• ಆಜ್ ಆಯ್ತಾರಾ ಆನಿ ಮುಖ್ಲ್ಯಾ ಹರ್ಯೇಕಾ ಆಯ್ತಾರಾ ಸಕಾಳಿಂ 8.30 ವೊರಾಂ ಥಾವ್ನ್ 9.45 ವೊರಾಂ ಪರ್ಯಾಂತ್ ಭುರ್ಗ್ಯಾಂಕ್ ಕ್ರೀಜ್ಮಾಚಿ ದೊತೊರ್ನ್ ಆಸಾ. ಭುರ್ಗ್ಯಾಂಕ್‌ ಚುಕಾನಾಸ್ತಾನಾ ದೊತೊರ್ನೆಕ್ ದಾಡುಂಕ್ ವಿನಂತಿ ಕರ್ತಾ.
• ಮೇಯಾಚಾ ದುಸ್ರ್ಯಾ ಆಯ್ತಾರಾ ಮ್ಹಣ್ಜೆ ಮೇಯಾಚಾ 10 ತಾರಿಕೆರ್ ಆಜ್ ಜಾಗತಿಕ್ ಆವಯಾಂಚೊ ದಿವಸ್ ಜಾವ್ನ್ ಸಂಬ್ರಮ್ತಾತ್.ಆಮ್ಚ್ಯಾ ಫಿರ್ಗಜೆಚಾ ಆನಿ ಕುಟ್ಮಾಂಚಾ ಸರ್ವ್ ಆವಯಾಂಕ್ ಶುಭಾಶಯ್ ಪಾಠಯ್ತಾಂ ಆನಿ ದೆವಾಚಿ ಆಶೀರ್ವಾದಾಂ ಮಾಗ್ತಾಂ.
• ಯೆತಾತ್ಯಾ ಸುಕ್ರಾರಾ ಮೇಯಾಚಾ 15 ತಾರಿಕೆರ್ ನಿವೃತ್ತ್ ಗೊವ್ಳಿಬಾಪ್ ಲುವಿಸ್ ಪಾವ್ಲ್ ಸೋಜ್ ಭಿಸ್ಪ್ ಜಾವ್ನ್ 30 ವರ್ಸಾಂ ಸಂಪ್ತಾತ್.ತಾಂಕಾಂ ಬರಿಂ ಭಲಾಯ್ಕಿ ಆನಿ ದೆವಾಚಿ ಆಶೀರ್ವಾದಾಂ ಮಾಗ್ತಾಂ.
• ಪವಿತ್ರ್ ಸಭೆಚಾ ನಿರ್ದೇಶನಾ ಪ್ರಕಾರ್ 2002 ಇಸ್ವೆಂತ್ ಮಿಸಾಚಾ ಸಂಭ್ರಮ್ಣೆಚಾ ಮಾಂಡಾವಳಿಂತ್ ಮೀಸ್ ಭೆಟಂವ್ಚ್ಯಾ ಸೆರೆಮನಿಂತ್ ಥೊಡಿಂ ಬದ್ಲಾವಣ್ ಆರಂಭ್ ಕೆಲ್ಲಿ .ಅತಾಂ ತಿ ಇಂಗ್ಲೀಷ್, ಕನ್ನಡ ತಶೆಂ ಭಾರತಾಚಾ ಆನಿ ಸಂಸಾರಾಚಾ ಇತರ್ ಭಾಸಾಂನಿ ಭಾಷಾಂತರ್ ಜಾವ್ನ್ ಎವ್ಕರಿಸ್ತ್ ಬಲಿದಾನಾಂತ್ ಉಪಯೋಗ್ ಜಾತಾ.2011 ಇಸ್ವೆಂತ್ ಕೊಂಕ್ಣಿ ಭಾಷೆನ್ ಭಾಷಾಂತರ್ ಕರುಂಕ್ ಆರಂಬ್ ಕೆಲ್ಲಿ ಆನಿ ಆತಾಂ ಭಾಷಾಂತರಾಂಚೆಂ ಕಾಮ್ ಪೂರ್ಣ್ ಜಾವ್ನ್ ಹ್ಯಾಚ್ ಜೂನ್ ಮಹಿನ್ಯಾಚಾ 7 ತಾರಿಕೆರ್ ಕೊರ್ಪುಸ್ ಕ್ರೀಸ್ತೀ ಫೆಸ್ತಾ ದಿಸಾ ಆಮ್ಚ್ಯಾ ಮಂಗ್ಳುರ್ ದಿಯೆಸೆಜಿಂತ್ ಹರ್ಯೇಕಾ ಫಿರ್ಗಜೆಂತ್ ನವ್ಯಾ ಮಿಸಾಚಿ ಮಾಂಡಾವಳ್ ಸುರ್ವಾತ್ ಜಾತಾ.