Sunday, November 08, 2026

📢 General Announcements

  • ಆಜ್ ಸಕಾಳಿಂ 8.30 ವೊರಾಂ ಥಾವ್ನ್ ಸಾಂಜೆರ್ 4.00 ವೊರಾಂ ಪರ್ಯಾಂತ್ ಮಂಗ್ಳುರ್ ದಿಯೆಸೆಜಿ ತರ್ಫೆನ್ ಸುಮಾರ್ 6,200 ಭುರ್ಗ್ಯಾಂಚೆಂ ಫೆಸ್ತ್‌ ನಿನಾದ್, ಸಾಂ. ಜುಜೆ ಇಂಜಿನಿಯರಿಂಗ್ ಕಾಲೇಜ್, ವಾಮಂಜೂರಾಂತ್ ಸಂಭ್ರಮ್ತೆಲೆಂ. ಆಮ್ಚ್ಯಾ ಫಿರ್ಗಜೆ ಥಾವ್ನ್ 56 ಭುರ್ಗಿ೦ ಆನಿ ಚೊವ್ಗಾಂ ಟೀಚೆರಾಂ ವಾಂಟೊ ಫೆತಾತ್. ಹೆಂ ಭುರ್ಗ್ಯಾಂಚೆಂ ಫೆಸ್ತ್ ಯಶಸ್ವಿ ಜಾಂವ್ಚ್ಯಾ ಖಾತಿ‌ರ್ ಮಾಗುಂಕ್ ತುಮ್ಕಾಂ ಉಲೊ ದಿತಾ.
  • ಗೆಲೆತ್ಯಾ ಆಯ್ತಾರಾ ಆಮ್ಚ್ಯಾ ಫಿರ್ಗಜೆಂತ್ ಭುರ್ಗ್ಯಾಂಚಾ ದಿಸಾಚೆಂ ಆಚರಣ್ ಭೋವ್ ಆಪುರ್ಬಾಯೆನ್ ಜಾಲೆಂ. ವಾಂಟೊ ಘೆತ್ಲೆಲ್ಯಾ ಭುರ್ಗ್ಯಾಂಕ್ ಅಭಿನಂದನ್ ಪಾಠಯ್ತಾನಾ ಹೆಂ ಕಾರ್ಯೆಂ ಅಯೋಜನ್ ಕೆಲ್ಲ್ಯಾ ಉಪಾಧ್ಯಕ್ಷ್, ಕಾರ್ಯದರ್ಶಿ, ಆಯೋಗಾಂಚೊ ಸಂಯೋಜಕ್, ಟಿಚೇರಾಂಕ್ ಆನಿ ಐ.ಸಿ.ವೈ.ಎಂ. ಸಚೇತಕ್ ಆನಿ ಸಂಘಟನಾಕ್ ಆನಿ ಕುಮಕ್ ಕೆಲ್ಲ್ಯಾ ಹರ್ಯೆಕ್ಲ್ಯಾಂಕ್‌ ದೇವ್ ಬರೆಂ ಕರುಂ ಮ್ಹಣ್ತಾಂವ್ ಆನಿ ದೆವಾಚಿಂ ಆಶೀರ್ವಾದಾಂ ಮಾಗ್ತಾಂವ್.
  • ಆಜ್ ಆಯ್ತಾರಾ ಪಯ್ಲ್ಯಾ ಕ್ಲಾಸಿ ಥಾವ್ನ್ ಚವ್ತ್ಯಾ ಕ್ಲಾಸಿ ಪರ್ಯಾಂತ್ ಆನಿ ಪಿಯುಸಿ ಚ್ಯಾ ಭುರ್ಗ್ಯಾಂಕ್ ಸದಾಂಚೆ ಬರಿಂ ದೊತೊರ್ನ್ ಆಸಾ. ನಿನಾದ್ ಭುರ್ಗ್ಯಾಂಚಾ ಕಾರ್ಯಾಕ್ ಹಾಜರ್ ಜಾಯ್ನಾತ್ಲೆಲ್ಯಾ ಭುರ್ಗ್ಯಾಂಕ್ ಪಾಂಚ್ವ್ಯಾ ಕ್ಲಾಸಿ ಥಾವ್ನ್ 10ವ್ಯಾ ಕ್ಲಾಸಿ ಪರ್ಯಾಂತ್ಲ್ಯಾ ಭುರ್ಗ್ಯಾಂಕ್ ಇಗರ್ಜೆಂತ್‌ ದೊತೊರ್ನ್ ಆಸ್ತೆಲಿ.
  • ಯೆತಾತ್ಯಾ ಆಯ್ತಾರಾ ಕಥೋಲಿಕ್ ಸಭೆನ್ ಚಲವ್ನ್ ವ್ಹರ್ಚೊ ವಾರಾಡ್ಯಾ ಹಂತಾರ್ ಭಾಷಣ್ ಸ್ಪರ್ಧೊ ಮೊಡಂಕಾಪ್ ಕನ್ನಡ ಮಾಧ್ಯಮ್ ಇಸ್ಕೊಲಾಚ್ಯಾ ಸಭಾ ಸಲಾಂತ್ ದನ್ಪರಾ ಉಪ್ರಾಂತ್ ಚಲ್ತಲೊ. ಹ್ಯಾ ಭಾಷಣ್ ಸ್ಪರ್ಧ್ಯಾಂತ್ ಪಯ್ಲೆಂ ಆನಿ ದುಸ್ರೆಂ ಸ್ಥಾನ್ ಆಪ್ಣಾಯಿಲ್ಲ್ಯಾ ಸರ್ವ್ ಭುರ್ಗ್ಯಾಂಕ್ ಹ್ಯಾ ಭಾಷಣ್ ಸ್ಪರ್ಧ್ಯಾಂತ್ ಭಾಗ್ ಘೆಂವ್ಕ್‌ ಉಲೊ ದಿತಾಂವ್.
