ಸಾಂ ವಿಶೆಂತ್ ಪಾವ್ಲ್ ಸಭೆನ್ ಆಪ್ಲಿ ವಾರ್ಷಿಕ್ ಪರಬ್ ಹ್ಯಾಚ್ ಸಪ್ಟೆಂಬರ್ 27, 2026 ವೆರ್ ಚಲಯ್ಲಿ. ಸಕಾಳಿಂಚ್ಯಾ ಅರ್ಗಾಂ ಬಲಿದಾನಾ ಸವೆಂ ಫೆಸ್ತಾಚೆಂ ಕಾರ್ಯೆಂ ಆರಂಬ್ ಜಾಲೆಂ. ಮಿಸಾ ಉಪ್ರಾಂತ್ ಸಭಾ ಕಾರ್ಯೆಚೆಂ ಅಧ್ಯಕ್ಷ್‌ಪಣ್ ವಸ್ತೆ ಯಾಜಕ್ ಮಾl ಬಾl ರಾಹುಲ್ ಡೆಕ್ಸ್ಟರ್ ಡಿಸೋಜಾನ್ ಫೆತ್‌ಲ್ಲೆಂ. ಸಭೆಚೊ ಅಧ್ಯಕ್ಷ್ ಭಾವ್ ಜೇಮ್ಸ್ ಲುವಿಸಾನ್ ಸಯ್ರ್ಯಾಂಕ್ ಸ್ವಾಗತ್ ಕೆಲೊ. ಹ್ಯಾ ವೆಳಾರ್ 90 ವರ್ಸಾಂ ಸಂಪಯಿಲ್ಲೊ ಸಭೆಚೊ ನಿವೃತ್ ಸಾಂದೊ ಭಾವ್ ಕ್ರಿಸ್ಟೋಫರ್ ಸಲ್ಡಾನ್ಹಾಕ್ ಸನ್ಮಾನ್ ಕೆಲೊ. ಸಭೆಕ್ ದಾನ್ ದಿಲ್ಲ್ಯಾಂ ಪಯ್ಕಿ ಶ್ರೀಮತಿ ಫ್ಲೋರಿನ್ ಡಿಸೋಜಾನ್ ಸಭೆಚ್ಯಾ ವಾವ್ರಾಕ್ ಶಾಭಾಸ್ಕಿ ಪಾಟಯ್ಲಿ. ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಶ್ರೀ ಆರ್ಥರ್‌ ಡಿಸೋಜಾ ಹಾಣೆ ಸಭೆಕ್ ಬರೆಂ ಮಾಗ್ಲೆಂ. ಉಪ್ರಾಂತ್ ಬಾಪ್ ರಾಹುಲ್ ಹಾಣಿಂ ದಾನಿಂಕ್, ಗುರ್ಕಾರಾಂಕ್ ಉಡಾಸಾಚಿ ಕಾಣಿಕ್ ದೀವ್ನ್ ಫೆಸ್ತಾಚೊ ಸಂದೇಶ್ ದಿಲೊ. ಕಾರ್ಯದರ್ಶಿ ಭಯ್ಣ್ ಡೆಲ್ಫಿನ್ ಲೋಬೊ ಹಿಣೆಂ ಆದ್ಲ್ಯಾ ವರ್ಸಾಚಿ ವರ್ದಿ ವಾಚ್ಲಿ. ಭಯ್ಣ್ ಸಿಂತಿಯಾ ಲೋಬೊ ಹಿಣೆಂ ಸನ್ಮಾನಿತ್ ವೆಕ್ತಿಚಿ ಒಳೊಕ್ ಕರ್ನ್ ಬರೆಂ ಮಾಗ್ಲೆಂ. ಖಜಾನ್ದಾರ್ ಭಾವ್ ವಲೇರಿಯನ್ ಅರಾನ್ಹಾ ಹಾಣೆ ದಾನಿಂಚೊ ವಿವರ್ ದಿಲೊ. ಉಪಾಧ್ಯಕ್ಷಿಣ್ ಭಯ್ಣ್ ಲಿಲ್ಲಿ ಡಿಸೋಜಾ ಹಿಣೆಂ ವಂದಿಲೆಂ.
ವೆದಿರ್ ಬಾಪ್ ರಾಹುಲ್ ಡೆಕ್ಸ್ಟರ್ ಡಿಸೋಜ, ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಶ್ರೀ ಆರ್ಥರ್ ಡಿಸೋಜ, ಕಾರ್ಯದರ್ಶಿ ಶ್ರೀಮತಿ ಡ್ಯಾಫ್ನಿ ಲುವಿಸ್ , ಆಯೋಗ್ ಸಂಯೋಜಕ್ ಶ್ರೀ ಎಲ್ರೋಯ್ ಸಲ್ಡಾನ್ಹಾ, ಕೊವೆಂತಾಚಿ ಭಯ್ಣ್ ವಿನಿತಾ ಡಿಸೋಜ, ಸಭೆಚೊ ಅಧ್ಯಕ್ಷ್ ಜೇಮ್ಸ್ ಲುವಿಸ್ , ಕಾರ್ಯದರ್ಶಿ ಭಯ್ಣ್ ಡೆಲ್ಫಿನ್ ಲೋಬೊ ಆನಿ ಖಜಾನ್ದಾರ್ ಭಾವ್ ವಲೇರಿಯನ್ ಆರಾನ್ಹಾ ಹಾಜರ್ ಆಸ್‌ಲ್ಲಿಂ.
ಕಾರ್ಯೆಂ ಭಾವ್ ಸಂತೋಷ್ ಲೋಬೊ ಹಾಣೆ ಚಲವ್ನ್ ವ್ಹೆಲೆಂ.