• ಆಜ್ ಸಕಾಳಿಂ ಮೀಸಾ ಉಪ್ರಾಂತ್ ಫಿರ್ಗಜೆಚಾ ಸರ್ವ್ ಯುವಜಣಾಂ ಖಾತಿರ್‌ ಯುವ ಇಗ್ನೆಯ್ಟ್ ಕಾರ್ಯೆಂ ಮಾಂಡುನ್ ಹಾಡ್ಲಾಂ. ಸಕಾಳಿಂಚಾ ಆದೆಸಾರ್ ತರ್ಭೆತಿ ಆನಿ ದನ್ಪರಾಂ ಜೆವ್ಣಾ ಉಪ್ರಾಂತ್ ಖೆಳ್ ಆನಿ ಮನೋರಂಜನ್ ಆಸಾ. ಫಿರ್ಗಜೆಚಾ ಸರ್ವ್ ಯುವಜಣಾಂನಿ ವಾಂಟೊ ಘೆಂವ್ಕ್ ವಿನಂತಿ ಕರ್ತಾಂವ್.
• ಯೆತೆತ್ಯಾ ಸನ್ವಾರಾ ಆಗೋಸ್ತ್ 15 ತಾರಿಕೆರ್ ಅಸುಂಸಾವ್ ಸಾಯ್ಬಿಣಿಚೆಂ ಫೆಸ್ತ್ ಮ್ಹಳ್ಯಾರ್ ಮರ್ಯೆಕ್ ಸರ್ಗಾಕ್ ಉಬಾರ್ನ್ ವ್ಹೆಲ್ಲೆಂ ಫೆಸ್ತ್. ಆನಿ ಆಮ್ಚ್ಯಾ ರಾಷ್ಟ್ರಾಚೊ ಸ್ವಾತಂತ್ರ್ಯೋತ್ಸವ್ ಸಂಭ್ರಮ್. ಹ್ಯಾ ಫೆಸ್ತ್ ಮೀಸಾಂತ್ ವಾಂಟೊ ಘೆವ್ನ್ ಸೊಂತಾಚೊ ಕಾಯ್ದೊ ಪಾಳುಂಕ್ ಆಸಾ. ದೆಕುನ್ ತುಮಿ ವ್ಹಡಾ ಸಂಖ್ಯಾನ್ ಮೀಸಾ ಸಂಭ್ರಮಾಂತ್ ವಾಂಟೊ ಫೆವ್ನ್ ಆಮ್ಚ್ಯಾ ರಾಷ್ಟ್ರಾ ಖಾತಿರ್ ಮಾಗುಂಕ್ ಉಲೊ ದಿತಾ. ಸುಕ್ರಾರಾ ಸಾಂಜೆರ್ 4.30 ವೊರಾರ್ ಸೊಂತಾಚೆಂ ಮಿಸ್ ಆಸಾ. ಸನ್ವಾರಾ ಸಕಾಳಿಂ 7.30 ವೊರಾಂಚೆರ್ ಸಂಭ್ರಮಿಕ್ ಮೀಸಾ ಬಲಿದಾನ್ ಉಪ್ರಾಂತ್ ಇಸ್ಕೊಲಾಚ್ಯಾ ಮೈದಾನಾ‌ರ್ ಬಾವ್ಟೊ ಉಬಾರ್ಚೆಂ ಕಾರ್ಯೆ೦ ಆನಿ ಇತರ್ ಕಾರ್ಯೆಂ ಆಸಾ. ಧ್ವಜಾರೋಹಣ್ ಆನಿ ಮುಖೆಲ್ ಸಯ್ರ್ಯಾಚೆಂ ಭಾಷಣ್ ಜಾತಾ ಪರ್ಯಾಂತ್ ತುಮಿ ಸರ್ವಾಂನಿ ರಾವೊನ್ ರಾಷ್ಟ್ರ್‌ ಧ್ವಜಾಕ್ ಗೌರವ್ ದೀಂವ್ಕ್ ಉಲೊ ದಿತಾ, ಉಪ್ರಾಂತ್ ಫಿರ್ಗಜ್ ಗಾರಾಂಕ್ ಗೊಡ್ಶೆಂ ವಾಂಟ್ತಾತ್, ಉಪ್ರಾಂತ್ ಭುರ್ಗ್ಯಾಂ ಥಾವ್ನ್ ಸಾಂಸ್ಕೃತಿಕ್ ಕಾರ್ಯೆಂ ಆಸ್ತೆಲೆಂ.
