• ಮಾ। ಬಾ। ವಿಕ್ಟರಾ ಸಂಗಿಂ ಮೆಳೊನ್ ತುಮ್ಮಾಂ ಸರ್ವಾಂಕ್, ಧರ್ಮ್ ಭಯ್ಣಿಂಕ್ ಗಾಂವಾಂತ್ ತಶೆಂ ಪರ್ಗಾಂವಾತ್ ಆಸ್ಲೆಲ್ಯಾ ಫಿರ್ಗಜ್ಗಾರಾಂಕ್ ಜೆಜುಚಾ ಜಿವಂತ್ಪಣಾಚೆಂ ಸಂತೋಸ್ಭರಿತ್ ಫೆಸ್ತ್‌ ಹಾಂವ್ ಮಾಗ್ತಾಂ.
• ಜಿವಂತ್ ಜೆಜು ತುಮ್ಚೆರ್ ಸರ್ವಾಂಚೆರ್ ಆನಿ ತುಮ್ಚ್ಯಾ ಕುಟ್ಮಾಂಚೆ‌ರ್ ಆಪ್ಲೆಂ ಆರ್ಶೀವಾದ್ ಘಾಲುಂ ಆನಿ ತುಮ್ಚಿಂ ಕುಟ್ಮಾ ರಾಕುಂ ಆನಿ ಸಾಂಬಾಳುಂ ಮ್ಹಣ್ ಮಾಗ್ತಾಂ, ಹ್ಯಾ ಫೆಸ್ತಾಚೆ ಶುಭಾಶಯ್ ಘರಾಂತ್ ಆಸ್ಲೆಲ್ಯಾ ಪಿಡೇಸ್ತ್ ಆನಿ ಪ್ರಾಯ್ವಂತಾಂಕ್ ಪಾಠಂವ್ಕ್ ತುಮ್ಕಾಂ ವಿನಂತಿ ಕಾರ್ತಾಂ.
• ಆಜ್ ಥಾವ್ನ್ ಸರ್ಗಾಚ್ಯೆ ರಾಣ್ಯೆ ಉಲ್ಲಾಸ್ ಪಾವ್ ಅಮೊರಿ ಅರಂಭ್ ಜಾವ್ನ್ ಪೆಂತೆಕೊಸ್ತಾಚಾ ಪರ್ಬೆಚಾ ದಿಸಾ ಅಕೇರ್ ಜಾತಾ.‌
• ಆಜ್ ಸನ್ವಾರಾ ಸಕಾಳಿ ಹಾಂಗಾಸರ್ ಆಲ್ತಾರ್ ಸೊಬಂವ್ಕ್ ತಶೆಂ ಬಸ್ಕಾಚಿ ಮಾಂಡಾವಳ್ ಆನಿ ಹೆರ್ ಮಾಂಡಾವಳ್ ಕರುಂಕ್ ಕುಮೊಕ್ ಕೆಲ್ಲ್ಯಾ ಸರ್ವ್ ಸ್ವಯಂ ಸೇವಕಾಂಕ್ ದೇವ್ ಬರೆಂ ಕರುಂ ಮ್ಹಣ್ತಾ ಆನಿ ತಾಂಚಾ ವಾವ್ರಾಚೆರ್ ದೆವಾಚಿ ಆಶೀರ್ವಾದಾಂ ಮಾಗ್ತಾಂ.ಮೀಸ್ ಜಾಲ್ಯಾ ಉಪ್ರಾಂತ್ ಆಲ್ತಾರಿಚ್ಯೊ ವಸ್ತು ಇಗರ್ಜೆಕ್ ಪಾಟಿಂ ವರುಂಕ್ ಗೊವ್ಳಿಕ್ ಪರಿಷದೆಚ್ಯಾ ಸಾಂದ್ಯಾಂನಿ ಕುಮಕ್ ಕರುಂಕ್ ವಿನಂತಿ.
