• ಆಜ್ ಮಹಿನ್ಯಾಚೊ ಪಯ್ಲೊ ಆಯ್ತಾರ್ ಸಕಾಳಿಂ ಮೀಸಾ ಉಪ್ರಾಂತ್ ಸಾಕ್ರಾಮೆಂತಾಚೆಂ ಆರಾಧನ್.
• ಆಜ್ ಸಕಾಳಿಂ ಮೀಸಾ ಉಪ್ರಾಂತ್ ಆಮ್ಚ್ಯಾ ಸಭಾ ಸಲಾಂತ್ ಸವ್ಯಾ ಕ್ಲಾಸಿಚಾ ಭುರ್ಗ್ಯಾ೦ ಥಾವ್ನ್‌ ಪಿಯುಸಿ ಪರ್ಯಾಂತ್ಲ್ಯಾ ಭುರ್ಗ್ಯಾಂಕ್ ಶಿಕ್ಪಾ ಶಿಬಿರ್ ಮಾಂಡುನ್ ಹಾಡ್ಲಾಂ.
• ಗೆಲೆತ್ಯಾ ಆಯ್ತಾರಾ ಲ್ಹಾನ್ ಕ್ರಿಸ್ತಾಂವ್ ಕೋರ್ ಸಮಿತಿಚಾ ಮೀಟಿಂಗಾ ವೆಳಾರ್ ಗುರ್ಕಾರ್, ಪ್ರತಿನಿಧಿ ಆನಿ ವಾಡ್ಯಾ ಸಮಿತಿಚಾ ಸಾಂದ್ಯಾಂನಿ 2027 ಜನವರಿ ಸಮುದಾಯ್ ದೀಸ್ ಆನಿ ತಾಕಾ ಸಂಬಂಧ್ ಜಾಲ್ಲಿ ಇತರ್ ಕಾರ್ಯಿಂ ಹ್ಯಾ ವರ್ಸಾ೦ ಕರ್ಚಿ೦ ನಾಕಾತ್ ಬದ್ಲಾಕ್ ಜನವರಿಚಾ ತಿಸ್ರ್ಯಾ ಆಯ್ತಾರಾ ಸಂಭ್ರಮಿಕ್ ಮೀಸ್ ಆನಿ ಹಾಜರ್ ಆಸ್‌ಲ್ಲ್ಯಾ ಲೊಕಾಕ್ ಬ್ರೇಕ್‌ಫಾಸ್ಟ್ ದಿಂವ್ಚೊ ನಿರ್ಣಯ್ ಕೆಲಾ ಆನಿ ಹೊ ವಿಷಯ್ ಲೊಕಾಕ್ ತಿಳ್ಸುಂಕ್ ವಿಗಾರಾಲಾಗಿಂ ಕೋರ್ ಸಮಿತಿನ್ ವಿನಂತಿ ಕೆಲ್ಯಾ.
• ಯೆತಾತ್ಯಾ ಆಯ್ತಾರಾ ಸಕಾಳಿಂ ಪಯ್ಲ್ಯಾ ಮಿಸಾ ಉಪ್ರಾಂತ್ ಇಗರ್ಜೆ ಮಿನಿ ಹೊಲಾಂತ್ ಗೊವ್ಳಿಕ್‌ ಪರಿಷದ್ ಮೀಟಿಂಗ್ ಆಸಾ. ವಿಷಯ್ ಮೊಂತಿ ಫೆಸ್ತ್, ಮಿಸಾಂವ್ ಆಯ್ತಾರ್ ತಶೆಂಚ್ ಸಂಘಟನಾಂನಿ‌ ತಾಂಚಾ ವಾವ್ರಾಚೊ ವಿವರ್ ದೀಂವ್ಕ್ ಆವ್ಕಾಸ್ ಆಸ್ತಲೊ. ಸರ್ವ್ ಸಾಂದ್ಯಾಂನಿ ಹಾಜರ್ ಜಾಂವ್ಕ್‌ ವಿನಂತಿ.