  • ವ್ಹಡ್ಲೆಂ ಫೆಸ್ತ್ ಧಾಂವೊನ್ಂಚ್ ಆಯ್ಲೆಂ. ಗೆಲೆತ್ಯಾ ವರ್ಸಾ ವರ್ತಿ ದುಡ್ವಾ ಸಹಾಯ್ ದೀವ್ನ್ ವರ್ತೊ ಅಧಾ‌ರ್ ದಿಲಾ ತೊಚ್ ಸಹಕಾರ್ ಆಶೆತಾಂವ್. ತುಮ್ಚ್ಯಾ ಗುರ್ಕಾರಾ ಮುಖಾಂತ್ರ್ ತುಮ್ಕಾಂ ಕವರಾಂ ಧಾಡ್ನ್ ದಿಲ್ಲ್ಯಾ ಕವರಾಂತ್‌ ಫುಲ್‌ ವಾ ಫುಲಾಚಿ ಪಾಕ್ಳಿ ಘಾಲ್ನ್‌ ತುಮ್ಚೆಂ ಉದಾರ್ ಮನ್ ದಾಖವ್ನ್ ದುಡ್ವಾ ಕುಮಕ್ ದೀಂವ್ಕ್ ವಿನಂತಿ. ತಶೆಂಚ್ ಫಿರ್ಜೆಂತ್, ಮುಡ್ದೊಮ್ ಆನಿ ಆಧಾರಿ ಫಿರ್ಜೆಂತ್ ರಾವೊನ್ ಫಿರ್ಗಜ್ ಫೆಸ್ತಾಕ್ ಆಧಾರ್ ದೀಂವ್ಕ್ ವಿನಂತಿ ಕರ್ತಾಂವ್.
  •  ಹೆಂ ವರಸ್ ಭುರ್ಗ್ಯಾಂಚೆಂ ವರಸ್ ದೆಕುನ್ ನವೆಂಬರ್ 27 ತಾರಿಕೆರ್ ಸುಕ್ರಾರಾ ಭುರ್ಗ್ಯಾಂಕ್ ಮುಲ್ಕಿ ಲಾಗ್ಸಾ‌ರ್ ಆಸ್ಚ್ಯಾ ಕೆರೆಬಿಯನ್ ಬೀಚ್ ರೆಸೊರ್ಟಾಂತ್ ಪಿಕ್ನಿಕ್ ದವರ್ಲಾಂ. ಎಕಾ ಭುರ್ಗ್ಯಾ ಪಾಟ್ಲ್ಯಾನ್ ಸುಮಾರ್ ರು. 800/- ಥಾವ್ನ್ 900/- ಖರ್ಚ್ ಜಾತಾ ತರೀ ಚವ್ತ್ಯಾ, ಕ್ಲಾಸಿ ಥಾವ್ನ್ ಸಾತ್ವ್ಯಾ ಕ್ಲಾಸಿ ಪರ್ಯಾಂತ್ ರು. 400/- ಆನಿ ಆಟ್ವ್ಯಾ ಕ್ಲಾಸಿ ಥಾವ್ನ್ ಪಿಯುಸಿ ಪರ್ಯಾಂತ್ ಭುರ್ಗ್ಯಾಂಕ್ ರು. 650/- ಫಾರಿಕ್ ಕರುಂಕ್ ಆಸಾ. ಪಿಕ್ನಿಕಾಂಕ್ ವೆತೆಲ್ಯಾ ಭುರ್ಗ್ಯಾಂಚಿ ನಾಂವಾಂ ಯೆತಾತ್ಯಾ ಆಯ್ತಾರಾ ಭಿತ‌ರ್ ದೊತೊರ್ನ್ ಶಿಕಂವ್ಚ್ಯಾ ಟಿಚೇರಿಲಾಗಿಂ ದಿಂವ್ಚಿಂ. ಕೊಣಾಕ್ ಐವಜ್ ದೀಂವ್ಕ್ ಕಷ್ಟ್ ಜಾತಾತ್ ತಾಣಿಂ ವಿಗಾರಾಕ್ ಮೆಳ್ಚೆಂ.
  • ಡಿಸೆಂಬರ್ 6 ತಾರಿಕೆರ್ ಆಯ್ತಾರಾ ಫಿರ್ಗಜ್ ದಿಸಾ ತರ್ಫೆನ್ ಆಕರ್ಷಿತ್ ಖೆಳ್ ಮಾಂಡುನ್ ಹಾಡ್ಲ್ಯಾತ್. ಖೆಳಾ ಸಮಿತಿ ಜಾಯಿತ್ತೊ ವಾವ್ರ್ ಕರ್ನ್ ಸರ್ವ್ ರಿತಿಚಿ ತಯಾರಾಯ್ ಕರ್ತಾ, ದೆಕುನ್ ಗುರ್ಕಾರಾಂನಿ ತಶೆಂ ವಾಡ್ಯಾ ಪ್ರತಿನಿಧಿಂನಿ ತಾಂಚಾ ತಾಂಚಾಂ ವಾಡ್ಯಾ ಥಾವ್ನ್ ಜಾತಾ ತಿತ್ಲ್ಯಾ ಜಣಾಂನಿ ಪಾತ್ರ್‌ ಘೆಂವ್ಕ್ ಮಾಂಡಾವಳ್ ಕರುಂಕ್ ಉಲೊ ದಿತಾಂ.
