• ಆಜ್ ಸಕಾಳಿಂ 8.30 ವೊರಾಂ ಥಾವ್ನ್ 9.45 ವರಾಂ ಪರ್ಯಾಂತ್‌ ಪಯ್ಲ್ಯಾ ಕ್ಲಾಸಿಚಾ ಭುರ್ಗ್ಯಾಂ ಥಾವ್ನ್ ಸುರು ಕರ್ನ್ ಪಿಯುಸಿ ಪರ್ಯಾಂತ್ಲ್ಯಾ ಸಕ್ಕಡ್ ಭುರ್ಗ್ಯಾಂಕ್ ‘ಆಮ್ಚ್ಯಾ ಸಮುದಾಯಾಂತ್ ಆಮ್ಚಿಂ ಭುರ್ಗಿಂ’ ಮ್ಹಳ್ಯಾ ನಾಂವಾಂ ಖಾಲ್ ಭುರ್ಗ್ಯಾಂಕ್ ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ತರ್ಭೆತಿ ಮಾಂಡುನ್ ಹಾಡ್ಲ್ಯಾ ಆನಿ ಹಾಕಾ ತರ್ಭೆತಿ ದೀಂವ್ಕ್ ಸಂಪನ್ಮೂಳ್ ವ್ಯಕ್ತಿ ಯೆತೆಲೆ. ಭುರ್ಗ್ಯಾಂನಿ ತಶೆಂ ದೊತೊರ್ನ್ ಶಿಕಯ್ತಲ್ಯಾ ಶಿಕ್ಷಕಿಂನಿ ಚುಕಾನಾಸ್ತಾನಾ ಹಾಜರ್ ಜಾಂವ್ಚೆಂ.ಭುರ್ಗ್ಯಾಂಚೆಂ ಎಟೆಂಡೆನ್ಸ್ ಕಾಡ್ತಾಂವ್. ಹೆಂ ಶಿಬಿರ್ ಇಗರ್ಜೆ ಭಿತರ್ ಆಸ್ತೆಲೆಂ.
• ಆಜ್ I.C.Y.M. ಸಾಂದ್ಯಾಂಕ್ ಲೊರೆಟ್ಟೊ ಇಗರ್ಜೆ ಹೊಲಾಂತ್ ಆನಿ Y.C.S. ಸಾಂದ್ಯಾಂಕ್ ಮೊಡಂಕಾಪ್ ಇಗರ್ಜೆ ಹೊಲಾಂತ್ ವಾರಾಡ್ಯಾ ಮಟ್ಟಾರ್ ಶಿಬಿರಾಂ ಮಾಂಡುನ್ ಹಾಡ್ಲ್ಯಾಂತ್. ಸರ್ವ್ ಸಾಂದ್ಯಾಂನಿ ಹಾಜರ್ ಜಾಂವ್ಚೆಂ. Y.C.S. ಭುರ್ಗ್ಯಾಂಕ್ ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ತರ್ಭೆತಿ ಜಾಲ್ಲೆಂಚ್ ಬಂಟ್ವಳ್ ವಚೊಂಕ್ ವಾಹನಾಚಿ ಮಾಂಡಾವಳ್ ಕೆಲ್ಯಾ.
• ಗೆಲೆತ್ಯಾ ಆಯ್ತಾರಾ ಗೊವ್ಳಿಕ್ ಪರಿಷದೆಚಾ ಮೀಟಿಂಗಾ ವೆಳಾರ್ ಜಾಲ್ಲೆ ನಿರ್ಣಯ್ ಹ್ಯಾ ಪರಿಂ ಆಸಾತ್:
• ಮೊಂತಿ ಫೆಸ್ತಾಕ್ ತಯಾರಾಯ್ ಜಾವ್ನ್ ಆಗೋಸ್ತ್ 30 ತಾರಿಕೆ ಥಾವ್ನ್ ನೊವೆನ್ ಆರಂಭ್ ಜಾತಾ. ಸಕಾಳಿಂ 8.10 ಮಿನುಟಾಂಚೆರ್ ಸಾಕ್ರಾಮೆಂತಾಚೆಂ ಆರಾಧನ್ 8.30 ವೊರಾರ್ ಮೀಸ್ ಆನಿ ನೊವೆನ್ ಉಪ್ರಾಂತ್ ನೊವೆನಾಕ್ ಹಾಜರ್ ಜಾಲ್ಲ್ಯಾ ಭುರ್ಗ್ಯಾಂಕ್ ತಶೆಂ ವ್ಹಡಾಂಕ್ ಸ್ನ್ಯಾಕ್ಸ್ ವಾಂಟ್ಚೆಂ ಮ್ಹಣ್ ನಿರ್ಧಾರ್ ಕೆಲೊ.