• ಆಗೋಸ್ಟ್ 15 ತಾರಿಕೆರ್ ಕಥೋಲಿಕ್ ಸಭಾ, ಐ.ಸಿ.ವೈ.ಎಮ್ ಆನಿ ವೈ.ಸಿ.ಎಸ್ ಸಾಂದೆ ಬೆಳ್ತಂಗಡಿಚಾ ಸಿಯೊನ್ ಆಶ್ರಮಾಕ್ ಭೆಟ್ ದಿತಾತ್. ಸಿಯೊನ್ ಆಶ್ರಮ್ ಸುಮಾರ್ 300 ಮಾನಸಿಕ್ ಪಿಡೆಸ್ತಾಂಕ್ ಆಧಾರ್ ದೀವ್ನ್ ಆಸಾ. ತಾಂಕಾಂ ಕುಮಕ್ ಜಾವ್ನ್ ವಸ್ತು ದೀಂವ್ಕ್ ವಿನಂತಿ ಕರ್ತಾಂ.
• ಯೆತಾತ್ಯಾ ಸನ್ವಾರಾ ಆಗೋಸ್ತ್ 15 ತಾರಿಕೆರ್ ಸಾಂಜೆರ್ ಮೀಸ್ ನಾ. ಆಯ್ತಾರಾ ಸಕಾಳಿಂ ಪಯ್ಲ್ಯಾ ಮೀಸಾ ಉಪ್ರಾಂತ್ ಫಿರ್ಗಜ್ ಸಭಾ ಸಾಲಾಂತ್ ಗೊವ್ಳಿಕ್ ಪರಿಷದ್, ಆರ್ಥಿಕ್ ಪರಿಷದ್ ಆನಿ ಸರ್ವ್ ಆಯೋಗಾಂಚಾ ಸಾಂದ್ಯಾಂಕ್ ತರ್ಭೆತಿ ಕಾರ್ಯೆಂ ಮಾಂಡುನ್ ಹಾಡ್ಲಾಂ. ಶಿಬಿರ್ ದೇಡ್ ವೊರಾಚೆಂ ಆಸ್ತೆಲೆಂ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾನಾ ಹಾಜರ್ ಜಾಂವ್ಚೆಂ.
• ಯೆತಾತ್ಯಾ ಆಯ್ತಾರಾ ದೊತೊರ್ನ್ ಶಿಕವ್ಚಿಂ ಶಿಕ್ಷಕಿ  ಕೊಣ್ ಗೊವ್ಳಿಕ್ ಪರಿಷದೆಂತ್ ಆಸಾತ್ ತಾಂಕಾಂ ತರ್ಭೆತಿ ಶಿಬಿರಾಂತ್ ಹಾಜರ್ ಜಾಂವ್ಕ್ ಆಸ್ಲೆಲ್ಯೆ ವರ್ವಿಂ ಭುರ್ಗ್ಯಾಂಕ್ ದೊತೊರ್ನ್ ಆಸ್ಚಿನಾ.
• ಗೊವ್ಳಿಬಾಪಾಂಚಾಂ ಆದೇಶಾ ಪರ್ಮಾಣೆಂ ಆಸುಂಸಾಂವ್ ಫೆಸ್ತಾ ಸಂಭ್ರಮಾಚಾ ಮಿಸಾರ್ ಥಾವ್ನ್ ಇಗರ್ಜ್ ಮಾತೆಚಾ ಜೊಕ್ತ್ಯಾ ಪದ್ವೆನ್ ಮಾನುನ್ ಘೆತ್ಲಲೊ ಸುಧಾರಿತ್ ರೋಮಿ ಮೀಸಾ ಗ್ರಂಥ್ ಲಿತುರ್ಜಿಕ್ ಸಂಭ್ರಮಾಕ್ ವಾಪಾರುಂಕ್ ಉಲೊ ದಿಲಾ ದೆಕುನ್ ತ್ಯಾ ದಿಸಾ ಥಾವ್ನ್ ಮಿಸಾಚಾ ಬಲಿದಾನಾವೆಳಾ‌ರ್ ಆಮಿ ಉಪಯೋಗ್ ಕರ್ತಾಂವ್. ಹ್ಯಾ ವಿಶಿಂ ಎದೊಳ್‌ಚ್ ತರ್ಭೆತಿ ದಿಲ್ಯಾ. ಕೊಯೆರ್ ಪಂಗಡ್ ಮಿಸಾರ್ ಜಾಪಿ ದೀಂವ್ಕ್ ಕುಮಕ್ ಕರ್ತೆಲಿಂ. ತಶೆಂ ಮೀಸಾ ವೆಳಾರ್ ಜೊಕ್ತ್ಯೊ ಜಾಪಿ ದೀಂವ್ಕ್ ಇಗರ್ಜೆಂತ್ ಟಿವಿ ಪಡ್ದ್ಯಾಚೆರ್ ಘಾಲ್ತಾಂವ್. ಹ್ಯಾ ದಿಶೆನ್ ಸುಮಾರ್ 50 ಪುಸ್ತಕಾ ಇಗರ್ಜೆಂತ್ ಮುಖ್ಲ್ಯಾ ಬಾಂಕಾಂನಿ ದವರ್ತಾಂವ್‌ . ಹಪ್ತ್ಯಾಮಧೆಂ ಮಿಸಾಕ್ ತೆ ಬೂಕ್ ಉಪ್ಕಾರ್ತೆಲೆ. ತೆ ಬೂಕ್ ಕೊಣೆಂಯ್ ಇಗರ್ಜೆ ಭಾಯ್ರ್ ವ್ಹರುಂಕ್ ನ್ಹಜೊ ಮ್ಹಣ್ ಉಲೊ ದಿತಾಂವ್.