• ಭಾಗೆವಂತ್ ಹಪ್ತ್ಯಾಚಿ ಲಿತುರ್ಜಿ ಅರ್ಥಾಭರಿತ್ ರಿತಿನ್ ಆಚಾರ್ಸುಂಕ್ ಅಧಾರ್ ದಿಲ್ಲ್ಯಾ ಫಿರ್ಗಜ್ ಗೊವ್ಳಿಕ್ ಪರಿಷದ್, ಉಪಾಧ್ಯಕ್ಷ ಅರ್ಥರ್ ಸೋಜ್, ಕಾರ್ಯದರ್ಶಿ ಡ್ಯಾಫ್ನಿ ಲುವಿಸ್, ಗೊವ್ಳಿಕ್ ಆಯೋಗಾಚೊ ಸಂಯೋಜಕ್ ಎಲ್ರೊಯ್ ಸಲ್ಡಾನ್ಹ, ವಾಡ್ಯಾಚೆ ಗುರ್ಕಾರ್ ಆನಿ ಸಂಫ್ ಸಂಸ್ಥ್ಯಾಚೆಂ ಹುದ್ದೆದಾರ್ ಆನಿ ಸಾಂದೆ, ಲಿತುರ್ಜಿ ಆಯೋಗಾಚಾ ಮುಖೆಲ್ಪಣಾಖಾಲ್ ಫಿರ್ಗಜೆಂತ್ಸಾ 18 ವಾಡ್ಯಾಚಾ ಸಾಂದ್ಯಾಂನಿ ವಾಂಟೊ ಘೆತ್ಲಾ ತಾಂಕಾಂ ತರ್ಭೆತಿ ದಿಲ್ಲ್ಯಾ ಸಂತೊಷ್ ಲೋಬೊ, ಎಲ್ರೊಯ್ ಸಲ್ಡಾನ್ಹ, ಜೊಸ್ಸಿ, ಸೆಲಿನ್ ಪಿಂಟೊ ಆನಿ ಹೆರಾಂಕ್, ನಿಮಾಣ್ಯಾ ಬ್ರೆಸ್ತಾರಾ 12 ಜಣ್ ಅಪೊಸ್ತಲಾಂನಿ ಪಾಂಯ್ ಧುಂವ್ಚ್ಯಾ ಸೆರೆಮನಿಂತ್ ಕುಮೊಕ್ ಕೆಲ್ಲ್ಯಾಂಕ್, ಅರಾಧಾನಾ ವೆಳಾರ್ ಮಾಗ್ಣೆಂ ಚಲವ್ನ್ ವ್ಹೆಲ್ಲ್ಯಾ ಧರ್ಮ್ ಭಯ್ಲಿಂಕ್ ಆನಿ ಹೆರಾಂಕ್, ನಿಮಾಣ್ಯಾ ಸುಕ್ರಾರಾ ಭಾಯ್ರ್‌ ಮೈದಾನಾರ್ ಖುರ್ಸಾವಾಟ್ ಅರ್ಥಾಭರಿತ್‌ ರಿತಿನ್ ಚಲವ್ನ್ ವ್ಹೆಲ್ಲ್ಯಾ ಐ.ಸಿ.ವೈ.ಎಂ.ಸಾಂದ್ಯಾಂಕ್ ತಾಂಕಾಂ ಸಾಂಗಾತ್ ದಿಲ್ಲ್ಯಾ ಸಚೇತಕಾಂಕ್ ಸಾಂಗಾತಾಚ್ ತಾಂಣಿಂ ಇಗರ್ಜ್ ಡೆಕೊರೇಷನ್ ಕೆಲ್ಯಾ ತಶೆಂಚ್ ಖುರ್ಸಾ ವಯ್ಲಿ ಕೂಡ್ ದೆಂವವ್ಚ್ಯಾ ಸೆರೆಮನಿಂತ್ ಮುಖೆಲ್ಪಣ್ ಘೆತ್‌ಲ್ಲ್ಯಾ ಒಲ್ವಿನ್ ಫೆರ್ನಾಂಡಿಸ್, ವಿನ್ಸೆಂಟ್ ಸಲ್ಡಾನ್ಹ, ಏರಿಕ್ ಲೋಬೊ ಆನಿ ಪಂಗ್ಡಾಂಕ್ ಸಾಂಗಾತಾಚ್ ಜೆಜುಚಿ ಆನಿ ಮರಿಯೆಚಿ ಇಮಾಜ್ ಪುರ್ಶಾಂವಾರ್ ಭಕ್ತಿಪಣಿಂ ವರುಂಕ್ ಮಾಂಡವಾಳ್ ಕೆಲ್ಲ್ಯಾ ಸ್ವಯಂ ಸೇವಕಾಂಕ್ ಆನಿ ಹೆರಾಂಕ್ ಕಾಳ್ವಾಂ ಥಾವ್ನ್ ದೇವ್ ಬರೆಂ ಕರುಂ .