• ಸಪ್ಟೆಂಬರ್ 8 ತಾರಿಕೆರ್ ಫೆಸ್ತಾ ದಿಸಾ ಸಕಾಳಿಂ 8.00 ವೊರಾರ್ ಇಗರ್ಜೆ ಗ್ರೊಟ್ಟ್ಯಾ ಮುಖಾರ್ ನವೆಂ ಬೆಂಜಾ‌ರ್, ಉಪ್ರಾಂತ್ ಬಾಳೊಕ್ ಮರ್ಯೆಕ್ ಫುಲಾಂ ಆರ್ಪುಂಚಿ ಆನಿ ಪುರ್ಶಾಂವ್ ಉಪ್ರಾಂತ್ ಸಂಭ್ರಮಿಕ್ ಮಿಸಾ ಬಲಿದಾನ್. ಮಿಸಾ ಉಪ್ರಾಂತ್ ಹಾಜರ್ ಆಸ್ಲಲ್ಯಾ ಸರ್ವಾಂಕ್ ಬ್ರೇಕ್‌ಫಾಸ್ಟಾಚಿ ಮಾಂಡಾವಳ್ ಆಸ್ತೆಲಿಂ.
• ಫೆಸ್ತಾಕ್ ಕೊಬು ನಾಕಾ ಮ್ಹಣ್ ನಿರ್ಧಾರ್ ಘೆತ್ಲೊ.
• ಮಿಸಾಕ್ ಸರ್ವ್ ಗುರ್ಕಾರ್ ಆನಿ ಹೆರ್ ಕಾಣಿಕ್ ಹಾಡ್ತೆಲೆ ಆನಿ ಮೀಸಾ ಉಪ್ರಾಂತ್ ಕಾಣಿಕೆಚೆಂ ಎಲಂ ಆಸ್ತೆಲೆಂ ಆನಿ ತೊ ಐವಜ್ ಸಾಂತ್ ವಿಶೆಂತ್ ಪಾವ್ಲ್ ಸಭೆಕ್ ದಿತೆಲ್ಯಾಂವ್.
• ಮಿಸಾಂವ್ ಆಯ್ತಾರಾಕ್ ಹರ್ಶೆಚಾ ಪರಿಂಚ್ ಮಿಸಾಂವ್ ಕವರಾಂ ದಿತೆಲ್ಯಾಂವ್ ಆನಿ ಮಿಸಾಂವ್ ಆಯ್ತಾರಾ ಲೊಕಾನ್ ಹಾಡ್ಲೆಲಿ ಕಾಣಿಕ್ ಎಲಂ ಕರುಂಕ್ ಆಸ್ತೆಲೆಂ. ಒಮ್ಜೂರ್ ಪಿಯೆಸ್ತಾ ತಸಲಿಂ ಹೆರ್ ಕಾರ್ಯಿಂ ತ್ಯಾ ದಿಸಾ ಆಸ್ಚಿನಾಂತ್.
• ಸಮುದಾಯ್ ದೀಸ್ ಕಾರ್ಯೆ೦ ನಾತ್ಲೆಲ್ಯ ವರ್ವಿಂ ಡಿಸೆಂಬರ್ 27 ತಾರಿಕೆರ್ ಆಯ್ತಾರಾ ಭಾಗೆವಂತ್ ಕುಟ್ಮಾಚಾ ಫೆಸ್ತಾ ದಿಸಾ ಫಿರ್ಗಜ್ ದಿವಸ್ ಜಾವ್ನ್ 8.00 ವೊರಾರ್ ಸಂಭ್ರಮಿಕ್ ಮೀಸ್ ಉಪ್ರಾಂತ್ ನೊವೊ ಸೊಲ್ಲೊ ಸಗ್ಳೊ ವಾಚುನ್ ಸಂಪಯ್ಲೆಲ್ಯಾಂಕ್ ಬಹುಮಾನ್ ಆನಿ ಮೀಸಾ ಉಪ್ರಾಂತ್ ಸರ್ವಾಂಕ್ ಬ್ರೇಕ್ ಫಾಸ್ಟ್ ಆಸ್ತೆಲೊ.
• ಜನವರಿ ಮಹಿನ್ಯಾಂತ್ ಸರ್ವ್ ಫಿರ್ಗಜ್‌ಗಾರಾಂನಿ ವಾಂಟೊ ಘೆಂವ್ಚೆಂ ತಸಲೆ ಖೆಳ್ ಗೊವ್ಳಿಕ್ ಪರಿಷದ್ ಮಾಂಡುನ್ ಹಾಡ್ತಾ. ತೆ ಕಸಲೆ ಖೆಳ್ ಆನಿ ಕೆದಳಾ ಜಾತೆಲೆ ಮ್ಹಣ್ ಮುಖಾರ್ ತಿಳ್ಸಿತಾಂವ್.