• ಆಮ್ಚಿ ಪ್ರಕೃತಿ ರಾಕ್ಚೆ ಖಾತಿ‌ರ್- ‘For Our Survial’ – Oath Campaign – (‘ ನಮ್ಮ ಉಳಿವಿಗಾಗಿ ಪ್ರತಿಜ್ಞಾ ಅಭಿಯಾನ) ಮ್ಹಳ್ಳ್ಯಾ ನಾಂವಾನ್ ಏಕ್ ಯೋಜನ್ ದಿಯೆಸೆಜಿ ಮಟ್ಟಾರ್ ಮಾಂಡುನ್ ಹಾಡ್ಲಾಂ. ತಿಂ ಫೊರ್ಮಾ೦ ಫೋರ್ಟಿಕೊಂತ್ ಆಸಾತ್. ಸಪ್ತೆಂಬರಾಚಾ ಅಕೇರಿ ಭಿತರ್ ತಿಂ ದಸ್ಕತ್ ಘಾಲ್ನ್ ಪಾಟಿಂ ದೀಂವ್ಕ್ ಆಸಾತ್. ವಿಜೇತಾಂಕ್ ಏಕ್ ಲಾಖ್ ರುಪಯ್ ಬಹುಮಾನ್ ಲಾಬ್ತಾ. ಹ್ಯಾ ವಿಶಿಂ ಚಡಿತ್ ವಿವರ್ ನೋಟಿಸ್ ಬೋರ್ಡಾರ್ ಆಸಾ.
• ಗೆಲೆತ್ಯಾ ಹಪ್ತ್ಯಾಂತ್ ಮೇರಮಜಲ್ ದುಸ್ರೊ ಬಾಳೊಕ್ ಜೆಜು ವಾಡ್ಯಾಚೊ ಸಾಲ್ವದೊರ್ ಲೋಬೊ ಆನಿ ಬಾಡೂರ್‌ ಕಾನಾ ಸಾಂತ್ ಲೊರೆನ್ಸ್ ವಾಡ್ಯಾಚಿ ಲಿಲ್ಲಿ ಲೋಬೊ ಆನಿ ತಶೆಂಚ್ ಗೊವ್ಳಿಕ್ ಪರಿಷದೆಚಿ ಕಾರ್ಯದರ್ಶಿ ಡ್ಯಾಫ್ನಿ ಲುವಿಸ್ ಹಿಚೊ ಬಾಪಯ್ ಜೋಸ್ ಡಿಸೋಜ ದೆವಾಧೀನ್ ಜಾಲ್ಯಾಂತ್. ತಾಂಚಾ ಆತ್ಮ್ಯಾಕ್ ಶಾಂತಿ ಮಾಗ್ತಾಂವ್ ಆನಿ ದುಖೇಸ್ತ್ ಕುಟ್ಮಾಕ್ ಭುಜಯ್ತಾಂವ್.

15/08/2026- ಸನ್ವಾರಾ ಸಾಕಾಳಿಂ 7:30-ಸ್ತ್ರೀ ಸಂಘಟನ್
16/08/2026-ಆಯ್ತಾರಾ ಸಾಕಾಳಿಂ 7:30- ತೇವ್‌ಕಾಡ್‌ ವೆಲಂಕಣಿ ಸಾಯ್ಭಿಣ್‌ ವಾಡೊ-ವಾಡ್ಯಾ ಫೆಸ್ತಾಚಿ ಲಿತುರ್ಜಿ
16/08/2026-ಆಯ್ತಾರಾ ಸಾಕಾಳಿಂ 10:00- ತೇರ್ಸಿಯಾರಿ

ಹ್ಯಾ ಹಪ್ತ್ಯಾಂತ್ ಫೆಸ್ತಾಂ ಸೊಮಾರಾ 10 ತಾರಿಕೆರ್ ಸಾಂ ಲೋರೆನ್ಸ್ ಮಾಡ್ತಿರಾಚೆಂ ಫೆಸ್ತ್. ಮಂಗ್ಳರಾ 11 ತಾರಿಕೆರ್ ಭಾಗೆವಂತ್ ಕ್ಲಾರಾಚೆಂ ಸ್ಮರಣ್.