• ಭಾಗೆವಂತ್ ಹಪ್ತ್ಯಾಂತ್ ಅಲ್ತಾರ್ ಫುಲಾಂನಿ ಸೊಭಾಯಿಲ್ಲ್ಯಾ ಧರ್ಮ್ ಭಯ್ಣಿಂಕ್ ಆನಿ ಭುರ್ಗ್ಯಾಂಕ್, ಆಲ್ತಾರಿಚಿ ಅಪುರ್ಬಾಯೆನ್ ಸೆವಾ ಕೆಲೆಲ್ಯಾ ಆಲ್ತಾರ್ ಭುರ್ಗ್ಯಾಂಕ್ ಆನಿ ತಾಂಚ್ಯಾ ಸಚೇತಕ್ ಲೀನಾ ಟಿಚೇರಿಕ್, ಹರೇಕಾ ಮಿಸಾ ವೆಳಾರ್ ಪವಿತ್ರ್ ಎವ್ಕರಿಸ್ತ್ ವಾಂಟುಂಕ್ ಅಧಾರ್ ದಿಲ್ಲ್ಯಾ ವಿಶೇಸ್ ಮಣಿಯಾರ್ಯಾಂ ಕ್, ಮಿಸಾ ವೆಳಾರ್ ಕಂತಾರಾ ಗಾಂವ್ಚ್ಯಾಂಕ್‌ ಕುಮೊಕ್ ಕೆಲ್ಲ್ಯಾ ಟಿ.ವಿ.ಪಂಗ್ಡಾಕ್, ವಿಶೆವಾಚ್ಯಾ ಆಲ್ತಾರಿಕ್ ಆನಿ ಜೆಜುಚ್ಯಾ ಪಾಳ್ನ್ಯಾಕ್ ಫುಲಾಂ ಹಾಡ್ನ್‌ ದಿಲ್ಲ್ಯಾ ತುಮ್ಮಾಂ ಫಿರ್ಗಜ್‌ಗಾರಾಂಕ್, ವಿಶೆವಾಚಿ ಆಲ್ತಾರ್ ಭೋವ್ ಅಪುರ್ಬಾಯೆನ್ ತಯಾರ್ ಕೆಲ್ಲ್ಯಾ ತೇರ್ಸಿಯಾರಿ ಸಾಂದ್ಯಾಕ್ ಆನಿ ಹೆರಾಂಕ್, ಕದೆಲಾ ಮಾಂಡುನ್ ಅಧಾರ್ ದಿಲ್ಲ್ಯಾಂಕ್ ಸ್ಟೇನಿ ಡಿಸೋಜ ಆನಿ ಹೆರಾಂಕ್, ಪ್ರಾಯೋಜಕ್ ಆನಿ ಮುಡ್ದೊಮ್ ರಾವೊನ್ ಫೆಸ್ತಾಕ್ ಅಧಾರ್ ದಿಲ್ಲ್ಯಾಂಕ್, ಕರೆಜ್ಮಾಚಾ ಹರ್ಯೆಕಾ ದಿಸಾಂನಿ ತಶೆಂಚ್ ಆಯ್ತಾರಾಚಾ ಖುರ್ಸಾವಾಟೆಂತ್ ಮುಖೇಲ್ಪಣ್ ಘೆತ್ ಲ್ಲ್ಯಾ ತುಮ್ಕಾಂ, ಸೌಂಡ್ ಸಿಸ್ಟಮಾಚಿ ಮಾ೦ಡವಳ್ ಕೆಲ್ಲ್ಯಾಂಕ್, ಸರ್ವ್ ರಿತಿಂನಿ ಸಹಕಾರ್ ದಿಲ್ಲ್ಯಾ ತುಮ್ಕಾಂ ಸರ್ವಾಂಕ್ ಕಾಳ್ಜಾ ಥಾವ್ನ್ ದೇವ್ ಬರೆಂ ಕರುಂ‌ ಮ್ಹಣ್ತಾ ಆನಿ ತುಮ್ಚೆರ್ ದೆವಾಚಿ ಅಶೀರ್ವಾದಾಂ ಮಾಗ್ತಾಂ.