• ಗೆಲೆತ್ಯಾ ಆಯ್ತಾರಾ ಕಂಪ ನಿತ್ಯಾಧ‌ರ್ ಸಾಯ್ಭಿಣ್ ವಾಡ್ಯಾಚೊ ದೀಸ್ ಭೋವ್ ಸಂಭ್ರಮಾನ್ ಆಚರಣ್‌ ಕೆಲೊ.ವಾಡ್ಯಾಂತ್ ಸಕ್ಕಡ್ ಕುಟ್ಮಾಚಿ ಹಾಜರ್ ಆಸೊನ್ ಭುರ್ಗ್ಯಾಂನಿ ಸಕ್ರೀಯ್ ವಾಂಟೊ ಘೆತ್ಲಾ . ಕಾರ್ಯಾಚಿ ಬರಿ ಮಾಂಡಾವಳ್ ಕೆಲ್ಲ್ಯಾ ವಾಡ್ಯಾ ಗುರ್ಕಾರ್ನಿಕ್, ವಾಡ್ಯಾ ಪ್ರತಿನಿಧಿಂಕ್ ಆನಿ ವಾಡ್ಯಾಗಾರಾಂಕ್ ಉಲ್ಲಾಸಿತಾಂವ್ ಆನಿ ದೆವಾಚಿ ಆಶೀರ್ವಾದಾಂ ಮಾಗ್ತಾಂವ್.
• ಆಮಿ ಪ್ರಕೃತಿ, ಆಮ್ಚೆಂ ಘರ್ ಆನಿ ಪ್ರಕೃತಿ ರಾಕೊನ್ ವರ್ಚೆಂ ಏಕ್ ಭೋವ್ ವರ್ತೆ೦ ಕಾಮ್. ಹ್ಯಾ ದಿಶೆನ್ ಮೀಸ್ ಜಾಲ್ಯಾ ಉಪ್ರಾಂತ್ ಇಸ್ಕೊಲಾಚಾ ಮೈದಾನಾರ್ ಲಾವ್ದಾತೊ ಸಿ. ಮ್ಹಣ್ಚೆಂ ಪರಿಸರ್ ರಾಕೊನ್ ವ್ಹರ್ಚೆಂ ವಿಶಿಂ ಮಟ್ವೆಂ ಕಾರ್ಯೆಂ ಕಥೋಲಿಕ್ ಸಭಾ, ಐ.ಸಿ.ವೈ.ಎಂ. ಆನಿ ಪರಿಸರ್‌ ಆಯೋಗಾಚಾ ಮುಖೆಲ್ಪಣಾಖಾಲ್ ಮಾಂಡುನ್ ಹಾಡ್ಲಾಂ. ಹೆಂ ಕಾರ್ಯೆಂ ಕೇವಲ್ 10 ಮಿನುಟಾಂಭರ್ ಆಸ್ತೆಲೆಂ ಉಪ್ರಾಂತ್ ಕುಟ್ಮಾಕ್ ಎಕಾ ಲೆಕಾನ್ ಝಡಾಂ ವಿತರಣ್ ಕರ್ತಾತ್. ತುಮ್ಚೊ ಸರ್ವಾಂಚೊ ಸಹಕಾರ್ ಆಶೆತಾಂವ್.
• ಕಥೊಲಿಕ್ ವಿದ್ಯಾಬೊರ್ಡಾಚಾ ಅಧೀನ್ ಆಸ್ಚಾ ಕಾಲೆಜಿಂತ್ ಪಿಯುಸಿ ಪಯ್ಲ್ಯಾ ವರ್ಸಾಂತ್ ಶಿಕ್ಚಾ ಭುರ್ಗ್ಯಾಂಕ್ ಸ್ಕೊಲಾರ್‌ಶಿಫ್ ಮೆಳ್ತಾ ಆನಿ ತಾಚಿ ಪೊರ್ಮಾ೦ ತ್ಯಾ ತ್ಯಾ ಕೊಲೆಜಿಚಾ ಅಫಿಸಾಂತ್ ಮೆಳ್ತಾತ್. ಪೊರ್ಮಾ೦ ಭರ್ತಿ ಕರ್ನ್‌ ದೀಂವ್ಕ್ ನಿಮಾಣಿಂ ತಾರೀಕ್ ಜುಲಾಯಿ 20.

11/07/2026- ಸನ್ವಾರಾ ಸಾಂಜೆರ್‌ 4:30-ತೇವ್‌ ಕಾಡ್‌ ವೆಲಂಕಣಿ ಸಾಯ್ಬಿಣ್‌ ವಾಡೊ
12/07/2026-ಆಯ್ತಾರಾ ಸಾಕಾಳಿಂ 7:30- ಬಾಡೂರ್‌ ಸಾಂತ್‌ ಬೊಸ್ತ್ಯಾಂವ್‌ ವಾಡೊ
12/07/2026-ಆಯ್ತಾರಾ ಸಾಕಾಳಿಂ 10:00- 10ವಿ ಕ್ಲಾಸ್