• ಆಜ್ ಆಯ್ತಾರಾ ಪವಿತ್ರ್‌ ಸಭಾ ಜಾಗತಿಕ್ ಮಾಲ್ಘಾಡ್ಯಾಂಚೊ ದಿವಸ್ ಸಂಭ್ರಮ್ತಾ. ಪಾಪಾ ಸಾಯ್ಬಾನ್ ಮಾಲ್ಘಾಡ್ಯಾಂ ಖಾತಿ‌ರ್ ವಿಂಚ್ಲೆಲೊ ವಿಷಯ್ “ಹಾಂವ್ ತುಕಾ ವಿಸರ್ಚೊ ನಾ” ದೇವ್ ಆಮ್ಕಾಂ ಖಂಡಿತ್‌ ವಿಸರ್ನಾ.ಆಮ್ಚ್ಯೆ ಫಿರ್ಗಜೆಚ್ಯಾ‌ ಸರ್ವ್ ಮಾಲ್ಘಾಡ್ಯಾಂಚಾ ದಿಸಾಚೆಂ ಉಲ್ಲಾಸ್‌ ಪಾಠಯ್ತಾಂ ಆನಿ ದೆವಾಚಿಂ ಆಶೀರ್ವಾದಾಂ ಮಾಗ್ತಾಂವ್‌.ಆಮ್ಚ್ಯಾ ಮಾಲ್ಘಾಡ್ಯಾಂಕ್‌ ದೇವ್‌ ಬರ್ಯಾ ಭಲಾಯ್ಕೆನ್‌ ರಾಕೊನ್‌ ವ್ಹರೊಂದಿ ಆನಿ ಭುರ್ಗ್ಯಾಂ ಥಾವ್ನ್‌ ಮೋಗ್‌ ಆನಿ ಆಧಾರ್‌ ಲಾಬೊಂದಿ ಮ್ಹಣ್‌ ಮಾಗ್ತಾಂವ್‌.
• ಗೆಲೆತ್ಯಾ ಆಯ್ತಾರಾ ಆಮ್ಚ್ಯಾ ಭುರ್ಗ್ಯಾಂಕ್ ವಾಡ್ಯಾ ಸಮುದಾಯೆಚಿ ತರ್ಭೆತಿ ಆಸ್‌ಲ್ಲಿಂ. ಸುಮಾರ್ 140 ಭುರ್ಗ್ಯಾಂನಿ ಶಿಬಿರಾಂತ್ ವಾಂಟೊ ಘೆವ್ನ್ ಭೋವ್ ಉತ್ಸಾಹಾನ್ ತರ್ಭೆತಿ ಜೊಡ್ಲ್ಯಾ. ವಾಂಟೊ ಘೆತ್ಲೆಲ್ಯಾ ಭುರ್ಗ್ಯಾಂಕ್ ತಾಂಚ್ಯಾ ವ್ಹಡಿಲಾಂಕ್ ತಶೆಂಚ್ ಹೆಂ ಶಿಬಿರ್ ಆಯೋಜನ್ ಕೆಲ್ಲ್ಯಾ ವಾಡ್ಯಾ ಸಮುದಾಯೆಚಾ ಸಂಯೋಜಕ್, ಕಾರ್ಯದರ್ಶಿ ಆನಿ ಹೆರಾಂಕ್ ಕಾಳ್ಜಾಂ ಥಾವ್ನ್‌ ದೇವ್ ಬರೆಂ ಕರುಂ ಆನಿ ದೆವಾಚಿಂ ಆಶೀರ್ವಾದಾಂ ಮಾಗ್ತಾಂವ್.