• ಆಮ್ಚೆ ಗಾಯನ್ ಪಂಗ್ಡಾನ್ ಸಬಾರ್ ದಿಸಾಂಚಿ ತಯಾರಾಯ್ ಕರ್ನ್ ಭೋವ್ ಸುಮಧುರ್ ರಿತಿನ್ ಗಾಯನ್ ಕೆಲಾಂ ಗಾಯನ್ ಪಂಗ್ದಾಚೊ ಮುಖೆಲಿ ಶ್ರೀ ಜೊಲ್ಡಿನ್ ಲುವಿಸ್ ಆನಿ ಸರ್ವ್ ಗಾಯನ್ ಪಂಗ್ಡಾಚಾ ಸಾಂದ್ಯಾಂಕ್ ತಾಂಚ್ಯಾ ಭೋವ್ ಅಪುರ್ಬಾಯೆಚ್ಯಾ ಸೆವೆ ಖಾತಿರ್ ತಶೆಂಚ್ ವಾಜಾಂತ್ರಾ ಖೆಳೊಂಕ್ ಅಧಾರ್ ದಿಲ್ಲ್ಯಾಂಕ್ ಕಾಳ್ವಾಂ ಥಾವ್ನ್ ದೇವ್ ಬರೆಂ ಕರುಂ ಮ್ಹಣ್ತಾ ಆನಿ ದೆವಾಚಿಂ ಅಶೀರ್ವಾದಾಂ ಮಾಗ್ತಾಂ.
• ಸಾಂ. ವಿಶೆಂತ್ ಪಾವ್ಲ್‌ ಸಭಾ ಒಮ್ಜೂರ್ ಘಟಕ್, ದುಬ್ಳ್ಯಾ ಆನಿ ಗರ್ಜೆವಂತ್ ಕುಟ್ಮಾಂಕ್ ಘರ್ ಬಾಂದ್ಚ್ಯಾ ಕಾಮಾಕ್ ಕುಮಕ್ ಜಾವ್ನ್ “ಫಾತೊರ್ ದಾನ್ ” ಮ್ಹಳ್ಳೆಂ ಯೋಜನ್ ಸುರು ಕೆಲಾ.ಹೊ ಏಕ್ ಭೋವ್ ಪವಿತ್ರ್ ಆನಿ ದೆವಾಕ್ ಮೆಚ್ವೊಂಚೊ ವಾವ್ರ್ ದೆಕುನ್ ಎಸ್.ವಿ.ಪಿ. ಸಾಂದೆಂ ತುಮ್ಕಾಂ ಭೆಟ್ತೆಲೆ. ತುಮ್ಚ್ಯೆ ಕುಮ್ಕೆಚೊ ಆಧಾರ್ ದಿಯಾ.
