕ್ ಕಾಕುಳ್ತಿಚೊ ತೇರ್ಸ್, ಆರಾಧನ್ ಆನಿ 6.30 ವೊರಾರ್ ಮೀಸ್ ಆಸಾ. ಭುರ್ಗ್ಯಾಂಕ್ Attendence ಬೂಕ್ ದವರ್ತಾವ್. ಸದಾಂ ಮಿಸಾಕ್ ಆಯ್ಲೆಲ್ಯಾ ಭುರ್ಗ್ಯಾಂಕ್ ಮೇಯಚಾ 31 ತಾರಿಕೆರ್ ಆಯ್ತಾರಾ ಅಕರ್ಷಿತ್ ಬಹುಮಾನಾಂ ದಿತೆಲ್ಯಾಂವ್. ತುಮ್ಚ್ಯಾ ಭುರ್ಗ್ಯಾಂಕ್ ಸದಾಂ ಮಿಸಾಕ್ ದಾಡಾ ಆನಿ ತುಮಿಂಯೀ ತಾಂಚೆಂ ಸಾಂಗಾತಾ ಮಿಸಾಕ್ ಯೆಯಾತ್ ಮ್ಹಣ್ ಉಲೊ ದಿತಾ
✝️ Liturgy Details
18/04/2026- ಸನ್ವಾರಾ ಸಾಂಜೆರ್ 4:30-ಮಯ್ಯಾಡಿ ದುಸ್ರೊ-ಸಾಂ ಫ್ರಾನ್ಸಿಸ್ ಸಾವೆರ್ ವಾಡೊ
19/04/2026-ಆಯ್ತಾರಾ ಸಾಕಾಳಿಂ 7:30-ಮೇರಮಜಲ್ ಪಯ್ಲೊ- ಭಾಗೆವಂತ್ ಕುಟ್ಮಾ ವಾಡೊ
19/04/2026-ಆಯ್ತಾರಾ ಸಾಕಾಳಿಂ 10:00- ವೈ.ಸಿ.ಎಸ್
🏘️ Ward Meetings
| Name | Date | Time | Venue | Remarks |
|---|---|---|---|---|
| ಅರ್ಕುಳ ಪಯ್ಲೊ-ಸಾಂತ್ ಅನ್ನಾ ವಾಡೊ | 12/04/2026 | 4:00PM | ಮಾನೆಸ್ತಿನ್ ಮರ್ಸಿನ್ ಡಿಕುನ್ಹಚ್ಯಾ ಘರಾ | |
| ಬಾಡೂರ್ ಕಾನಾ-ಸಾಂತ್ ಲೊರೆನ್ಸ್ ವಾಡೊ | 12/04/2026 | 4:00PM | ಮಾನೆಸ್ತ್ ಜೋಕಿಮ್ ಲೋಬೊಚ್ಯಾ ಘರಾ | |
| ಫರಂಗಿಪೇಟ್-ಸಾಂತ್ ಫ್ರಾನ್ಸಿಸ್ ಆಸಿಸ್ಸಿ ವಾಡೊ | 12/04/2026 | 4:30PM | ಮಾನೆಸ್ತ್ ಆಂಟೋನಿ ರೊಡ್ರಿಗಸಾಚ್ಯಾ ಘರಾ | |
| ಮೇರಮಜಲ್ ದುಸ್ರೊ-ಬಾಳೊಕ್ ಜೆಜು ವಾಡೊ | 12/04/2026 | 4:30PM | ಮಾನೆಸ್ತಿನ್ ಎಮ್ಮಿ ಲೋಬೊಚ್ಯಾ ಘರಾ | |
| ಕಂಪಾ-ನಿತ್ಯಾಧರ್ ಸಾಯ್ಭಿಣ್ ವಾಡೊ | 12/04/2026 | 4:30PM | ಮಾನೆಸ್ತ್ ಪಾವ್ಲ್ ಲೋಬೊಚ್ಯಾ ಘರಾ |