• ಯೆತಾತ್ಯಾ ಆಯ್ತಾರಾ ಆಗೋಸ್ತ್ 2 ತಾರಿಕೆರ್ ಮಹಿನ್ಯಾಚೊ ಪಯ್ಲೊ ಆಯ್ತಾರ್ ತರೀ ಭುರ್ಗ್ಯಾಂಕ್ ದೊತೊರ್ನ್ ಆಸ್ತೆಲಿ. ಆಗೋಸ್ತ್ 16 ತಾರಿಕೆರ್ ಆಯ್ತಾರಾ ಸಕಾಳಿಂ ಮೀಸಾ ಉಪ್ರಾಂತ್ ಗೊವ್ಳಿಕ್ ಪರಿಷದೆಕ್ ತರ್ಭೆತಿ ಶಿಬಿರ್ ಆಸಾ ಆನಿ ತ್ಯಾ ಶಿಬಿರಾಕ್ ಕ್ರಿಸ್ತಾಂವ್ ಶಿಕ್ಷಣ್ ಶಿಕಂವ್ಚಿಂ ಥೊಡಿಂ ಧರ್ಮ್‌ಭಯ್ಣಿಂ ಆನಿ ಶಿಕ್ಷಕಿ ಗೊವ್ಳಿಕ್ ಪರಿಷದೆಚೆಂ ಸಾಂದೆ ಆನಿ ತಿ ಶಿಬಿರಾಂತ್ ವಾಂಟೊ ಘೆತಾತ್ ದೆಕುನ್ ತ್ಯಾ ಆಯ್ತಾರಾ ಭುರ್ಗ್ಯಾಂಕ್ ದೊತೊರ್ನ್ ಆಸ್ಚಿನಾ.
• ಪೆಲಪಾಡಿ ರಾಕಣ್ ಭಡ್ವೊ ವಾಡ್ಯಾಚಿ ಆಗ್ನೆಸ್ ಫೆರ್ನಾಂಡಿಸ್ ಗೆಲೆತ್ಯಾ ಹಪ್ತ್ಯಾಂತ್ ದೆವಾಧೀನ್ ಜಾಲ್ಯಾ. ತಿಚ್ಯಾ ಅತ್ಮ್ಯಾಕ್ ಸಾಸ್ಣಾಚೊ ವಿಶೆವ್ ಮಾಗ್ತಾಂವ್ ಆನಿ ದುಖೇಸ್ತ್ ಕುಟ್ಮಾಕ್ ಭುಜಯ್ತಾಂವ್.

01/08/2026- ಸನ್ವಾರಾ ಸಾಂಜೆರ್‌ 4:30-ತೇವ್‌ ಸಾಂತ್‌ ಅಂತೊನ್‌ ವಾಡೊ
02/08/2026-ಆಯ್ತಾರಾ ಸಾಕಾಳಿಂ 7:30- ಅರ್ಕುಳ ಪಯ್ಲೊ ಸಾಂತ್‌ ಅನ್ನಾ ವಾಡೊ-ವಾಡ್ಯಾ ಫೆಸ್ತಾಚಿ ಲಿತುರ್ಜಿ
02/08/2026-ಆಯ್ತಾರಾ ಸಾಕಾಳಿಂ 10:00- 7ವಿ ಕ್ಲಾಸ್

• ಯೆತಾತ್ಯಾ ಬುದ್ವಾರಾ ಜುಲಾಯ್ 29 ತಾರಿಕೆರ್ ಭಾಗೆವಂತ್ ಮಾರ್ಥ, ಮರಿ ಆನಿ ಲಾಜರಾಚೆಂ
  ಸ್ಮರಣ್. ಯೆತಾತ್ಯಾ ಸುಕ್ರಾರಾ 31 ತಾರಿಕೆರ್ ಭಾಗೆವಂತ್ ಇನಾಸ್ ಲೊಯೆಲಾ, ಜೆಜ್ವಿತ್ ಸಭೆಚೊ
  ಸ್ಥಾಪಕಾಚೆಂ ಸ್ಮರಣ್. ಯೆತಾತ್ಯಾ ಸನ್ವಾರಾ ಆಗೋಸ್ತ್ 1 ತಾರಿಕೆರ್ ಭಾಗೆವಂತ್ ಅಲ್ಫೋನ್ಸ್
  ಲಿಗೋರಿಚೆ ಸ್ಮರಣ್.