• ಇಸ್ಕೊಲ್ ಆಸ್ತಾನಾ ಭುರ್ಗ್ಯಾಂಕ್ ಮಿಸಾಕ್ ಯೇಂವ್ಕ್ ಜಾಯ್ನಾ ತರೀ ಆತಾಂ ಭುರ್ಗ್ಯಾಂಕ್ ರಜಾ ಮೆಳ್ಳ್ಯಾ ದೆಕುನ್ ಭುರ್ಗ್ಯಾಂಕ್ ವೆಗಿಂ ಉಠವ್ನ್ ಮಿಸಾಕ್ ಧಾಡಾ, ಸೊಮಾರಾ ಥಾವ್ನ್ ಸಕಾಳಿಂ 6.10 ಮಿನುಟಾಂಚೆ‌ರ್ ಆರಾಧನ್, ತೇರ್ಸ್ ಆನಿ 6.30 ವೊರಾರ್ ಮೀಸಾ ಬಲಿದಾನ್ ಆಸಾ.ಭುರ್ಗ್ಯಾ೦ ಸಾಂಗಾತಾ ವ್ಹಡಿಲಾಂನಿ ಮಿಸಾಕ್ ಯೇಂವ್ಕ್ ವಿನಂತಿ.
• ಮಂಗ್ಳಾರಾ ಎಪ್ರಿಲ್ 7 ತಾರಿಕೆ ಥಾವ್ನ್ ಭುರ್ಗ್ಯಾಂಕ್ ಪಯ್ಲ್ಯಾ ಕುಮ್ಗಾರಾಚಿ ದೊತೊರ್ನ್ ಆರಂಭ್‌ ಜಾತಾ.ಸಕಾಳಿಂ 8.30 ವೊರಾಂ ಥಾವ್ನ್ 10.30 ವೊರಾಂ ಪರ್ಯಾಂತ್, ತಶೆಂಚ್ ಕ್ರಿಜ್ಮಾಚಿ ದೊತೊರ್ನ್ ಯೆತಾತ್ಯಾ ಆಯ್ತಾರಾ ಥಾವ್ನ್ ಹರ್ಯೆಕಾ ಆಯ್ತಾರಾ ಸಕಾಳಿಂ 8.30 ವೊರಾಂ ಥಾವ್ನ್ 9.30 ವೊರಾಂ ಪರ್ಯಾಂತ್ .ಹ್ಯಾ ವರ್ಸಾ ಸಾತ್ವ್ಯಾ ಕ್ಲಾಸಿಚಿ ಪರೀಕ್ಷಾ ಬರಯಿಲ್ಲಾ ಭುರ್ಗ್ಯಾಂ ಥಾವ್ನ್ ಸುರು ಕರ್ನ್ ಕ್ರಿಜ್ಮಾಚೊ ಸಾಕ್ರಾಮೆಂತ್ ಮೆಳಾನಾತ್‌ಲ್ಲ್ಯಾ ಸಕ್ಕಡ್ ಭುರ್ಗ್ಯಾಂನಿ ತಶೆಂ ವ್ಹಡಾಂನಿ ಚುಕಾನಾಸ್ತಾನಾ ದೊತೊರ್ನೆಕ್ ಹಾಜರ್ ಜಾಂವ್ಚೆಂ.ವ್ಹಡಿಲಾಂನಿ ಹ್ಯಾ ವಿಶಿಂ ಭುರ್ಗ್ಯಾಂಕ್ ಚತ್ರಾಯ್ ಸಾಂಗೊಂಕ್ ಉಲೊ ದಿತಾಂ.