ದೆಕುನ್ ಮುಕ್ಲ್ಯಾ ತೀನ್ ಆಯ್ತಾರಾಂನಿ ಮ್ಹಳ್ಯಾರ್ ಮೇಯಾಚಾ 17, 24 ಆನಿ 31 ತಾರಿಕೆರ್ ಪಯ್ಲ್ಯಾ ಮಿಸಾ ಪಯ್ಲೆಂ ಆನಿ ಮಿಸಾ ಉಪ್ರಾಂತ್ ಥೊಡೊ ವೇಳ್ ಸುಮಾರ್ 10 ಮಿನುಟಾಂ ಆಮಿ ಪ್ರಾಕ್ಟಿಸ್ ದಿತಾಂವ್, ದೆಕುನ್ ದಯಾಕರ್ನ್ ಸುದಾರ್ಸುನ್ ವ್ಹರಾ.ಹಪ್ತ್ಯಾಮಧೆಂ ಮಿಸಾಕ್ ಗರ್ಜ್ ಪಡ್ಚ್ಯೊ ಕಡ್ತಿಲ್ಯೊ ದವರ್ತಾಂವ್.
• ಓಮ್ಜೂರ್‌ಚಿ ಪಾನಾಂ ಜೂನ್ ಮಹಿನ್ಯಾಚಾ ಅಂಕ್ಯಾಕ್ 10ವಿ ಆನಿ ಪಿಯುಸಿ ಪರೀಕ್ಷೆಂತ್ ಡಿಸ್ಟಿಂಗ್ಷನ್ 85% ಮಾರ್ಕ್ಸ್ ಮೆಳ್ಳೆಲ್ಯಾ ಭುರ್ಗ್ಯಾಂಚಿಂ ನಾಂವಾಂ, ವಾಡೊ, ಕ್ಲಾಸ್, ಮೆಳ್ಳೆಲೆ ಅಂಕ್, ವಿದ್ಯಾರ್ಥಿಚಿ ತಸ್ವೀ‌ರ್, ಅಂಕ್‌ಪಟ್ಟೆಚಿ ಪ್ರತಿ ಮೇಯಾಚ್ಯಾ 17 ತಾರಿಕೆ ಭಿತರ್ ದಪ್ತರಾಕ್ ದೀಂವ್ಕ್ ವಿನಂತಿ.

16/05/2026- ಸನ್ವಾರಾ ಸಾಂಜೆರ್‌ 4:30-ಮೇರಮಜಲ್‌ ದುಸ್ರೊ-ಬಾಳೊಕ್‌ ಜೆಜು ವಾಡೊ
17/05/2026-ಆಯ್ತಾರಾ ಸಾಕಾಳಿಂ 7:30-ಅರ್ಕುಳ ಪಯ್ಲೊ-ಸಾಂತ್‌ ಅನ್ನಾ ವಾಡೊ
17/05/2026-ಆಯ್ತಾರಾ ಸಾಕಾಳಿಂ 10:00-ಮಯ್ಯಾಡಿ ದುಸ್ರೊ- ಸಾಂತ್‌ ಫ್ರಾನ್ಸಿಸ್‌ ಸಾವೆರ್ ವಾಡೊ

• ಯೆತಾತ್ಯಾ ಬುದ್ವಾರಾ ಮೇ 13 ತಾರಿಕೆರ್ ಫಾತಿಮಾ ಸಾಯ್ಭಿಣಿಚೆಂ ಫೆಸ್ತ್ ಆನಿ ಯೆತಾತ್ಯಾ ಬ್ರೆಸ್ತಾರಾ ಮೇ 14 ತಾರಿಕೆರ್ ಭಾಗೆವಂತ್ ಮಾಥಿಯಾಸ್ ಸೊಮ್ಯಾಚಾ ಆಪೊಸ್ತಲಾಚೆಂ ಫೆಸ್ತ್.