  • ಯೆತಾತ್ಯಾ ಮಂಗ್ಳರಾ 10 ತಾರಿಕೆರ್ ಬಂಟ್ವಾಳ್ ವಾರಾಡ್ಯಾ ಮಟ್ಟಾರ್ ವೈ.ಸಿ.ಎಸ್. ಭುರ್ಗ್ಯಾಂಕ್ ಎಮ್ಮಾವ್ಸ್ ನಾಂವಾಂ ಖಾಲ್ ಮಾಗ್ಣೆಂ, ಆರಾಧನ್ ಸಾಂಜೆರ್ 3.45 ವೊರಾರ್ ಫರ್ಲಾ, ವೆಲಂಕಣಿ ಇಗರ್ಜೆಂತ್ ಮಾಂಡುನ್ ಹಾಡ್ಲಾಂ. ಸರ್ವ್ ವೈ.ಸಿ.ಎಸ್. ಭುರ್ಗ್ಯಾಂನಿ ಹಾಂತುಂ ಚುಕಾನಾಸ್ತಾನಾ ವಾಂಟೊ ಘೆಂವ್ಕ್‌ ಉಲೊ ದಿತಾಂವ್.
  • ಕೊಂಕಣಿ ನಿರಂತರಿ ಪಯ್ಲೊ ವಿಶ್ವ ಕೊಂಕ್ಲಿ ಸಂಗೀತ್ ಮಹಾಮೇಳ್ ಹಾಂತುಂ ಒಮ್ಜೂರ್ಚೆ ದಿಂಡೆ ಮಾನಾಯ್ ನಾಂವಾರ್ ಒಮ್ಜೂರ್ ಗಾಯನ್ ಕರ್ಪಿ ವಾಂಟೊ ಘೆತಾತ್.ಪೊರ್ವಾ೦ ನವೆಂಬರ್ 15 ತಾರಿಕೆರ್ ಸಕಾಳಿಂ 5.00 ವೊರಾರ್ ತಾಂಚೆಂ ಪ್ರದರ್ಶನ್ ಆಸ್ತೆಲೆಂ . ತಾಂಕಾಂ ಸರ್ವ್ ಬರೆಂ ಮಾಗ್ತಾನಾ, ತುಮಿಂಯೀ ಫಿರ್ಗಜ್‌ಗಾರಾಂನಿ ಹ್ಯಾ ಸಂಭ್ರಮಾಂತ್ ವಾಂಟೊ ಘೆವ್ನ್ ಪ್ರೋತ್ಸಾಹ್ ದಿಂವ್ಚ್ಯಾಕ್ ಉಲೊ ದಿತಾಂ.
  • ನವೆಂಬರ್ 29 ತಾರಿಕೆರ್ ಆಯ್ತಾರಾ ಬಂಟ್ವಾಳ್ ಮೊಡಂಕಾಪ್ ಇಗರ್ಜೆಂತ್ ಸಕಾಳಿಂಚಾ 11.30 ವೊರಾರ್ ಹಿಂದಿ ಭಾಷೆನ್ ಮೀಸ್ ಆಸಾ ಕೆಲಾಂ. ಉತ್ತರ್ ಭಾರತಾ ಥಾವ್ನ್, ಜಾರ್ಕಂಡ್, ಒರಿಸ್ಸಾ, ಬಿಹಾರ್ ಆನಿ ಇತರ್ ರಾಜ್ಯ್‌ ಥಾವ್ನ್ ಹಾಂಗಾಸರ್ ವಾವ್ರ್ ಕರ್ಚ್ಯಾ ಕಥೊಲಿಕ್ ಕ್ರಿಸ್ತಾಂವಾಂಕ್ ಹಿ ಖಬರ್ ತಿಳ್ಸುಂಕ್ ವಿನಂತಿ.
  • ಐ.ಸಿ.ವೈ.ಎಂ. ಒಮ್ಜೂರ್ ಘಟಕ್ ಗರ್ದನಾ ಗೊಟೊ ಆನಿ ಕ್ರಿಸ್ಮಸ್ ಸ್ಟಾರ್ ಸ್ಪರ್ಧೆ ಮಾಂಡುನ್ ಹಾಡ್ತಾ. ಹಾಚಿ ನಿಯಾಮಾಂ ವಾಟ್ಸಾಪ್ ಮುಖಾಂತ್ರ್ ತುಮ್ಕಾಂ ಧಾಡ್ತಲ್ಯಾಂವ್. ತುಮಿ ತುಮ್ಚಿಂ ನಾಂವಾಂ ಡಿಸೆಂಬರ್ 19 ತಾರಿಕೆ ಭಿತರ್ ಫಿರ್ಗಜ್ ಧಪ್ತರಾಕ್ ದೀಂವ್ಕ್ ವಿನಂತಿ. ಚಡಿತ್ ವಿವರಾಕ್ ಐ.ಸಿ.ವೈ.ಎಂ. ಅಧ್ಯಕ್ಷ್ ವಾ ಕಾರ್ಯದರ್ಶಿಕ್ ಸಂಪರ್ಕ್ ‌ಕರ್ಚೊ.