• ಶ್ರೀ ಆನಿ ಶ್ರೀಮತಿ ಬೊನವೆಂಚರ್ ಆನಿ ಎವ್ಜಿನ್ ಪಿರೇರಾ ಹಾಂಚ್ಯಾ ಲಗ್ನಾ ಜಿವಿತಾಚಾ ರುಬಿ ಜುಬ್ಲೆವಾಚಾ ಸಂದರ್ಭಾರ್ ಹಾಜರ್ ಆಸ್ಲಲ್ಯಾ ಸರ್ವಾಂಕ್ ಕೇಕ್ ಆನಿ ಥಂಡ್ ಪೀವನ್ ಒದಗ್ಲಿಲಾಂ.ತಾಂಕಾಂ ಉಲ್ಲಾಸಿತಾಂವ್ ಆನಿ ಬರೆಂ ಮಾಗ್ತಾಂವ್. ಸ್ವಯಂ ಸೇವಕ್ ತುಮ್ಮಾಂ ವಾಂಟ್ತೆಲೆ. ಲೊಕಾಂಮಧೆಂ ದೋನ್ ಡಸ್ಟ್ ಬಿನ್ ದವರ್ಲ್ಯಾತ್ ಕಸ್ರೋ ತಾಂತುಂ ಘಾಲಾಂ.ಕದೆಲಾಂ ಪಾಟಿಂ ದವರುಂಕ್ ವಿನಂತಿ.
• ಆಮ್ಯಾ ಫಿರ್ಗಜೆಚಾ ಸಾಮಾಜಿಕ್ ಸಂವಹನ್ Social Communicationಚಾ ಆಯೋಗಾನ್ ಫಿರ್ಗಜೆಚೆಂ ವೆಬ್‌ಸಾಯ್ಟ್ ಆಧುನಿಕ್ ರಿತಿನ್ ನವ್ಯಾಚ್ ವಿನ್ಯಾಸಾನ್ ಪಿಂತ್ರಾಯ್ಲಾಂ.ತಾಚೆಂ ಮುಖೆಲ್ಪಣ್ ಫೆತ್ಲೆಲ್ಯಾ ಜೊಲ್ಡಿನ್ ಲುವಿಸ್, ಟೆನಿಶಾ ಪಿಂಟೊ, ರವೀನಾ ವಾಸ್, ಆಶ್ಲೀನ್ ಫೆರ್ನಾಂಡಿಸ್, ಆನಿ ಡೊನಾಲ್ಡ್ ಕೊರೆಯಾ ತಾಂಕಾಂ ದೇವ್ ಬರೆಂ ಕರುಂ. ತಾಚೆಂ ಉದ್ಘಾಟನ್ ಕರುಂಕ್ ಉಪಾಧ್ಯಕ್ಷ್, ಕಾರ್ಯದರ್ಶಿ, ಆಯೋಗಾಚೊ ಸಂಯೋಜಕ್ ಹಾಣಿಂ ವೆದಿಕ್ ಯೆಂವ್ಚೆಂ .ಉಪ್ರಾಂತ್ ಕಂಪ್ಯೂಟರ್ ಪಡ್ದ್ಯಾರ್ ತಾಚಿ ಝಳಕ್ ದಿತೆಲೆಂ.
• ತುಮ್ಮಾಂ ಸರ್ವಾಂಕ್ ಸೊಮ್ಯಾ ಜೆಜುಚ್ಯಾ ಜಿವಂತ್ಪಣಾಚೆಂ ಫೆಸ್ತ್ ಮಾಗ್ತಾಂ. ಆನಿ ತುಮ್ಚೆರ್ ದೆವಾಚಿ ಅಶೀರ್ವಾದಾಂ ಮಾಗ್ತಾಂವ್. 

11/04/2026 – ಸನ್ವಾರಾ ಸಾಂಜೆರ್‌ 4:30 – ಬಾಡೂರ್‌ – ಸಾಂ.ಬೊಸ್ತ್ಯಾಂವ್‌  ವಾಡೊ

12/04/2026 – ಆಯ್ತಾರಾ ಸಾಕಾಳಿಂ 7:30 – ಪೆಲಪಾಡಿ – ರಾಕಣ್‌ ಭಡ್ವೊ ವಾಡೊ

12/04/2026 – ಆಯ್ತಾರಾ ಸಾಕಾಳಿಂ 10:00- ಐ.ಸಿ.ವೈ.ಎಂ

• ಯೆಂವ್ಚ್ಯಾ ಆಯ್ತಾರಾ ದೈವಿಕ್ ಕಾಕುಳ್ತಿಚೆಂ ಫೆಸ್ತ್.