• ಅಸುಂಸಾಂವ್ ಫೆಸ್ತ್ ಸನ್ವಾರಾ ಯೆತಾ ಜಾಲ್ಲ್ಯಾನ್ ಆಗೋಸ್ತ್ 14 ತಾರಿಕೆರ್ ಸುಕ್ರಾರಾ ಸಾಂಜೆರ್ 4.30 ವೊರಾರ್ ಮೀಸ್ ಆನಿ ಸನ್ವಾರಾ ಸಕಾಳಿಂ 7.30 ವೊರಾರ್ ಅಸುಂಸಾಂವ್ ಫೆಸ್ತ್ ಆನಿ ಸ್ವಾತಂತ್ರೋತ್ಸವಾಚೆಂ ಮೀಸ್ ಉಪ್ರಾಂತ್ ಧ್ವಜರೋಹಣ್ ಕಾರ್ಯೆಂ ಆಮ್ಚ್ಯಾ ಇಸ್ಕೊಲಾ ತರ್ಫೆನ್ ಆಸ್ತೆಲೆಂ.
• ತ್ಯಾ ದಿಸಾ ಸನ್ವಾರಾ ಆಗೋಸ್ತ್ 15 ತಾರಿಕೆರ್ ಸಾಂಜೆಚೆಂ ಮೀಸ್ ನಾ. ಆಯ್ತಾರಾ ಆಗೋಸ್ತ್ 16 ತಾರಿಕೆರ್ ಸಕಾಳಿಂ 7.30 ವೊರಾಂ ಮೀಸಾ ಉಪ್ರಾಂತ್ ಗೊವ್ಳಿಕ್ ಪರಿಷದೆಕ್ ತರ್ಭೆತಿ ಕಾರ್ಯೆಂ ಆಸಾ. ಸರ್ವ್ ಸಾಂದ್ಯಾಂನಿ ಚುಕನಾಸ್ತಾನಾ ಹಾಜರ್ ಜಾಂವ್ಕ್ ವಿನಂತಿ ಆನಿ ದುಸ್ರೆಂ ಮೀಸ್ 10.00 ವೊರಾಂಚೆ‌ರ್ ಆಸ್ತೆಲೆಂ. ಹೆಂ ತುಮ್ಚ್ಯಾ ಗಮಾನಾಕ್,
• ಹ್ಯಾ ಪಾವ್ಶಿಲ್ಯಾ ದಿಸಾಂನಿ ಇಗರ್ಜೆಕ್ ಯೆಂವ್ಚ್ಯಾ ಲೊಕಾಕ್ ಇಗರ್ಜೆಚಾ ವಾರಾಂಡಾರ್ ನಿಸ್ರಾನಾಶೆಂ ರಬ್ಬರ್ ಮೇಟ್ ಘಾಲ್ತಾಂವ್. ಹೆಂ ರಬ್ಬರ್ ಮೇಟ್ ಉಂಚ್ಲ್ಯಾ ವರ್ಗಾಚೆಂ ಆನಿ ಸುಮಾರ್ 15 ವರ್ಸಾ೦ ಬಾಳ್ವಿ ಆಸ್ಚೆಂ. ಹಾಕಾ ಸುಮಾರ್ ರು. 1,60,000/- ಖರ್ಚ್ ಪಡ್ತಾ. ಉದಾರ್ ಮನಾಚಾ ದಾನಿಂನಿ ಸ್ಪೊನ್ಸರ್‌ ರಾವೊನ್ ಹ್ಯಾ ಕಾಮಾಕ್ ಆಧಾರ್ ದೀಂವ್ಕ್ ಆನಿ ತಶೆಂಚ್ ಫುಲ್ ಯಾ ಫುಲಾಂಚಿ ಪಾಕ್ಳಿ ದೀವ್ನ್ ಹ್ಯಾ ಬರ್ಯ ಕಾಮಾಕ್ ಕುಮಕ್ ಕರುಂಕ್ ವಿನಂತಿ.

25/07/2026- ಸನ್ವಾರಾ ಸಾಂಜೆರ್‌ 4:30-ಅರ್ಕುಳ ದುಸ್ರೊ-ಬಾಳೊಕ್‌ ಮರಿ ವಾಡೊ
26/07/2026-ಆಯ್ತಾರಾ ಸಾಕಾಳಿಂ 7:30-ನಂತರ್‌ ತೋಟ-ಸಾಂತ್‌ ಜೊಕಿಮ್‌ ವಾಡೊ
26/07/2026-ಆಯ್ತಾರಾ ಸಾಕಾಳಿಂ 10:00-8ವಿ ಕ್ಲಾಸ್

• ಯೆತಾತ್ಯಾ ಬುದ್ವಾರಾ ಜುಲಾಯ್ 22 ತಾರಿಕೆರ್ ಭಾಗೆವಂತ್ ಮರಿ ಮಾಗ್ದೆಲಾಚೆಂ ಫೆಸ್ತ್.
• ಯೆತಾತ್ಯಾ ಸನ್ವಾರಾ ಜುಲಾಯ್ 25 ತಾರಿಕೆರ್ ಭಾಗೆವಂತ್ ಜಾಕೊಬ್ ಸೊಮ್ಯಾಚಾ ಆಪೊಸ್ತಲಾಚೆಂ ಫೆಸ್ತ್.