✝️ Liturgy Details

14/11/2026-ಸನ್ವಾರಾ ಸಾಂಜೆರ್‌ 4:30-ಮೇರಮಜಲ್‌ ದುಸ್ರೊ ಬಾಳೊಕ್ ಜೆಜು ವಾಡೊ
15/11/2026-ಆಯ್ತಾರಾ ಸಾಕಾಳಿಂ 7:30-ಅರ್ಕುಳ ದುಸ್ರೊ ಬಾಳೊಕ್‌ ಮರಿ ವಾಡೊ
15/11/2026-ಆಯ್ತಾರಾ ಸಾಕಾಳಿಂ 10:00-5ವಿ ಕ್ಲಾಸ್

🏘️ Ward Meetings

NameDateTimeVenueRemarks
ಕಂಪ-ನಿತ್ಯಾಧರ್‌ ಸಾಯ್ಭಿಣ್‌ ವಾಡೊ08/11/20264:00PMಮಾನೆಸ್ತ್‌ ಲ್ಯಾನ್ಸಿ ಸಲ್ಡಾನ್ಹಾಚ್ಯಾ ಘರಾ
ಪಡು-ಮರಿಯೆಚೆ ಖತಾವಿಣ್‌ ಕಾಳಿಜ್ ವಾಡೊ08/11/20264:00PMಮಾನೆಸ್ತ್‌ ಜೆ.ಬಿ ಸಿಕ್ವೇರಾಚ್ಯಾ ಘರಾ
ಫರಂಗಿಪೇಟ್- ಸಾಂತ್‌ ಫ್ರಾನ್ಸಿಸ್‌ ಆಸಿಸ್ಸಿ ವಾಡೊ08/11/202604:30PMಮಾನೆಸ್ತ್‌ ವಾಲ್ಟರ್‌ ಡಿಸೋಜಾಚ್ಯಾ ಘರಾ
ಅರ್ಕುಳ ಪಯ್ಲೊ-ಸಾಂತ್‌ ಆನ್ನಾ ವಾಡೊ08/11/202604:30PMಮಾನೆಸ್ತ್‌ ಮೌರಿಸ್‌ ಲೋಬೊಚ್ಯಾ ಘರಾ

👥 Association Meetings

NameDateTimeVenueRemarks
ಕಥೊಲಿಕ್‌ ಸಭಾ08/11/20269:00 AM
ಐ.ಸಿ.ವೈ.ಎಂ08/11/20269:00 AM
Scroll to Top